<p><strong>ಕೀವ್ (ಉಕ್ರೇನ್):</strong> ನಾವು ಯುದ್ಧವನ್ನು ಅಂತ್ಯಗೊಳಿಸಲು ಸಿದ್ಧರಿದ್ದೇವೆ. ಆದರೆ, ರಷ್ಯಾ ಯುದ್ಧ ಅಂತ್ಯಗೊಳಿಸಲು ಸಿದ್ಧವಿದೆಯಾ? ಎಂಬ ಬಗ್ಗೆ ನನಗೆ ಅನುಮಾನವಿದೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಹೇಳಿದ್ದಾರೆ.</p><p>ರಷ್ಯಾದೊಂದಿಗಿನ ಸಂಭಾವ್ಯ ಕದನ ವಿರಾಮ ಮಾತುಕತೆಗಳ ಕುರಿತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಇತರ ಯುರೋಪಿಯನ್ ನಾಯಕರ ಜೊತೆಗಿನ ಮಾತುಕತೆಯ ನಂತರ ಉಕ್ರೇನ್ ಅಧ್ಯಕ್ಷರು ಈ ಹೇಳಿಕೆ ನೀಡಿದ್ದಾರೆ.</p><p>ಪೂರ್ವಭಾವಿ ಷರತ್ತುಗಳಿಲ್ಲದೆ ಪೂರ್ಣ ಕದನ ವಿರಾಮವನ್ನು ಅನುಸರಿಸಲು ಉಕ್ರೇನ್ನ ಇಚ್ಛೆಯನ್ನು ಝೆಲೆನ್ಸ್ಕಿ ಒತ್ತಿ ಹೇಳಿದ್ದಾರೆ. ಇದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಂಡಿಸಿದ ಪ್ರಸ್ತಾವನೆಯಾಗಿದ್ದು, ರಷ್ಯಾ ಈ ಬಗ್ಗೆ ನಿಜವಾದ ಬದ್ಧತೆಯನ್ನು ಪ್ರದರ್ಶಿಸುವ ಅಗತ್ಯವಿದೆ ಎಂದಿದ್ದಾರೆ.</p><p>ರಷ್ಯಾದ ತತ್ವವೇನೆಂಬುದು ನನಗೆ ತಿಳಿದಿಲ್ಲ. ಅಮೆರಿಕ ಅಧ್ಯಕ್ಷ ಟ್ರಂಪ್ ಅವರೊಂದಿಗಿನ ನಮ್ಮ ಸಂವಾದದಿಂದ ನಾನು ಅರ್ಥಮಾಡಿಕೊಂಡಂತೆ, ರಷ್ಯಾ ಯುದ್ಧ ವಿರಾಮದ ಜೊತೆ ಮತ್ತೇನನ್ನೋ ಬಯಸುತ್ತಿದೆ ಎಂದಿದ್ದಾರೆ. </p>. <p>ಎಲ್ಲ ಪಾಲುದಾರ ದೇಶಗಳು ಕದನ ವಿರಾಮದಲ್ಲಿ ಆಸಕ್ತಿ ಹೊಂದಿವೆ ಎಂದು ನಾನು ನಂಬುತ್ತೇನೆ. ಯುದ್ಧದಿಂದ ಬಹಳ ನಷ್ಟಗಳಾಗಿದ್ದು; ನಾವು ನಿಜವಾಗಿಯೂ ಈ ಯುದ್ಧವನ್ನು ಕೊನೆಗೊಳಿಸಲು ಬಯಸುತ್ತೇವೆ. ಆದರೆ, ರಷ್ಯಾ ಇದಕ್ಕೆ ಸಿದ್ಧವಾಗಿದೆಯೇ ಎಂಬ ಬಗ್ಗೆ ನನಗೆ ಖಚಿತತೆ ಇಲ್ಲ. ನಾವು ಅವರನ್ನು ನಂಬುವುದಿಲ್ಲ. ಕದನ ವಿರಾಮ ಆಗಬೇಕೆಂದಿದ್ದರೆ, ಮೊದಲ ಹೆಜ್ಜೆಯಾಗಿ ಅವರು ಯುದ್ಧ ನಿಲ್ಲಿಸಬೇಕು ಎಂದಿದ್ದಾರೆ.