<p><strong>ಪುನಖಾ, (ಪಿಟಿಐ):</strong> ಭೂತಾನ್ ದೊರೆ ಜಿಗ್ಮೆ ಕೇಸರ್ ನಮ್ಗೇಲ್ ವಾಂಗ್ಚುಕ್ ಬಾಲ್ಯ ಗೆಳತಿ ಜೆತ್ಸುನ್ ಪೆಮಾ ಅವರನ್ನು ಗುರುವಾರ ಅದ್ದೂರಿಯಾಗಿ ನಡೆದ ಸಮಾರಂಭದಲ್ಲಿ ವಿವಾಹವಾದರು.</p>.<p>ರಾಜಧಾನಿ ಥಿಂಪುದಿಂದ 71 ಕಿಮೀ ದೂರದಲ್ಲಿರುವ ಕಣ್ಮನ ಸೆಳೆಯುವ ಐತಿಹಾಸಿಕ ನಗರ ಪುನಖಾದಲ್ಲಿ ಬೌದ್ಧ ಸಂಪ್ರದಾಯದಂತೆ ಈ ಮದುವೆ ನೆರವೇರಿತು.</p>.<p>ಕೆಂಪು ಉಡುಪು ಧರಿಸಿದ್ದ ಬೌದ್ಧ ಸನ್ಯಾಸಿಗಳು ಲಯಬದ್ಧವಾಗಿ ಸ್ತೋತ್ರ ಪಠಿಸಿದರೆ, ವಾದ್ಯಗಾರರು ಡ್ರಮ್ ಬಾರಿಸಿದರು.</p>.<p>31 ವರ್ಷದ ಉತ್ಸಾಹಿ ತರುಣ ದೊರೆ ವಾಂಗ್ಚುಕ್, 21 ವರ್ಷದ ತರುಣಿ ಪೆಮಾ ತಲೆಗೆ ಕಿರೀಟ ತೊಡಿಸಿದರು. ಭೂತಾನ್ ಬೌದ್ಧ ಸನ್ಯಾಸಿಗಳ ಮುಖ್ಯಸ್ಥ ಜೆ. ಕೆನ್ಪೊ ನೇತೃತ್ವದಲ್ಲಿ ವಿವಾಹ ವಿಧಿವಿಧಾನಗಳು ನೆರವೇರಿದವು. 100 ಬೌದ್ಧ ಸನ್ಯಾಸಿಗಳು ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.</p>.<p>ಪೆಮಾ ಹಳದಿ ಬಣ್ಣದ ಪೋಷಾಕು ಧರಿಸಿದ್ದರು ಮತ್ತು ಸಂಪ್ರದಾಯದಂತೆ ಸ್ಕರ್ಟ್ ತೊಟ್ಟಿದ್ದರು. ಹಲವು ಧಾರ್ಮಿಕ ವಿಧಿವಿಧಾನಗಳ ಬಳಿಕ ಪೆಮಾ ಅವರನ್ನು `ಭೂತಾನ್ ರಾಣಿ~ ಎಂದು ಅಧಿಕೃತವಾಗಿ ಘೋಷಿಸಲಾಯಿತು. <br /> ಭೂತಾನದಲ್ಲಿಯ ಭಾರತದ ರಾಯಭಾರಿ ಪವನ್ ಕೆ. ವರ್ಮಾ, ಪಶ್ಚಿಮ ಬಂಗಾಳ ರಾಜ್ಯಪಾಲ ಎಂ.ಕೆ. ನಾರಾಯಣನ್, ಕಾಂಗ್ರೆಸ್ ಮುಖಂಡ ಜ್ಯೋತಿರಾದಿತ್ಯ ಸಿಂಧಿಯಾ ಮತ್ತು ರಾಜಕುಟುಂಬದವರು ಸೇರಿ 300 ಕ್ಕೂ ಹೆಚ್ಚು ಅತಿಥಿ ಗಣ್ಯರು ಸಮಾರಂಭಕ್ಕೆ ಸಾಕ್ಷಿಯಾದರು.</p>.<p>ಪ್ರಧಾನಿ ಜಿಗ್ಮಿ ವೈ. ಥಿನ್ಲೆ ಮತ್ತು ಭೂತಾನ್ ರಾಜಕುಟುಂಬದ ಪೊಲೀಸ್ ಮುಖ್ಯಸ್ಥರೊಂದಿಗೆ ದೊರೆ ಅರಮನೆಯಿಂದ ಹೊರ ಬಂದರು.