ಬಿನ್ ಲಾಡೆನ್‌ ರಕ್ತಸಿಕ್ತ ಬದುಕು

ವಾಷಿಂಗ್ಟನ್ (ಪಿಟಿಐ): ಅಮೆರಿಕ ವಿರುದ್ಧ ಭಯೋತ್ಪಾದನೆ ಚಟುವಟಿಕೆ ನಡೆಸುತ್ತಿದ್ದ ಅಲ್ಖೈದಾ ಮುಖ್ಯಸ್ಥ ಒಸಾಮ ಬಿನ್ ಲಾಡೆನ್ ಸೌದಿ ಅರೇಬಿಯಾದ ಅತ್ಯಂತ ಶ್ರೀಮಂತ ಕುಟುಂಬದಲ್ಲಿ ಜನಿಸಿದ.

. 2001ರಲ್ಲಿ ಅಮೆರಿಕದ ‘ವರ್ಲ್ಡ್ ಟ್ರೇಡ್ ಸೆಂಟರ್’ ಮೇಲೆ ದಾಳಿ ನಡೆಸುವಲ್ಲಿ ಪ್ರಮುಖ ಸೂತ್ರದಾರನಾಗಿದ್ದ ಲಾಡೆನ್ ಬೇಟೆಗೆ ಹತ್ತು ವರ್ಷಗಳಿಂದ ಅಮೆರಿಕ ಪಡೆಗಳು ಯತ್ನಿಸುತ್ತಲೇ ಇದ್ದವು. ಹಾಗಾಗಿ ಆತ ‘ಮೋಸ್ಟ್ ವಾಂಟೆಡ್’ ಪಟ್ಟಿಯಲ್ಲಿದ್ದ. ಆತನ ರಕ್ತಸಿಕ್ತ ಅಧ್ಯಾಯದ ವಿವರ ಇಂತಿದೆ.

. 1957: ಸೌದಿ ಅರೇಬಿಯಾದ ಕಟ್ಟಡ ನಿರ್ಮಾಣ ಸಂಸ್ಥೆ ನಡೆಸುತ್ತಿದ್ದ ಮಹಮ್ಮದ್ ಅವಾದ್ ಬಿನ್ ಲಾಡೆನ್ನ 17ನೇ ಮಗನಾಗಿ ಜನಿಸಿದ. ಆತನ ತಂದೆ ಯಮೆನ್ನಿಂದ ವಲಸೆ ಬಂದು ಸೌದಿ ಅರೇಬಿಯಾದಲ್ಲಿ ಕಟ್ಟಡ ನಿರ್ಮಾಣ ಸಂಸ್ಥೆಯನ್ನು ಸ್ಥಾಪಿಸಿದ್ದ.

. 1969: ಒಸಾಮ ತಂದೆ ಮಹಮ್ಮದ್ ಲಾಡೆನ್ ನಿಧನ. ಆ ಸಂದರ್ಭದಲ್ಲಿ 11 ವರ್ಷದವನಾಗಿದ್ದ ಒಸಾಮ, ಸುಮಾರು ಎಂಟು ಕೋಟಿ ಡಾಲರ್ ಆಸ್ತಿಯ ಒಡೆಯನಾದ. ಜೆಡ್ಡಾದಲ್ಲಿ ಸಿವಿಲ್ ಎಂಜಿನಿಯರಿಂಗ್ ಪದವಿ ವ್ಯಾಸಂಗ ಮಾಡಿದ.

. 1973: ಒಸಾಮ ಭಯೋತ್ಪಾದಕ ಮುಸ್ಲಿಂ ಸಂಘಟನೆಗಳ ಜತೆ ನಂಟು. ಜತೆಗೆ ಕಟ್ಟಡ ನಿರ್ಮಾಣ ಹೊಣೆಯನ್ನೂ ನಿಭಾಯಿಸಿದ.

. 1979: ಆಫ್ಘಾನಿಸ್ತಾನದಲ್ಲಿ ಸೋವಿಯತ್ ರಷ್ಯಾ ದಾಳಿಯನ್ನು ವಿರೋಧಿಸಿ, ಆಫ್ಘಾನಿಸ್ತಾನದ ಮುಜಾಹಿದ್ದೀನ್ಗಳಿಗೆ ಬೆಂಗಾವಲಾಗಿ ನಿಂತ.

