<p>ಹೊಸ ಸೀರೆಯ ರವಿಕೆಯನ್ನು ಟೈಲರ್ ಚೆನ್ನಾಗಿ ಹೊಲಿದಿಲ್ಲ ಅಂತ ಸುಮಿ ಅಪ್ಸೆಟ್ ಆಗಿದ್ದಳು. ಹೀಗಾಗಿ ಈ ಹಬ್ಬ ಇವಳಿಗೆ ಸಡಗರ ತಂದಿಲ್ಲ.</p>.<p>‘ಡಾಕ್ಟರ್ಗಳು ಆಪರೇಷನ್ ಮಾಡಿ ಸ್ಟಿಚ್ ಹಾಕುವಷ್ಟು ಸುಲಭವಲ್ಲ ಬ್ಲೌಸ್ ಸ್ಟಿಚ್ ಮಾಡಿ ಟೈಲರ್ಗಳು ಹೆಂಗಸರಿಂದ ಭೇಷ್ ಅನ್ನಿಸಿ<br />ಕೊಳ್ಳುವುದು’ ಶಂಕ್ರಿ ಸಮಾಧಾನ ಹೇಳಿದ.</p>.<p>ಸುಮಿಗೆ ಸಮಾಧಾನ ಆಗಲಿಲ್ಲ. ‘ಹಾಗಲ್ಲಾರೀ, ತೋಳು ಲೂಸು, ಕಂಕುಳು ಟೈಟು, ನೆಕ್ ನೆಟ್ಟಗಿಲ್ಲ, ಬ್ಯಾಕ್ ಡೀಪ್ ಕಮ್ಮಿ ಮಾಡಿ ಹೊಲಿದಿದ್ದಾನೆ ಟೈಲರ್’ ಎಂದಳು.</p>.<p>‘ಮೂಗಿಗಿಂತ ಮೂಗುತಿ ಭಾರ ಎನ್ನುವಂತೆ ಸೀರೆ ರೇಟಿಗಿಂತ ಡಬ್ಬಲ್ ದುಡ್ಡು ಕೊಟ್ಟು ಓವರ್ ಡಿಸೈನ್ ಬ್ಲೌಸ್ ಹೊಲಿಸಬೇಕಾ? ಸೆರಗಿನಲ್ಲಿ ಮುಚ್ಚಿಕೊಳ್ಳುವ ರವಿಕೆಗೆ ಕಲೆ, ಕಸೂತಿ ಅಲಂಕಾರದ ಅಗತ್ಯವಿದೆಯೇ?’</p>.<p>‘ಗಂಡಸರಿಗೇನು ಗೊತ್ತು ಗೌರಿ ದುಃಖ? ಉಟ್ಟುಕೊಳ್ಳುವ ಸೀರೆಗಿಂತ ತೊಟ್ಟುಕೊಳ್ಳುವ ಬ್ಲೌಸಿನ ಡಿಸೈನ್ ಮುಖ್ಯ. ನೀವು ಗಂಡಸರು ಹೊಲಿಸುವ ಶರ್ಟ್, ಪ್ಯಾಂಟಿನಲ್ಲಿ ಒಂದು ತೋಳು ದೊಡ್ಡದು, ಇನ್ನೊಂದು ಚಿಕ್ಕದಾಗಿದ್ರೂ ತೆಪ್ಪಗೆ ಹಾಕಿಕೊಳ್ತೀರಿ, ನಾವು ಹಾಗಲ್ಲಾರೀ...’</p>.<p>‘ಹೆಂಗಸರಿಗೆ ಸಮಾಧಾನವಾಗುವಂತಹ ರವಿಕೆ ಹೊಲಿಯುವ ಟೈಲರ್ ಹುಟ್ಟಿಲ್ಲಬಿಡು...’</p>.