ಲಂಡನ್‌ (ಪಿಟಿಐ):ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ಅವರ ಆಪ್ತರಲ್ಲಿ ಒಬ್ಬರಾದ ಸಚಿವ ಸರ್ ಗೆವಿನ್ ವಿಲಿಯಮ್ಸನ್ ಅವರು ಬುಧವಾರ ರಾಜೀನಾಮೆ ನೀಡಿದ್ದಾರೆ. ಇದರಿಂದ ಸುನಕ್‌ ಪ್ರತಿಪಕ್ಷಗಳ ವಾಗ್ದಾಳಿಯ ಒತ್ತಡಕ್ಕೆ ಸಿಲುಕಿದ್ದಾರೆ.
ಪಕ್ಷದ ಮುಖ್ಯ ಸಚೇತಕಿ ವೆಂಡಿ ಮೋರ್ಟನ್‌ ಅವರಿಗೆ ಬೆದರಿಕೆ ಸಂದೇಶ ಕಳುಹಿಸಿದ ಪ್ರಕರಣದ ವಿಚಾರಣೆ ಬಾಕಿ ಇರುವಾಗಲೇ ಗೆವಿನ್ ವಿಲಿಯಮ್ಸನ್ ಅವರು ರಾಜೀನಾಮೆ ಸಲ್ಲಿಸಿದ್ದಾರೆ.
ಸುನಕ್‌ ಅವರಿಗೆ ರಾಜೀನಾಮೆ ಸಲ್ಲಿಸಿದ ನಂತರವಿಲಿಯಮ್ಸನ್‌ ಅವರು ಈ ವಿಷಯವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಸುನಕ್‌ ಸಂಪುಟದಲ್ಲಿ ಖಾತೆ ರಹಿತ ಸಚಿವರಾಗಿದ್ದ ಸರ್ ಗೆವಿನ್ ವಿಲಿಯಮ್ಸನ್ ವಿರುದ್ಧ ಕನ್ಸರ್ವೇಟಿವ್ ಪಕ್ಷದಸಹೋದ್ಯೋಗಿಗಳು ಮತ್ತು ಪೌರಕಾರ್ಮಿಕರು ಅಸಭ್ಯ ವರ್ತನೆಯ ಆರೋಪ ಹೊರಿಸಿದ್ದರು. ಇದು ಪ್ರಕರಣ ವಿಚಾರಣೆಗೆ ಬಾಕಿ ಇದೆ.
ವಿಲಿಯಮ್ಸನ್ ಅವರ ರಾಜೀನಾಮೆ ಸ್ವೀಕರಿಸಿದ ನಂತರ ಸುನಕ್‌ ಅವರು, ‘ಬಹಳ ದುಃಖದಿಂದ ರಾಜೀನಾಮೆ ಸ್ವೀಕರಿಸಿವೆ. ಅವರು ನೀಡುತ್ತಿರುವ ವೈಯಕ್ತಿಕ ಬೆಂಬಲ ಮತ್ತು ನಿಷ್ಠೆಗಾಗಿ ನಾನು ಧನ್ಯವಾದ ಅರ್ಪಿಸುವೆ.ಕನ್ಸರ್ವೇಟಿವ್ ಸರ್ಕಾರಗಳ ಸತತ ಯಶಸ್ಸಿನಲ್ಲಿ ಅವರ ಬದ್ಧತೆ ಮತ್ತು ಪಕ್ಷ ನಿಷ್ಠೆ ಅಚಲವಾಗಿದೆ’ ಎಂದು ಹೇಳಿದ್ದಾರೆ.
ಕನ್ಸರ್ವೇಟಿವ್ ಪಕ್ಷದರಾಜೀನಾಮೆ ಸರಣಿಯನ್ನು ಸುನಕ್‌ ಅವರ ಕಳಪೆ ತೀರ್ಮಾನ ಮತ್ತು ನಾಯಕತ್ವಕ್ಕೆ ತಳುಕು ಹಾಕಿ ಟೀಕಾಪ್ರಹಾರ ನಡೆಸಲು ಪ್ರತಿಪಕ್ಷ ಲೇಬರ್‌ ಪಕ್ಷದ ನಾಯಕ ಸರ್ ಕೀರ್‌ ಸ್ಟಾರ್‌ಮರ್‌ ಸಜ್ಜಾಗಿದ್ದಾರೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.