. 1988: ಅಲ್ ಖೈದಾಗೆ ಹಣಕಾಸು ನೆರವು ಒದಗಿಸುವ ಮುಖ್ಯ ವ್ಯಕ್ತಿಯಾದ.

. 1989: ಆಫ್ಘಾನಿಸ್ತಾನದಿಂದ ಸೋವಿಯತ್ ರಷ್ಯಾ ಪಡೆಗಳು ಹಿಂತಿರುಗಿದ ಮೇಲೆ ಒಸಾಮ ಸೌದಿ ಅರೇಬಿಯಾಗೆ ಹಿಂತಿರುಗಿ, ಕುಟುಂಬದ ಕಟ್ಟಡ ನಿರ್ಮಾಣ ಕಾರ್ಯವನ್ನು ಮುಂದುವರೆಸಿದ. ಈ ಸಂದರ್ಭದಲ್ಲಿಯೇ ಆತ, ಆಫ್ಘನ್ ಯುದ್ಧದಲ್ಲಿ ಸಂತ್ರಸ್ತರಾದವರಿಗೆ ನಿಧಿ ಸಂಗ್ರಹಿಸಲು ಆರಂಭಿಸಿದ. ಇದೇ ಸಂದರ್ಭದಲ್ಲಿ ಅಲ್ ಖೈದಾ ಸಂಘಟನೆ ಮುಸ್ಲಿಂ ಭಯೋತ್ಪಾದಕರೊಂದಿಗೆ ಜಗತ್ತಿನ ಸುಮಾರು 60 ದೇಶಗಳಲ್ಲಿ ತನ್ನ ಶಾಖೆಗಳನ್ನು ಆರಂಭಿಸಿತು. ಆ ಸಂಘಟನೆಗಳಿಗೆ ಒಸಾಮ ಹಣಕಾಸು ನೆರವು ಒದಗಿಸುತ್ತಿದ್ದ.

. 1991: ಕುವೈತ್ನಿಂದ ಇರಾಕ್ ಪಡೆಗಳನ್ನು ಹೊರ ಹಾಕಲು ಅಮೆರಿಕ ನೇತೃತ್ವದ ಪಡೆಗಳು ಯುದ್ಧ ಸಾರಿದವು. ಸೌದಿ ಅರೇಬಿಯಾದಲ್ಲಿ ಅಮೆರಿಕ ಪಡೆ ಇರುವುದರ ವಿರುದ್ಧ ಬಿನ್ ಲಾಡೆನ್ ಅಮೆರಿಕ ವಿರುದ್ಧ ‘ಜಿಹಾದಿ’ ಘೋಷಣೆ ಮಾಡಿದ.

. 1991: ರಾಷ್ಟ್ರ ದ್ರೋಹದ ಚಟುವಟಿಕೆ ಹಿನ್ನೆಲೆಯಲ್ಲಿ ಒಸಾಮನನ್ನು ಸೌದಿ ಅರೇಬಿಯಾದಿಂದ ಗಡಿಪಾರು ಮಾಡಲಾಯಿತು. ನಂತರ ಸುಡಾನ್ನಲ್ಲಿ ಆಶ್ರಯ ಪಡೆದ.

. 1993: ಅಮೆರಿಕ ವರ್ಲ್ಡ್ ಟ್ರೇಡ್ ಸೆಂಟರ್ನಲ್ಲಿ ಬಾಂಬ್ ಸ್ಫೋಟ. ಆರು ಮಂದಿ ಸಾವು, ನೂರಾರು ಮಂದಿಗೆ ಗಾಯ. ಈ ಸ್ಫೋಟದ ಆರೋಪಿಗಳಲ್ಲಿ ಆರು ಮಂದಿ ಮುಸ್ಲಿಂ ಮೂಲಭೂತವಾದಿಗಳ ಕೈವಾಡ ಇದ್ದು, ಇವರೆಲ್ಲಾ ಲಾಡೆನ್ ಜತೆ ನಂಟು ಹೊಂದಿದ್ದರು. ಈ ಎಲ್ಲರಿಗೆ ಅಮೆರಿದಲ್ಲಿ ಶಿಕ್ಷೆ ವಿಧಿಸಲಾಯಿತು.