<p>‘ನನಗೂ ಹಾಗೇ ಅನ್ನಿಸುತ್ತೇರೀ... ನನ್ನ ಹೊಸ ಸೀರೆ ನೋಡುವ ನೆಪದಲ್ಲಿ ಬಂದ ಪಕ್ಕದ ಮನೆಯವಳು ಸೀರೆ ಚೆನ್ನಾಗಿದೆ, ಅದಕ್ಕೆ ತಕ್ಕಂತೆ ಬ್ಲೌಸಿನ ಸ್ಟಿಚ್ಚಿಂಗ್ ಸರಿಯಿಲ್ಲ ಎಂದುಬಿಟ್ಟಳು. ಇದಕ್ಕಿಂತ ಅವಮಾನ ಬೇಕೇನ್ರೀ?’ ಸುಮಿಗೆ ಸಂಕಟ.</p>.<p>‘ಅವಳು ಹಾಗೇಬಿಡು, ಯಾವುದನ್ನೂ ಸಹಿಸುವುದಿಲ್ಲ, ನೀನು ಒಳ್ಳೆ ಸೀರೆ ತಗೊಂಡಿದ್ದಕ್ಕೆ ಅಸೂಯೆಪಟ್ಟಿದ್ದಾಳೆ’.</p>.<p>‘ಅದೇನೇ ಆಗ್ಲಿರೀ, ಬ್ಲೌಸ್ನ ಸ್ಟಿಚ್ಚಿಂಗ್ ನನಗಂತೂ ಸಮಾಧಾನ ಆಗಿಲ್ಲ. ಹಬ್ಬಕ್ಕೆ ನಾನು ಆ ಬ್ಲೌಸ್ ತೊಟ್ಟು ಹೊಸ ಸೀರೆ ಉಟ್ಟುಕೊಳ್ಳು ವುದಿಲ್ಲ, ಹೊಸ ನೈಟಿ ಧರಿಸಿ ಹಬ್ಬ ಮಾಡಿ ಮುಗಿಸ್ತೀನಿ...’ ಸುಮಿ ಕಠಿಣ ನಿರ್ಧಾರ ಪ್ರಕಟಿಸಿದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೊಸ ಸೀರೆಯ ರವಿಕೆಯನ್ನು ಟೈಲರ್ ಚೆನ್ನಾಗಿ ಹೊಲಿದಿಲ್ಲ ಅಂತ ಸುಮಿ ಅಪ್ಸೆಟ್ ಆಗಿದ್ದಳು. ಹೀಗಾಗಿ ಈ ಹಬ್ಬ ಇವಳಿಗೆ ಸಡಗರ ತಂದಿಲ್ಲ.</p>.<p>‘ಡಾಕ್ಟರ್ಗಳು ಆಪರೇಷನ್ ಮಾಡಿ ಸ್ಟಿಚ್ ಹಾಕುವಷ್ಟು ಸುಲಭವಲ್ಲ ಬ್ಲೌಸ್ ಸ್ಟಿಚ್ ಮಾಡಿ ಟೈಲರ್ಗಳು ಹೆಂಗಸರಿಂದ ಭೇಷ್ ಅನ್ನಿಸಿ<br />ಕೊಳ್ಳುವುದು’ ಶಂಕ್ರಿ ಸಮಾಧಾನ ಹೇಳಿದ.</p>.<p>ಸುಮಿಗೆ ಸಮಾಧಾನ ಆಗಲಿಲ್ಲ. ‘ಹಾಗಲ್ಲಾರೀ, ತೋಳು ಲೂಸು, ಕಂಕುಳು ಟೈಟು, ನೆಕ್ ನೆಟ್ಟಗಿಲ್ಲ, ಬ್ಯಾಕ್ ಡೀಪ್ ಕಮ್ಮಿ ಮಾಡಿ ಹೊಲಿದಿದ್ದಾನೆ ಟೈಲರ್’ ಎಂದಳು.</p>.