<p><strong>ಸಾವೊ ಪಾಲೊ (ಎಎಫ್ಪಿ):</strong> ಅಂಗೋಲಾದ 25 ವರ್ಷದ ಸುಂದರಿ ಲೀಲಾ ಲೋಪ್ಸ್ ಈ ವರ್ಷದ `ವಿಶ್ವ ಸುಂದರಿ~ಯಾಗಿ (ಮಿಸ್ ಯೂನಿವರ್ಸ್) ಆಯ್ಕೆಯಾಗಿದ್ದಾರೆ.<br /> <br /> ದಕ್ಷಿಣ ಅಮೆರಿಕದ ಬ್ರೆಜಿಲ್ನ ಅತಿ ದೊಡ್ಡ ವಾಣಿಜ್ಯ ನಗರಿಯಾದ ಇಲ್ಲಿ ಸೋಮವಾರ ನಡೆದ ಅಂತಿಮ ಸುತ್ತಿನ ಸ್ಪರ್ಧೆಯಲ್ಲಿ ಲೀಲಾ ಕಿರೀಟವನ್ನು ಮುಡಿಗೇರಿಸಿಕೊಂಡರು. ಉಕ್ರೇನ್, ಫಿಲಿಪ್ಪೀನ್ಸ್, ಚೀನಾ ಹಾಗೂ ತಮ್ಮದೇ ದೇಶದ ಸುಂದರಿಯರಿಂದ ಅವರು ತೀವ್ರ ಸ್ಪರ್ಧೆ ಎದುರಿಸಿದ್ದರು. <br /> <br /> ವಿವಿಧ ರಾಷ್ಟ್ರಗಳ 98 ಸುಂದರಿಯರು ಭಾಗವಹಿಸಿದ್ದ 60ನೇ ವರ್ಷದ ಈ ಸ್ಪರ್ಧೆಯನ್ನು ವಿಶ್ವದಾದ್ಯಂತ ಒಂದು ಶತಕೋಟಿ ಜನ ಟಿ.ವಿ ಮೂಲಕ ವೀಕ್ಷಿಸಿದರು. ಕಳೆದ ವರ್ಷದ ವಿಶ್ವ ಸುಂದರಿ ಮೆಕ್ಸಿಕೊದ ಜಿಮೆನಾ ನವರೆಟೆ, ವರ್ಣರಂಜಿತ ಸಮಾರಂಭದಲ್ಲಿ ಲೀಲಾಗೆ ಕಿರೀಟ ತೊಡಿಸಿದರು. <br /> <br /> ತಮ್ಮ ಆಯ್ಕೆ ಘೋಷಣೆಯಾಗುತ್ತಿದ್ದಂತೆಯೇ ಆನಂದಭಾಷ್ಪವನ್ನು ಒರೆಸಿಕೊಳ್ಳುತ್ತಾ ಮಾತನಾಡಿದ ಲೀಲಾ, `ನನ್ನ ಮೇಲೀಗ ಗುರುತರ ಹೊಣೆಯಿದೆ. ನನ್ನ ಕಾಲುಗಳು ನೆಲದ ಮೇಲೇ ಇರುವಂತೆ ನೋಡಿಕೊಳ್ಳುತ್ತೇನೆ~ ಎಂದರು.<br /> <br /> ಏಡ್ಸ್ ಮತ್ತು ಇತರ ಗಂಭೀರ ಮಾರಣಾಂತಿಕ ಕಾಯಿಲೆಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವ ರಾಯಭಾರಿಯಾಗಿ ಕೆಲಸ ಮಾಡಲಿರುವ ಲೀಲಾ, ಒಂದು ವರ್ಷ ಕಾಲ ವಿಶ್ವ ಪರ್ಯಟನೆ ಕೈಗೊಳ್ಳಲಿದ್ದಾರೆ.<br /> <br /> `ನಿಮ್ಮ ಶರೀರ ಲಕ್ಷಣಗಳನ್ನು ಬದಲಿಸಿಕೊಳ್ಳಲು ನಿಮಗೊಂದು ಅವಕಾಶ ನೀಡಿದರೆ ನೀವು ಯಾವ ಬದಲಾವಣೆ ಬಯಸುತ್ತೀರಿ~ ಎಂಬ ಪ್ರಶ್ನೆ ಸ್ಪರ್ಧಾ ಸಮಯದಲ್ಲಿ ನಿರ್ಣಾಯಕರಿಂದ ತೂರಿಬಂತು.</p>.<p>ಇದಕ್ಕೆ `ಇಲ್ಲ, ನಾನೇನೂ ಬದಲಾವಣೆ ಬಯಸುವುದಿಲ್ಲ. ದೇವರು ನನಗೀಗ ನೀಡಿರುವುದರಲ್ಲಿಯೇ ಸಂತೃಪ್ತಿ ಇದೆ. ಬಾಹ್ಯ ಸೌಂದರ್ಯಕ್ಕಿಂತ ಆಂತರಿಕ ಸೌಂದರ್ಯಕ್ಕೆ ಆದ್ಯತೆ ನೀಡುತ್ತೇನೆ~ ಎಂದು ಆಕೆ ಉತ್ತರಿಸಿದರು.