</p><p>ಇದಕ್ಕಾಗಿ, ಅಂತರರಾಷ್ಟ್ರೀಯ ಪಾಲುದಾರ ದೇಶಗಳೊಂದಿಗೆ ತಮ್ಮ ಸ್ಥಿರ ಸಂವಹನವನ್ನು ಒತ್ತಿ ಹೇಳಿದ ಅವರು, ಅಮೆರಿಕ, ಬ್ರಿಟನ್ ಸೇರಿದಂತೆ ಯೂರೋಪಿಯನ್ ದೇಶಗಳ ಜೊತೆ ನಾನು ಈ ಕುರಿತಂತೆ ಮಾತುಕತೆ ಮುಂದುವರಿಸುತ್ತಿದ್ದೇನೆ. ಯಾವುದೇ ಷರತ್ತುಗಳು ಅಥವಾ ಪೂರ್ವಭಾವಿ ಷರತ್ತುಗಳಿಲ್ಲದೆ ಪೂರ್ಣ ಕದನ ವಿರಾಮವನ್ನು ಟ್ರಂಪ್ ಪ್ರಸ್ತಾಪಿಸಿದಾಗ ನನಗೆ ತುಂಬಾ ಸಂತೋಷವಾಯಿತು. ನಾವು ಇದಕ್ಕೆ ಸಿದ್ಧರಾಗಿದ್ದೇವೆ. ನಂತರ, ಕೈದಿಗಳ ವಿನಿಮಯ ಸೇರಿ ಇತರೆ ಪ್ರಕ್ರಿಯೆಗಳು ನಡೆಯಲಿವೆ ಎಂದಿದ್ದಾರೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೀವ್ (ಉಕ್ರೇನ್):</strong> ನಾವು ಯುದ್ಧವನ್ನು ಅಂತ್ಯಗೊಳಿಸಲು ಸಿದ್ಧರಿದ್ದೇವೆ. ಆದರೆ, ರಷ್ಯಾ ಯುದ್ಧ ಅಂತ್ಯಗೊಳಿಸಲು ಸಿದ್ಧವಿದೆಯಾ? ಎಂಬ ಬಗ್ಗೆ ನನಗೆ ಅನುಮಾನವಿದೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಹೇಳಿದ್ದಾರೆ.</p><p>ರಷ್ಯಾದೊಂದಿಗಿನ ಸಂಭಾವ್ಯ ಕದನ ವಿರಾಮ ಮಾತುಕತೆಗಳ ಕುರಿತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಇತರ ಯುರೋಪಿಯನ್ ನಾಯಕರ ಜೊತೆಗಿನ ಮಾತುಕತೆಯ ನಂತರ ಉಕ್ರೇನ್ ಅಧ್ಯಕ್ಷರು ಈ ಹೇಳಿಕೆ ನೀಡಿದ್ದಾರೆ.</p><p>ಪೂರ್ವಭಾವಿ ಷರತ್ತುಗಳಿಲ್ಲದೆ ಪೂರ್ಣ ಕದನ ವಿರಾಮವನ್ನು ಅನುಸರಿಸಲು ಉಕ್ರೇನ್ನ ಇಚ್ಛೆಯನ್ನು ಝೆಲೆನ್ಸ್ಕಿ ಒತ್ತಿ ಹೇಳಿದ್ದಾರೆ. ಇದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಂಡಿಸಿದ ಪ್ರಸ್ತಾವನೆಯಾಗಿದ್ದು, ರಷ್ಯಾ ಈ ಬಗ್ಗೆ ನಿಜವಾದ ಬದ್ಧತೆಯನ್ನು ಪ್ರದರ್ಶಿಸುವ ಅಗತ್ಯವಿದೆ ಎಂದಿದ್ದಾರೆ.