<p>‘ಮೂಗಿಗಿಂತ ಮೂಗುತಿ ಭಾರ ಎನ್ನುವಂತೆ ಸೀರೆ ರೇಟಿಗಿಂತ ಡಬ್ಬಲ್ ದುಡ್ಡು ಕೊಟ್ಟು ಓವರ್ ಡಿಸೈನ್ ಬ್ಲೌಸ್ ಹೊಲಿಸಬೇಕಾ? ಸೆರಗಿನಲ್ಲಿ ಮುಚ್ಚಿಕೊಳ್ಳುವ ರವಿಕೆಗೆ ಕಲೆ, ಕಸೂತಿ ಅಲಂಕಾರದ ಅಗತ್ಯವಿದೆಯೇ?’</p>.<p>‘ಗಂಡಸರಿಗೇನು ಗೊತ್ತು ಗೌರಿ ದುಃಖ? ಉಟ್ಟುಕೊಳ್ಳುವ ಸೀರೆಗಿಂತ ತೊಟ್ಟುಕೊಳ್ಳುವ ಬ್ಲೌಸಿನ ಡಿಸೈನ್ ಮುಖ್ಯ. ನೀವು ಗಂಡಸರು ಹೊಲಿಸುವ ಶರ್ಟ್, ಪ್ಯಾಂಟಿನಲ್ಲಿ ಒಂದು ತೋಳು ದೊಡ್ಡದು, ಇನ್ನೊಂದು ಚಿಕ್ಕದಾಗಿದ್ರೂ ತೆಪ್ಪಗೆ ಹಾಕಿಕೊಳ್ತೀರಿ, ನಾವು ಹಾಗಲ್ಲಾರೀ...’</p>.<p>‘ಹೆಂಗಸರಿಗೆ ಸಮಾಧಾನವಾಗುವಂತಹ ರವಿಕೆ ಹೊಲಿಯುವ ಟೈಲರ್ ಹುಟ್ಟಿಲ್ಲಬಿಡು...’</p>.<p>‘ನನಗೂ ಹಾಗೇ ಅನ್ನಿಸುತ್ತೇರೀ... ನನ್ನ ಹೊಸ ಸೀರೆ ನೋಡುವ ನೆಪದಲ್ಲಿ ಬಂದ ಪಕ್ಕದ ಮನೆಯವಳು ಸೀರೆ ಚೆನ್ನಾಗಿದೆ, ಅದಕ್ಕೆ ತಕ್ಕಂತೆ ಬ್ಲೌಸಿನ ಸ್ಟಿಚ್ಚಿಂಗ್ ಸರಿಯಿಲ್ಲ ಎಂದುಬಿಟ್ಟಳು. ಇದಕ್ಕಿಂತ ಅವಮಾನ ಬೇಕೇನ್ರೀ?’ ಸುಮಿಗೆ ಸಂಕಟ.</p>.<p>‘ಅವಳು ಹಾಗೇಬಿಡು, ಯಾವುದನ್ನೂ ಸಹಿಸುವುದಿಲ್ಲ, ನೀನು ಒಳ್ಳೆ ಸೀರೆ ತಗೊಂಡಿದ್ದಕ್ಕೆ ಅಸೂಯೆಪಟ್ಟಿದ್ದಾಳೆ’.</p>.<p>‘ಅದೇನೇ ಆಗ್ಲಿರೀ, ಬ್ಲೌಸ್ನ ಸ್ಟಿಚ್ಚಿಂಗ್ ನನಗಂತೂ ಸಮಾಧಾನ ಆಗಿಲ್ಲ. ಹಬ್ಬಕ್ಕೆ ನಾನು ಆ ಬ್ಲೌಸ್ ತೊಟ್ಟು ಹೊಸ ಸೀರೆ ಉಟ್ಟುಕೊಳ್ಳು ವುದಿಲ್ಲ, ಹೊಸ ನೈಟಿ ಧರಿಸಿ ಹಬ್ಬ ಮಾಡಿ ಮುಗಿಸ್ತೀನಿ...’ ಸುಮಿ ಕಠಿಣ ನಿರ್ಧಾರ ಪ್ರಕಟಿಸಿದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
