ಮಾಲ್ನಲ್ಲಿ ದಾಳಿ ನಡೆದಾಗ, ಇನ್ನಷ್ಟು ಜನರ ಮೇಲಿನ ಇರಿತ ತಪ್ಪಿಸಲು ಧೈರ್ಯದಿಂದ ಮುನ್ನುಗ್ಗಿದವರನ್ನು ಆಸ್ಟ್ರೇಲಿಯಾ ಪ್ರಧಾನಿ ಆಂಥನಿ ಆಲ್ಬನೀಸ್ ಶ್ಲಾಘಿಸಿದ್ದಾರೆ. ಮಾಲ್ನ ಭದ್ರತಾ ಸಿಬ್ಬಂದಿ ಮುಹಮ್ಮದ್ ತಾಹಾ ಎನ್ನುವವರು ಪಾಕಿಸ್ತಾನದಿಂದ ವಲಸೆ ಬಂದವರು. ದಾಳಿಕೋರನನ್ನು ತಡೆಯುವ ಭರದಲ್ಲಿ ಅವರೂ ಚೂರಿ ಇರಿತದಿಂದ ಗಾಯಗೊಂಡಿದ್ದರು. ಅವರ ತಾತ್ಕಾಲಿಕ ವೀಸಾ ಅವಧಿ ಇನ್ನೇನು ಮುಗಿಯುವುದರಲ್ಲಿತ್ತು. ಅವರ ಕಾರ್ಯವನ್ನು ಮೆಚ್ಚಿಕೊಂಡಿರುವ ಆಲ್ಬನೀಸ್, ಅವರಿಗೆ ಆಸ್ಟ್ರೇಲಿಯಾ ಪೌರತ್ವ ನೀಡುವುದಾಗಿ ತಿಳಿಸಿದ್ದಾರೆ.