‘ಎಲ್ಲ ಆಯಾಮಗಳಿಂದಲೂ ತನಿಖೆ ನಡೆಸಲಾಗುತ್ತಿದೆ. ಸ್ಥಳದಲ್ಲಿ ಇರುವ ಹೆಜ್ಜೆ ಗುರುತಿನ ಪ್ರಕಾರ 12 ವರ್ಷದ ಹುಡುಗ ಈ ಕೆಲಸ ಮಾಡಿರುವ ಸಂಭವವಿದೆ’ ಎಂದು ಪೊಲೀಸರು ಹೇಳಿದ್ದಾರೆ.
ಕ್ಷಿಪಣಿ ಪರೀಕ್ಷೆ ವಿಫಲ
ವಾಷಿಂಗ್ಟನ್: ಉತ್ತರ ಕೊರಿಯಾ ಉಡಾವಣೆ ಮಾಡಿದ ಖಂಡಾಂತರ ಕ್ಷಿಪಣಿಯು ವಿಫಲವಾಗಿದೆ. ವಿರೋಧದ ನಡುವೆಯೂ ಉತ್ತರ ಕೊರಿಯಾವು ಕ್ಷಿಪಣಿ ಪರೀಕ್ಷೆ ನಡೆಸಿದೆ ಎಂದು ಅಮೆರಿಕ ಹೇಳಿದೆ.
‘ಶುಕ್ರವಾರ ಬೆಳಿಗ್ಗೆ 10.33ಕ್ಕೆ ಉತ್ತರ ಕೊರಿಯಾದ ಪುಕ್ಚಂಗ್ ಸಮೀಪದಿಂದ ಉಡಾವಣೆಗೊಂಡ ಖಂಡಾಂತರ ಕ್ಷಿಪಣಿಯನ್ನು ಅಮೆರಿಕ ಫೆಸಿಫಿಕ್ ಕಮಾಂಡ್ ಪತ್ತೆಹಚ್ಚಿತು’ ಎಂದು ಅದರ ವಕ್ತಾರ ಡೇವ್ ಬೆನ್ಹಮ್ ಹೇಳಿದ್ದಾರೆ.
ಕ್ಷಿಪಣಿ ಉಡಾವಣೆಗೊಂಡರೂ, ಕೊರಿಯಾದ ಭೂಪ್ರದೇಶವನ್ನು ದಾಟಿ, ನಿಗದಿತ ಗುರಿ ತಲುಪಲು ವಿಫಲವಾಯಿತು ಎಂದಿದ್ದಾರೆ. ಉತ್ತರ ಕೊರಿಯಾದ ಪ್ರಚೋದನಕಾರಿ ಪ್ರವೃತ್ತಿಯನ್ನು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಖಂಡಿಸಿದ್ದಾರೆ.
ಕ್ಷಿಪಣಿ ಉಡಾವಣೆ ಮೂಲಕ ಚೀನಾ ಹಾಗೂ ಅದರ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಅವರ ಮಾತಿಗೂ ಉತ್ತರ ಕೊರಿಯಾ ಬೆಲೆ ಕೊಡದೆ ಅಗೌರವ ತೋರಿದೆ ಎಂದು ಟ್ರಂಪ್ ಟ್ವೀಟ್ ಮಾಡಿದ್ದಾರೆ.