ಚುರುಮುರಿ | ಬಿಪ್ ಬೈಗುಳ

ನ್ಯೂಸ್ ಚಾನೆಲ್ನವರು ನಾಯಕರನ್ನು ಮುತ್ತಿಕೊಂಡರು. ‘ಸಾರ್, ಆ ಪಕ್ಷದವರು ನಿಮ್ಮನ್ನು ಬಿಪ್ ಬಿಪ್ ಎಂದು ಬೈದಿದ್ದಾರೆ. ಇದಕ್ಕೆ ನಿಮ್ಮ ಪ್ರತಿಕ್ರಿಯೆ ಏನು?’ ಕೇಳಿದರು.

. ‘ಆ ಪಕ್ಷದ ಬಿಪ್... ಬಿಪ್ ಮಕ್ಕಳಿಗೆ ಮಾಡಲು ಕೆಲ್ಸ ಇಲ್ಲ, ಅವರು ಸಂಸ್ಕೃತಿ- ಸಂಸ್ಕಾರವಿಲ್ಲದ ಅಯೋಗ್ಯರು...’ ನಾಯಕರು ಉರಿದುಬಿದ್ದರು.

. ‘ಮೊನ್ನೆ ನೀವು ಅವರಿಗೆ ಹತ್ತಾರು ಬಿಪ್ ಬೈಗುಳ ಬೈದಿರಲ್ಲಾ ಸಾರ್’.

. ‘ಬಿಡ್ತೀನಾ, ಬದುಕಿರುವವರನ್ನು ಬೇಕಾದ್ರೆ ಬೈಯಲಿ, ಸತ್ತಿರುವ ನಮ್ಮ ಪಕ್ಷದ ನಾಯಕರನ್ನು ಬೈದು ಮರಣೋತ್ತರ ಮಾನಹಾನಿ ಮಾಡಿದರೆ ಸುಮ್ಮನಿರಬೇಕೇನ್ರೀ? ಅವರ ಪಕ್ಷದ ಸತ್ತ ನಾಯಕರನ್ನು ಸಮಾಧಿಯಿಂದ ಎಳೆದು ಬೀದಿಗೆ ತರ್ತೀವಿ...’

. ‘ನೀವು ಬೈಗುಳ ಪರಾಕ್ರಮಿ ಸಾರ್, ನಿಮ್ಮ ಕರ್ಣಕಠೋರ ಬಿಪ್ ಬೈಗುಳಗಳಿಗೆ ಎದುರಾಳಿಗಳು ದಂಗಾಗಿಬಿಡ್ತಾರೆ’.

. ‘ಪಕ್ಷ ನನಗೆ ತಾಯಿ ಇದ್ದಂತೆ. ತಾಯಿ ತಂಟೆಗೆ ಬಂದರೆ ಸುಮ್ನೆ ಬಿಡೋಲ್ಲ’ ನಾಯಕರು ಗುಡುಗಿದರು.

. ‘ಸಾರ್ವಜನಿಕವಾಗಿ ಬಿಪ್ ಬೈಗುಳ ಬಳಸಿದರೆ ನಿಮ್ಮ ವ್ಯಕ್ತಿತ್ವಕ್ಕೆ, ಪಕ್ಷದ ವರ್ಚಸ್ಸಿಗೆ ಧಕ್ಕೆ ಆಗೋದಿಲ್ವೇ ಸಾರ್?’

. ‘ಶತ್ರುಗಳನ್ನು ಸದೆಬಡಿಯಲು ನಮ್ಮ ಹತ್ರ ಕತ್ತಿ-ಗುರಾಣಿ ಇಲ್ಲ. ನಮಗೆ ನಾಲಿಗೆಯೇ ಅಸ್ತ್ರ...’

. ‘ಆದರೂ ಹಿತಕರವಾಗಿ ಬೈಯುವುದನ್ನು ಅಭ್ಯಾಸ ಮಾಡಿಕೊಳ್ಳಿ ಸಾರ್, ಬೈಗುಳಗಳನ್ನು ಟಿ.ವಿಯಲ್ಲಿ ನೇರ ಪ್ರಸಾರ ಮಾಡಲಾಗದೆ, ಬಿಪ್ ಸೌಂಡ್ ಬಳಸಬೇಕಾಗುತ್ತದೆ’.

. ‘ಸೋಶಿಯಲ್ ಮೀಡಿಯಾಗಳಲ್ಲಿ ಬಿಪ್ ಇಲ್ಲದೆ ನಮ್ಮ ಬೈಗುಳ ಪ್ರಸಾರವಾಗುತ್ತದಲ್ಲ, ಕುತೂಹಲವಿದ್ದವರು ಅಲ್ಲಿ ನೋಡಿಕೊಳ್ತಾರೆ ಬಿಡ್ರೀ...’

. ‘ಆದ್ರೆ ಬೈಗುಳದ ಪೂರ್ಣ ಕ್ರೆಡಿಟ್ ನಮಗೆ ಸಿಗೋಲ್ಲವಲ್ಲ ಸಾರ್...’

. ‘ನಾವು ಬೈದಾಡೋದು ನಿಮಗೆ ಕ್ರೆಡಿಟ್ ಏನ್ರೀ? ನಾವು ಬೈದದ್ದನ್ನು ಅವರಿಗೆ ಹೇಳಿ ಅವರಿಂದ ನಮ್ಮನ್ನು ಬೈಸ್ತೀರಿ, ಅವರು ಬೈದ್ರು ಅಂತ ನಮ್ಮ ಹತ್ರ ಬಂದು ನಮ್ಮಿಂದ ಅವರನ್ನು ಬೈಸ್ತೀರಿ. ನಿಮ್ಮದು ಇದೇ ಆಗೋಯ್ತಲ್ರೀ...’ ರೇಗಿದ ನಾಯಕರು ಕಾರು ಹತ್ತಿ ಹೊರಟರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ | ಬಿಪ್ ಬೈಗುಳ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