</p>.<p>ದೊರೆ ವಾಂಗ್ಚುಕ್ ಹೊಳೆಯುತ್ತಿದ್ದ ಕಿರೀಟವನ್ನು ಪೆಮಾ ತಲೆ ಮೇಲಿಟ್ಟ ಬಳಿಕ ಸಂಪ್ರದಾಯದಂತೆ ಅವರು ದೊರೆ ಕಾಲಿಗೆ ಮೂರು ಬಾರಿ ನಮಸ್ಕರಿಸಿದರು.</p>.<p>ರಾಷ್ಟ್ರದ 7 ಲಕ್ಷಕ್ಕೂ ಹೆಚ್ಚು ಜನರು ಟಿವಿ ಮೂಲಕ ವಿವಾಹ ಸಮಾರಂಭವನ್ನು ನೇರ ಪ್ರಸಾರದಲ್ಲಿ ವೀಕ್ಷಿಸಿದರು.<br /> ಪೆಮಾ ಪ್ರೌಢಶಾಲಾ ಶಿಕ್ಷಣವನ್ನು ಭಾರತದ ಹಿಮಾಚಲ ಪ್ರದೇಶದಲ್ಲಿ ಮುಗಿಸಿದ್ದಾರೆ. ಸಮಾರಂಭಕ್ಕೆ ಹಾಜರಾದ ಅತಿಥಿಗಳು ಮತ್ತು ವಿವಿಧ ದೇಶಗಳ ಪ್ರತಿನಿಧಿಗಳಿಗೆ ರಾಷ್ಟ್ರದ ಸಾಂಪ್ರದಾಯಿಕ ಔತಣ ಸಿದ್ಧಪಡಿಸಲಾಗಿತ್ತು. ಇದರಲ್ಲಿ ಭಾರತದಲ್ಲಿ ಜನಪ್ರಿಯವಾಗಿರುವ ರೋಟಿಯೂ ಸೇರಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪುನಖಾ, (ಪಿಟಿಐ):</strong> ಭೂತಾನ್ ದೊರೆ ಜಿಗ್ಮೆ ಕೇಸರ್ ನಮ್ಗೇಲ್ ವಾಂಗ್ಚುಕ್ ಬಾಲ್ಯ ಗೆಳತಿ ಜೆತ್ಸುನ್ ಪೆಮಾ ಅವರನ್ನು ಗುರುವಾರ ಅದ್ದೂರಿಯಾಗಿ ನಡೆದ ಸಮಾರಂಭದಲ್ಲಿ ವಿವಾಹವಾದರು.</p>.<p>ರಾಜಧಾನಿ ಥಿಂಪುದಿಂದ 71 ಕಿಮೀ ದೂರದಲ್ಲಿರುವ ಕಣ್ಮನ ಸೆಳೆಯುವ ಐತಿಹಾಸಿಕ ನಗರ ಪುನಖಾದಲ್ಲಿ ಬೌದ್ಧ ಸಂಪ್ರದಾಯದಂತೆ ಈ ಮದುವೆ ನೆರವೇರಿತು.</p>.<p>ಕೆಂಪು ಉಡುಪು ಧರಿಸಿದ್ದ ಬೌದ್ಧ ಸನ್ಯಾಸಿಗಳು ಲಯಬದ್ಧವಾಗಿ ಸ್ತೋತ್ರ ಪಠಿಸಿದರೆ, ವಾದ್ಯಗಾರರು ಡ್ರಮ್ ಬಾರಿಸಿದರು.</p>.<p>31 ವರ್ಷದ ಉತ್ಸಾಹಿ ತರುಣ ದೊರೆ ವಾಂಗ್ಚುಕ್, 21 ವರ್ಷದ ತರುಣಿ ಪೆಮಾ ತಲೆಗೆ ಕಿರೀಟ ತೊಡಿಸಿದರು. ಭೂತಾನ್ ಬೌದ್ಧ ಸನ್ಯಾಸಿಗಳ ಮುಖ್ಯಸ್ಥ ಜೆ. ಕೆನ್ಪೊ ನೇತೃತ್ವದಲ್ಲಿ ವಿವಾಹ ವಿಧಿವಿಧಾನಗಳು ನೆರವೇರಿದವು. 