</p><p>ರಷ್ಯಾದ ತತ್ವವೇನೆಂಬುದು ನನಗೆ ತಿಳಿದಿಲ್ಲ. ಅಮೆರಿಕ ಅಧ್ಯಕ್ಷ ಟ್ರಂಪ್ ಅವರೊಂದಿಗಿನ ನಮ್ಮ ಸಂವಾದದಿಂದ ನಾನು ಅರ್ಥಮಾಡಿಕೊಂಡಂತೆ, ರಷ್ಯಾ ಯುದ್ಧ ವಿರಾಮದ ಜೊತೆ ಮತ್ತೇನನ್ನೋ ಬಯಸುತ್ತಿದೆ ಎಂದಿದ್ದಾರೆ. </p>. <p>ಎಲ್ಲ ಪಾಲುದಾರ ದೇಶಗಳು ಕದನ ವಿರಾಮದಲ್ಲಿ ಆಸಕ್ತಿ ಹೊಂದಿವೆ ಎಂದು ನಾನು ನಂಬುತ್ತೇನೆ. ಯುದ್ಧದಿಂದ ಬಹಳ ನಷ್ಟಗಳಾಗಿದ್ದು; ನಾವು ನಿಜವಾಗಿಯೂ ಈ ಯುದ್ಧವನ್ನು ಕೊನೆಗೊಳಿಸಲು ಬಯಸುತ್ತೇವೆ. ಆದರೆ, ರಷ್ಯಾ ಇದಕ್ಕೆ ಸಿದ್ಧವಾಗಿದೆಯೇ ಎಂಬ ಬಗ್ಗೆ ನನಗೆ ಖಚಿತತೆ ಇಲ್ಲ. ನಾವು ಅವರನ್ನು ನಂಬುವುದಿಲ್ಲ. ಕದನ ವಿರಾಮ ಆಗಬೇಕೆಂದಿದ್ದರೆ, ಮೊದಲ ಹೆಜ್ಜೆಯಾಗಿ ಅವರು ಯುದ್ಧ ನಿಲ್ಲಿಸಬೇಕು ಎಂದಿದ್ದಾರೆ.</p><p>ಇದಕ್ಕಾಗಿ, ಅಂತರರಾಷ್ಟ್ರೀಯ ಪಾಲುದಾರ ದೇಶಗಳೊಂದಿಗೆ ತಮ್ಮ ಸ್ಥಿರ ಸಂವಹನವನ್ನು ಒತ್ತಿ ಹೇಳಿದ ಅವರು, ಅಮೆರಿಕ, ಬ್ರಿಟನ್ ಸೇರಿದಂತೆ ಯೂರೋಪಿಯನ್ ದೇಶಗಳ ಜೊತೆ ನಾನು ಈ ಕುರಿತಂತೆ ಮಾತುಕತೆ ಮುಂದುವರಿಸುತ್ತಿದ್ದೇನೆ. ಯಾವುದೇ ಷರತ್ತುಗಳು ಅಥವಾ ಪೂರ್ವಭಾವಿ ಷರತ್ತುಗಳಿಲ್ಲದೆ ಪೂರ್ಣ ಕದನ ವಿರಾಮವನ್ನು ಟ್ರಂಪ್ ಪ್ರಸ್ತಾಪಿಸಿದಾಗ ನನಗೆ ತುಂಬಾ ಸಂತೋಷವಾಯಿತು. ನಾವು ಇದಕ್ಕೆ ಸಿದ್ಧರಾಗಿದ್ದೇವೆ. ನಂತರ, ಕೈದಿಗಳ ವಿನಿಮಯ ಸೇರಿ ಇತರೆ ಪ್ರಕ್ರಿಯೆಗಳು ನಡೆಯಲಿವೆ ಎಂದಿದ್ದಾರೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
