‘ಎಲ್ಲೆಲ್ಲಿ ಹೆಂಗ ಹೆಗ್ಗಣ ಹಿಡಿಬಕು, ಎಲ್ಲಿ ಬೋನು ಇಡಬಕು ಅಂತೆಲ್ಲ ಒಂದು ಪ್ರಸೆಂಟೇಶನ್ ಕೊಟ್ಟೆ. ಆಕಿ ಮುಖ ಗಂಟು ಮಾಡಿಕಂಡೇ ಕೂತಿದ್ದಳು. ‘ಜೇಟ್ಲಿ ಕಾಲದಾಗ ಆರ್ಬಿಐ ಗವರ್ನರ್ ಮತ್ತ ಈಗ ನೀ ಕುರ್ಚಿ ಹಿಡಿದ ನಾಕ್ ದಿನಕ್ಕನ ಡೆಪ್ಯುಟಿ ಗವರ್ನರ್, ಇವರಿಬ್ರೂ ಎದಕ್ಕ ರಾಜೀನಾಮೆ ಕೊಟ್ಟಾರ ಅನ್ನೂ ಗುಟ್ಟು ನನಗ ಗೊತ್ತದ, ಇವತ್ತೇ ಪ್ರೆಸ್ ಮೀಟ್ ಮಾಡ್ತೀನೇಳು’ ಅಂದೆ. ಆಕಿ ಕ್ಲೀನ್ ಬೌಲ್ಡ್. ‘ಎಲ್ಲರ ಮುಂದೂ ಹೇಳಿಕೋತ ಅಡ್ಯಾಡಬ್ಯಾಡಪಾ, ಸುಮ್ನ ಕುತ್ತು ಕ್ರಿಕೆಟ್ ನೋಡ್ಹೋಗು’ ಅಂತ್ಹೇಳಿ ಇದನ್ನ ಕೊಟ್ಟಳು. ಲ್ಯಾಪ್ಟಾನಾಗೆ ಕ್ರಿಕೆಟ್ ಹಾಕವ್ವ. ಹಂಗ ತಟ್ಟೆಯಾಗ ಡ್ರೂಲ್ಸ್, ಹಾಲು ಕೊಡು. ತಿನ್ಕೋತ, ಕುಡ್ಕೋತ ಕ್ರಿಕೆಟ್ ನೋಡ್ತೀನಂತ... ಹೆಗ್ಗಣ ಹಿಡಿಯೂದು ಯಾವಂಗ ಬೇಕಾಗೇದ’ ಎಂದು ಡೌಲಿನಿಂದ ಉತ್ತರಿಸಿ, ಜೆರ್ಸಿ ಸರಿಪಡಿಸಿಕೊಂಡು ಸೋಫಾ ಮೇಲೆ ಪವಡಿಸಿತು!