100 ಬೌದ್ಧ ಸನ್ಯಾಸಿಗಳು ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.</p>.<p>ಪೆಮಾ ಹಳದಿ ಬಣ್ಣದ ಪೋಷಾಕು ಧರಿಸಿದ್ದರು ಮತ್ತು ಸಂಪ್ರದಾಯದಂತೆ ಸ್ಕರ್ಟ್ ತೊಟ್ಟಿದ್ದರು. ಹಲವು ಧಾರ್ಮಿಕ ವಿಧಿವಿಧಾನಗಳ ಬಳಿಕ ಪೆಮಾ ಅವರನ್ನು `ಭೂತಾನ್ ರಾಣಿ~ ಎಂದು ಅಧಿಕೃತವಾಗಿ ಘೋಷಿಸಲಾಯಿತು. <br /> ಭೂತಾನದಲ್ಲಿಯ ಭಾರತದ ರಾಯಭಾರಿ ಪವನ್ ಕೆ. ವರ್ಮಾ, ಪಶ್ಚಿಮ ಬಂಗಾಳ ರಾಜ್ಯಪಾಲ ಎಂ.ಕೆ. ನಾರಾಯಣನ್, ಕಾಂಗ್ರೆಸ್ ಮುಖಂಡ ಜ್ಯೋತಿರಾದಿತ್ಯ ಸಿಂಧಿಯಾ ಮತ್ತು ರಾಜಕುಟುಂಬದವರು ಸೇರಿ 300 ಕ್ಕೂ ಹೆಚ್ಚು ಅತಿಥಿ ಗಣ್ಯರು ಸಮಾರಂಭಕ್ಕೆ ಸಾಕ್ಷಿಯಾದರು.</p>.<p>ಪ್ರಧಾನಿ ಜಿಗ್ಮಿ ವೈ. ಥಿನ್ಲೆ ಮತ್ತು ಭೂತಾನ್ ರಾಜಕುಟುಂಬದ ಪೊಲೀಸ್ ಮುಖ್ಯಸ್ಥರೊಂದಿಗೆ ದೊರೆ ಅರಮನೆಯಿಂದ ಹೊರ ಬಂದರು.</p>.<p>ದೊರೆ ವಾಂಗ್ಚುಕ್ ಹೊಳೆಯುತ್ತಿದ್ದ ಕಿರೀಟವನ್ನು ಪೆಮಾ ತಲೆ ಮೇಲಿಟ್ಟ ಬಳಿಕ ಸಂಪ್ರದಾಯದಂತೆ ಅವರು ದೊರೆ ಕಾಲಿಗೆ ಮೂರು ಬಾರಿ ನಮಸ್ಕರಿಸಿದರು.</p>.<p>ರಾಷ್ಟ್ರದ 7 ಲಕ್ಷಕ್ಕೂ ಹೆಚ್ಚು ಜನರು ಟಿವಿ ಮೂಲಕ ವಿವಾಹ ಸಮಾರಂಭವನ್ನು ನೇರ ಪ್ರಸಾರದಲ್ಲಿ ವೀಕ್ಷಿಸಿದರು.<br /> ಪೆಮಾ ಪ್ರೌಢಶಾಲಾ ಶಿಕ್ಷಣವನ್ನು ಭಾರತದ ಹಿಮಾಚಲ ಪ್ರದೇಶದಲ್ಲಿ ಮುಗಿಸಿದ್ದಾರೆ. ಸಮಾರಂಭಕ್ಕೆ ಹಾಜರಾದ ಅತಿಥಿಗಳು ಮತ್ತು ವಿವಿಧ ದೇಶಗಳ ಪ್ರತಿನಿಧಿಗಳಿಗೆ ರಾಷ್ಟ್ರದ ಸಾಂಪ್ರದಾಯಿಕ ಔತಣ ಸಿದ್ಧಪಡಿಸಲಾಗಿತ್ತು. ಇದರಲ್ಲಿ ಭಾರತದಲ್ಲಿ ಜನಪ್ರಿಯವಾಗಿರುವ ರೋಟಿಯೂ ಸೇರಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