. ಅದೇ ವರ್ಷ ನವೆಂಬರ್ನಲ್ಲಿ ರಿಯಾದ್ನಲ್ಲಿ ಬಾಂಬ್ ಸ್ಫೋಟ. ಈ ಸ್ಥಳದಲ್ಲಿಯೇ ಅಮೆರಿಕ ಸೇನಾ ಸಲಹೆಗಾರ ಕೆಲಸ ನಿರ್ವಹಿಸುತ್ತಿದ್ದ. ಘಟನೆಯಲ್ಲಿ ಐವರು ಅಮೆರಿಕ ಯೋಧರು ಹಾಗೂ ಇಬ್ಬರು ಭಾರತೀಯ ನಾಗರಿಕರು ಮೃತಪಟ್ಟರು. 60ಕ್ಕೂ ಹೆಚ್ಚು ಮಂದಿ ಗಾಯಗೊಂಡರು. ಈ ದಾಳಿಯನ್ನೂ ಲಾಡೆನ್ ಗುಂಪು ನಡೆಸಿತ್ತು.

. 1994: ಇಸ್ಲಾಂ ಧರ್ಮದ ಕುರಿತು ಕೆಲವು ಘೋಷಣೆಗಳನ್ನು ಮಾಡಿದ ಹಿನ್ನೆಲೆಯಲ್ಲಿ ಸೌದಿ ಅರೇಬಿಯಾ ಲಾಡೆನ್ನ ಪೌರತ್ವವನ್ನು ಮಾನ್ಯ ಮಾಡಿತು.

. 1996 ಜೂನ್ 25: ಸೌದಿ ಅರೇಬಿಯಾದ ಖೊಬಾರ್ನಲ್ಲಿ ಅಮೆರಿಕ ಮಿಲಿಟರಿ ನೆಲೆಯಲ್ಲಿ ಒಂದು ಲಾರಿಯಷ್ಟು ಸ್ಫೋಟಕ ಸ್ಫೋಟಗೊಂಡು 19 ಅಮೆರಿಕ ನಾಗರಿಕರು ಸತ್ತು 386 ಮಂದಿ ಗಾಯಗೊಂಡರು.

. 1996: ಅಮೆರಿಕ ಮತ್ತು ಸೌದಿ ಅರೇಬಿಯಾ ಒತ್ತಡದಿಂದ ಸುಡಾನ್ ಸರ್ಕಾರ ಲಾಡೆನ್ನನ್ನು ಗಡಿಪಾರು ಮಾಡಿತು. ತನ್ನ ಮೂವರು ಪತ್ನಿಯರು ಹಾಗೂ ಹತ್ತು ಮಕ್ಕಳೊಂದಿಗೆ ಲಾಡೆನ್ ಆಫ್ಘಾನಿಸ್ತಾನಕ್ಕೆ ತೆರಳಿದ.

. 1998 ಆಗಸ್ಟ್ 7: ನೈರೋಬಿ, ಕೀನ್ಯಾ, ದರ್-ಎ-ಸಲಾಮ್ ಹಾಗೂ ತಾಂಜಾನಿಯಾದ ಅಮೆರಿಕ ರಾಯಭಾರ ಕಚೇರಿ ಮೇಲೆ ದಾಳಿ, ಭಾರಿ ಸ್ಫೋಟಕ ಸ್ಫೋಟ. 224 ಮಂದಿ ಸಾವು.

. 1998 ಆಗಸ್ಟ್ 20: ತನ್ನ ರಾಯಭಾರ ಕಚೇರಿಗಳ ಮೇಲೆ ನಡೆದ ದಾಳಿಗೆ ಪ್ರತಿಯಾಗಿ ಆಫ್ಘಾನಿಸ್ತಾನ ಮತ್ತು ಸುಡಾನ್ನಲ್ಲಿ ಲಾಡೆನ್ ನಡೆಸುತ್ತಿದ್ದ ಉಗ್ರರ ತರಬೇತಿ ಕೇಂದ್ರಗಳ ಮೇಲೆ ಅಮೆರಿಕ ದಾಳಿ. ಇಪ್ಪತ್ತು ಮಂದಿ ಸಾವು. ಈ ಸಂದರ್ಭದಲ್ಲಿ ಲಾಡೆನ್ ಅಲ್ಲಿರಲಿಲ್ಲ.