<br /> <br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಾವೊ ಪಾಲೊ (ಎಎಫ್ಪಿ):</strong> ಅಂಗೋಲಾದ 25 ವರ್ಷದ ಸುಂದರಿ ಲೀಲಾ ಲೋಪ್ಸ್ ಈ ವರ್ಷದ `ವಿಶ್ವ ಸುಂದರಿ~ಯಾಗಿ (ಮಿಸ್ ಯೂನಿವರ್ಸ್) ಆಯ್ಕೆಯಾಗಿದ್ದಾರೆ.<br /> <br /> ದಕ್ಷಿಣ ಅಮೆರಿಕದ ಬ್ರೆಜಿಲ್ನ ಅತಿ ದೊಡ್ಡ ವಾಣಿಜ್ಯ ನಗರಿಯಾದ ಇಲ್ಲಿ ಸೋಮವಾರ ನಡೆದ ಅಂತಿಮ ಸುತ್ತಿನ ಸ್ಪರ್ಧೆಯಲ್ಲಿ ಲೀಲಾ ಕಿರೀಟವನ್ನು ಮುಡಿಗೇರಿಸಿಕೊಂಡರು. ಉಕ್ರೇನ್, ಫಿಲಿಪ್ಪೀನ್ಸ್, ಚೀನಾ ಹಾಗೂ ತಮ್ಮದೇ ದೇಶದ ಸುಂದರಿಯರಿಂದ ಅವರು ತೀವ್ರ ಸ್ಪರ್ಧೆ ಎದುರಿಸಿದ್ದರು. <br /> <br /> ವಿವಿಧ ರಾಷ್ಟ್ರಗಳ 98 ಸುಂದರಿಯರು ಭಾಗವಹಿಸಿದ್ದ 60ನೇ ವರ್ಷದ ಈ ಸ್ಪರ್ಧೆಯನ್ನು ವಿಶ್ವದಾದ್ಯಂತ ಒಂದು ಶತಕೋಟಿ ಜನ ಟಿ.ವಿ ಮೂಲಕ ವೀಕ್ಷಿಸಿದರು. ಕಳೆದ ವರ್ಷದ ವಿಶ್ವ ಸುಂದರಿ ಮೆಕ್ಸಿಕೊದ ಜಿಮೆನಾ ನವರೆಟೆ, ವರ್ಣರಂಜಿತ ಸಮಾರಂಭದಲ್ಲಿ ಲೀಲಾಗೆ ಕಿರೀಟ ತೊಡಿಸಿದರು. <br /> <br /> ತಮ್ಮ ಆಯ್ಕೆ ಘೋಷಣೆಯಾಗುತ್ತಿದ್ದಂತೆಯೇ ಆನಂದಭಾಷ್ಪವನ್ನು ಒರೆಸಿಕೊಳ್ಳುತ್ತಾ ಮಾತನಾಡಿದ ಲೀಲಾ, `ನನ್ನ ಮೇಲೀಗ ಗುರುತರ ಹೊಣೆಯಿದೆ. ನನ್ನ ಕಾಲುಗಳು ನೆಲದ ಮೇಲೇ ಇರುವಂತೆ ನೋಡಿಕೊಳ್ಳುತ್ತೇನೆ~ ಎಂದರು.<br /> <br /> ಏಡ್ಸ್ ಮತ್ತು ಇತರ ಗಂಭೀರ ಮಾರಣಾಂತಿಕ ಕಾಯಿಲೆಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವ ರಾಯಭಾರಿಯಾಗಿ ಕೆಲಸ ಮಾಡಲಿರುವ ಲೀಲಾ, ಒಂದು ವರ್ಷ ಕಾಲ ವಿಶ್ವ ಪರ್ಯಟನೆ ಕೈಗೊಳ್ಳಲಿದ್ದಾರೆ.<br /> <br /> `ನಿಮ್ಮ ಶರೀರ ಲಕ್ಷಣಗಳನ್ನು ಬದಲಿಸಿಕೊಳ್ಳಲು ನಿಮಗೊಂದು ಅವಕಾಶ ನೀಡಿದರೆ ನೀವು ಯಾವ ಬದಲಾವಣೆ ಬಯಸುತ್ತೀರಿ~ ಎಂಬ ಪ್ರಶ್ನೆ ಸ್ಪರ್ಧಾ ಸಮಯದಲ್ಲಿ ನಿರ್ಣಾಯಕರಿಂದ ತೂರಿಬಂತು.</p>.<p>ಇದಕ್ಕೆ `ಇಲ್ಲ, ನಾನೇನೂ ಬದಲಾವಣೆ ಬಯಸುವುದಿಲ್ಲ. ದೇವರು ನನಗೀಗ ನೀಡಿರುವುದರಲ್ಲಿಯೇ ಸಂತೃಪ್ತಿ ಇದೆ. ಬಾಹ್ಯ ಸೌಂದರ್ಯಕ್ಕಿಂತ ಆಂತರಿಕ ಸೌಂದರ್ಯಕ್ಕೆ ಆದ್ಯತೆ ನೀಡುತ್ತೇನೆ~ ಎಂದು ಆಕೆ ಉತ್ತರಿಸಿದರು.<br /> <br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
