l ಪ್ಲಾಸ್ಟಿಕ್ ಬಾಟಲಿಗಳಲ್ಲಿ ಗಿಡ ಬೆಳೆಯುವ ಉದ್ದೇಶ ನಿಮ್ಮದಾಗಿದ್ದರೆ, ಮಣ್ಣು ಹಿಡಿದಿಡುವ ರೀತಿಯಲ್ಲಿ ಬಾಟಲಿಯನ್ನು ಬೇಕಾದ ಆಕಾರಕ್ಕೆ ಕತ್ತರಿಸಿ. ಇಷ್ಟದ ಬಣ್ಣವನ್ನು ಹಚ್ಚಿ, ನಂತರ ಸ್ಕೆಚ್ ಪೆನ್ನಿನಲ್ಲಿ ಕಣ್ಣು, ಬಾಯಿ ಮೂಗು ಬಿಡಿಸಬಹುದು. ಕಾರ್ಡ್ಬೋರ್ಡ್ ಮೂಲಕ ಕಣ್ಣನ್ನು ಮಾಡಿ ಬಾಟಲಿಗೆ ಅಂಟಿಸಬಹುದು. ಬಾಟಲಿ ಮುಚ್ಚಳವನ್ನು ಅಂಟಿಸಿ ಕುಂಡಕ್ಕೆ ಮೂಗು ಮಾಡಬಹುದು. ಈ ರೀತಿಯ ಪಾಟ್ಗಳಲ್ಲಿ ಚಿಕ್ಕ ಗಿಡಗಳನ್ನು ಬೆಳೆಯಿರಿ. ಇದು ಮಕ್ಕಳಿಗೆ ಇಷ್ಟವಾಗುತ್ತದೆ. ನೀರು ಹಾಕುವ ಜವಾಬ್ದಾರಿಯನ್ನು ಮಕ್ಕಳಿಗೆ ವಹಿಸಬಹುದು. ಈ ರೀತಿಯ ಕುಂಡಗಳನ್ನು ನೀರಿನ ಬಾಟಲಿಗಳಲ್ಲಿ ಮಾಡುವ ಜೊತೆಗೆ ಹಿಡಿಕೆಯಿರುವ ಎಣ್ಣೆಯ ಬಾಟಲಿಗಳಲ್ಲಿ ಮಾಡಿದರೆ ಆಕರ್ಷಕವಾಗಿ ಕಾಣುತ್ತದೆ.