. 1998 ನವೆಂಬರ್: ಅಮೆರಿಕ ರಾಯಭಾರ ಕಚೇರಿಗಳ ಮೇಲೆ ನಡೆದ ದಾಳಿಗೆ ಬಿನ್ ಕಾರಣ ಎಂದು ಅಮೆರಿಕ ನ್ಯಾಯಾಲಯ ಘೋಷಣೆ. ಲಾಡೆನ್ ಸೆರೆ ಹಿಡಿಯಲು ಸಹಕರಿಸಿದವರಿಗೆ ಐವತ್ತು ಲಕ್ಷ ಡಾಲರ್ ಬಹುಮಾನ ಘೋಷಣೆ.

. 1999: ಅಮೆರಿಕದ ಎಫ್ಬಿಐ ತನ್ನ ‘ಮೋಸ್ಟ್ ವಾಂಟೆಡ್’ ಪಟ್ಟಿಯ ಹತ್ತು ಮಂದಿಯಲ್ಲಿ ಲಾಡೆನ್ ಹೆಸರು ಸೇರಿಸಿತು.

. 2000 ಅಕ್ಟೋಬರ್ 12: ಯಮೆನ್ನಲ್ಲಿರುವ ಯುಎಸ್ಎಸ್ ಕೋಲ್ನಲ್ಲಿ ಆತ್ಮಾಹುತಿ ಬಾಂಬ್ ದಾಳಿ. 17 ಮಂದಿ ಅಮೆರಿಕ ನಾಗರಿಕರ ಹತ್ಯೆ.

. 2001: ಆಫ್ರಿಕಾದ ಅಮೆರಿಕ ರಾಯಭಾರ ಕಚೇರಿಗಳ ಮೇಲಿನ ದಾಳಿಗೆ ಸಂಬಂಧಿಸಿದಂತೆ ಲಾಡೆನ್ನ ನಾಲ್ವರಿಗೆ ಜೈಲು ಶಿಕ್ಷೆ.

. 2001: ವರ್ಲ್ಡ್ ಟ್ರೇಡ್ ಸೆಂಟರ್ ಮತ್ತು ಪೆಂಟಗನ್ ಮೇಲೆ ದಾಳಿ ಮೂರು ಸಾವಿರ ಮಂದಿ ಸಾವು.

. 2001 ಸೆಪ್ಟೆಂಬರ್ 13: ವರ್ಲ್ಡ್ ಟ್ರೇಡ್ ಸೆಂಟರ್ ಮತ್ತು ಪೆಂಟಗನ್ ದಾಳಿಯ ಪ್ರಮುಖ ಸೂತ್ರದಾರ ಲಾಡೆನ್ ಎಂದು ಅಮೆರಿಕ ಘೋಷಣೆ. ಲಾಡೆನ್ ಬಗ್ಗೆ ಮಾಹಿತಿ ನೀಡಿದವರಿಗೆ 2.5 ಕೋಟಿ ಡಾಲರ್ ಬಹುಮಾನ ಘೋಷಣೆ.

. 2001 ಸೆಪ್ಟೆಂಬರ್ 13: ಬಿನ್ ಲಾಡೆನ್ ಆಶ್ರಯದ ತಾಲಿಬಾನ್ ಆಳ್ವಿಕೆ ಕೊನೆಗೊಳಿಸುವಂತೆ ಒತ್ತಾಯಿಸಿ ಆಫ್ಘನ್ನಲ್ಲಿದ್ದ ತಾಲಿಬಾನ್ ಸರ್ಕಾರದ ವಿರೋಧಿ ಪಡೆಗಳು ರಾಜಧಾನಿ ಕಾಬೂಲ್ಗೆ ಮುತ್ತಿಗೆ.

. 2001 ಡಿಸೆಂಬರ್ 7: ಆಫ್ಘನ್ ವಿರೋಧಿ ಪಡೆಗಳು ತೊರಾ ಬೊರಾ ಪರ್ವತ ಶ್ರೇಣಿಯಲ್ಲಿ ನಡೆಸಿದ ದಾಳಿಯಲ್ಲಿ ಕೂದಲೆಳೆಯಲ್ಲಿ ಲಾಡೆನ್ ಹಾಗೂ ಆತನ ಬೆಂಬಲಿಗರು ತಪ್ಪಿಸಿಕೊಂಡರು. ಅಲ್ಲಿಂದ ಪಾಕಿಸ್ತಾನಕ್ಕೆ ಕಾಲ್ಕಿತ್ತ.

. 2002: ಅಮೆರಿಕ ನೇತೃತ್ವದ ಸೇನಾ ಪಡೆಗಳು ನಡೆಸಿದ ದಾಳಿಯಲ್ಲಿ ತಾಲಿಬಾನ್ ಪತನಹೊಂದಿತು. ಇದರಿಂದ ಅಲ್ ಖೈದಾಗೆ ಭಾರಿ ಹಿನ್ನೆಡೆ.

. 2002 ಮಾರ್ಚ್: ಲಾಡೆನ್ ಅಡಗಿಕೊಂಡಿದ್ದಾನೆ ಎನ್ನಲಾದ ಪೂರ್ವ ಆಫ್ಘನ್ನ ಪರ್ವತ ಪ್ರದೇಶದಲ್ಲಿ ತೀವ್ರಗೊಂಡ ಸೇನಾ ಕಾರ್ಯಾಚರಣೆ. ಅಲ್ ಜಜೀರಾ ಟಿವಿ ವಾಹಿನಿ ಮೂಲಕ ಲಾಡೆನ್ ಧ್ವನಿ ಮುದ್ರಿಕೆ ಸಂದೇಶ. ಪುನಃ ಸುದ್ದಿ ಮಾಡಿದ.

. 2003: ಲಾಡೆನ್ ಜೀವಂತವಾಗಿದ್ದು, ಆಫ್ಘನ್ನಲ್ಲಿಯೇ ಅಡಗಿರುವ ಸಾಧ್ಯತೆ ಇದೆ ಎಂದು ಆಗಿನ ಪಾಕ್ ಅಧ್ಯಕ್ಷ ಪರ್ವೇಜ್ ಮುಷರಫ್ ಹೇಳಿಕೆ. ವಿಶ್ವಾದ್ಯಂತ ಇರುವ ಮುಸ್ಲಿಮ್ ಜನಾಂಗದವರು ಒಂದಾಗಿ ‘ಜಿಹಾದಿ’ಗೆ ಮುಂದಾಗುವಂತೆ ಕರೆ ಅಲ್ ಜರೀರಾ ವಾಹಿನಿ ಮೂಲಕ ಕರೆ ನೀಡಿದ ಲಾಡೆನ್.

. 2004 ಜನವರಿ 4: ಅಲ್ ಜಜೀರಾ ವಾಹಿನಿ ಪುನಃ ಲಾಡೆನ್ ಧ್ವನಿ ಸುರಳಿಯನ್ನು ಬಿತ್ತರ ಮಾಡಿತು. ಕೊಲ್ಲಿ ರಾಷ್ಟ್ರಗಳ ತೈಲ ಸಂಪತ್ತಿನ ಮೇಲೆ ಕಣ್ಣಿಟ್ಟಿರುವ ಅಮೆರಿಕ ತನ್ನ ಪ್ರಭುತ್ವ ಸಾಧಿಸಲು ಯತ್ನಿಸುತ್ತಿದ್ದು, ಈ ಬಗ್ಗೆ ಎಚ್ಚರಿಕೆ ವಹಿಸುವಂತೆ ಕರೆ.

. 2004 ಮಾರ್ಚ್: ಅಮೆರಿಕ ನೇತೃತ್ವದ ಪಡೆಗಳಿಂದ ಅಲ್ ಖೈದಾ ವಿರುದ್ಧದ ಆಫ್ಘನ್- ಪಾಕ್ ಗಡಿಯಲ್ಲಿ ತೀವ್ರಗೊಂಡ ದಾಳಿ.

. 2009: ಲಾಡೆನ್ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎಂದು ಅಮೆರಿಕ ರಕ್ಷಣಾ ಕಾರ್ಯದರ್ಶಿ ರಾಬರ್ಟ್ ಗೇಟ್ಸ್ ಹೇಳಿಕೆ.

. 2011 ಮೇ 2: ಅಮೆರಿಕ ಪಡೆಗಳು ಪಾಕಿಸ್ತಾನದಲ್ಲಿ ನಡೆಸಿದ ಕಾರ್ಯಾಚರಣೆಯಲ್ಲಿ ಲಾಡೆನ್ ಹತ್ಯೆ ಮಾಡಿರುವುದಾಗಿ ಅಧ್ಯಕ್ಷ ಬರಾಕ್ ಒಬಾಮ ಘೋಷಣೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಿನ್ ಲಾಡೆನ್‌ ರಕ್ತಸಿಕ್ತ ಬದುಕು

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