<p>‘ಅಕ್ಕಾ ತರಕಾರಿ...’ ಎಂದು ಕರೆದ ತಾಯಮ್ಮ ತರಕಾರಿ ಮಂಕರಿ ಇಳಿಸಿದಳು.</p>.<p>‘ತರಕಾರಿ ಬೇಡ ತಾಯಮ್ಮ, ನಿನ್ನ ಹತ್ರ ರೇಟ್ ಜಾಸ್ತಿ...’ ನೈಟಿಗೆ ಕೈ ಒರೆಸಿಕೊಂಡು ಸುಮಿ ಮನೆ ಒಳಗಿನಿಂದ ಬಂದಳು.</p>.<p>‘ಮನೆ ಬಾಗಿಲಿಗೆ ತರಕಾರಿ ಸೇವೆ ಕೊಡ್ತಿದ್ದೀನಿ. ನಂಗೂ ಮೂರು ಕಾಸು ಬೇಡ್ವಾ ಅಕ್ಕಾ?...’ ತಾಯಮ್ಮನಿಗೆ ಹುಸಿ ಸಿಟ್ಟು.</p>.<p>‘ಕೇಜಿಗೆ ನೂರು ರೂಪಾಯಿ ಹೇಳ್ತೀಯಾ, ಪೆಟ್ರೋಲ್ಗಿಂತ ನಿನ್ನ ತರಕಾರಿ ರೇಟೇ ಜಾಸ್ತಿ...’ ಎನ್ನುತ್ತಾ ಸುಮಿ ತರಕಾರಿ ಆರಿಸಿಕೊಂಡಳು.</p>.<p>‘ಹಿಂಗೇ ಇನ್ನಷ್ಟು ದಿನ ಮಳೆ ಹುಯ್ತಿದ್ರೆ ಇದೂ ಸಿಗಲ್ಲ, ಬೆಳೆದದ್ದೆಲ್ಲಾ ಕೊಚ್ಚಿಕೊಂಡು ಹೋಗ್ತದೆ’.</p>.<p>‘ಈ ಮಳೆ ಯಾವತ್ತಿಗೆ ನಿಲ್ಲುತ್ತೋ?’</p>.<p>‘ಕೊಡ, ಕೊಡೆ ಹಿಡಿದು ಮಳೆಯನ್ನ ತಡೆಯಲಾಗುತ್ತಾ? ಆನೆ ನಡೆದಿದ್ದೇ ದಾರಿ ಅನ್ನುವಂತೆ ನೀರು ಹರಿದಿದ್ದೇ ಮೋರಿ. ಮಳೆ ನೀರಿಗೆ ದಾರಿ ಬಿಟ್ಟುಕೊಟ್ಟು ನಾವು<br />ಸುಮ್ಮನಿರಬೇಕಷ್ಟೇ’.</p>.<p>‘ತರಕಾರಿ ಬೆಲೆ ಹೀಗೆ ಹೆಚ್ಚಾಗುತ್ತಿದ್ರೆ ನಮ್ಮಂಥವರು ಏನನ್ನು ತಿಂದು ಬದುಕೋದು?’</p>.<p>‘ಅಡುಗೆ-ತಿಂಡಿ ಒಂದು ದಿನದ ವ್ಯವಹಾರ ಅಲ್ಲ. ಕೈಗೆ ಎಟಕುವುದಕ್ಕೆ ಉಪ್ಪು-ಖಾರ, ಒಗ್ಗರಣೆ ಸೇರಿಸಿ ತಿಂದು ನಾಲಿಗೆ ರುಚಿ ತೀರಿಸಿಕೊಳ್ಳಬೇಕು. ನಾವು ಏನನ್ನು ತಿಂದ್ವಿ ಅಂತ ಜನ ಹೊಟ್ಟೆ ಬಗೆದು ನೋಡ್ತಾರಾ? ಆಹಾರ ಅನ್ನೋದು ಅವರವರ ಹೊಟ್ಟೆಪಾಡು, ಕಟ್ಟುಪಾಡು...’</p>.<p>‘ಬೇರೆಯವರ ಆಹಾರ ಪದ್ಧತಿಯನ್ನ ಆಡಿಕೊಳ್ಳೋದು ಕೆಲವರಿಗೆ ನಾಲಿಗೆ ಚಟವಾಗಿದೆ’ ಸುಮಿಗೆ ಬೇಸರ.</p>.<p>‘ಹೌದಕ್ಕಾ, ಸಾಮಾಜಿಕ ಜಾಲತಾಣದ ಜನ ಅಂತಹವರ ಜನ್ಮ ಜಾಲಾಡಿಸಿ ಮಾನ<br />ಕಳೆಯುತ್ತಿರೋದ್ನ ನಾನೂ ನೋಡಿದ್ದೀನಿ’ ನಕ್ಕಳು ತಾಯಮ್ಮ.</p>.<p>‘ನಾವು ಸಮಾಜಕ್ಕೆ ಅಂಜಿದರೆ ಸಾಲದು, ಸಾಮಾಜಿಕ ಜಾಲತಾಣಕ್ಕೆ ಸಿಗದಂತೆ ನಾಲಿಗೆಯನ್ನ ನಿಯಂತ್ರಿಸಿಕೊಂಡು ಮರ್ಯಾದೆಯಿಂದ ಬಾಳೋದನ್ನು ಕಲೀಬೇಕು...’ ಎಂದು ಸುಮಿ ತರಕಾರಿ ದುಡ್ಡು ಕೊಟ್ಟು ತಾಯಮ್ಮನಿಗೆ ಮಂಕರಿ ಹೊರಿಸಿದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಅಕ್ಕಾ ತರಕಾರಿ...’ ಎಂದು ಕರೆದ ತಾಯಮ್ಮ ತರಕಾರಿ ಮಂಕರಿ ಇಳಿಸಿದಳು.</p>.<p>‘ತರಕಾರಿ ಬೇಡ ತಾಯಮ್ಮ, ನಿನ್ನ ಹತ್ರ ರೇಟ್ ಜಾಸ್ತಿ...’ ನೈಟಿಗೆ ಕೈ ಒರೆಸಿಕೊಂಡು ಸುಮಿ ಮನೆ ಒಳಗಿನಿಂದ ಬಂದಳು.</p>.<p>‘ಮನೆ ಬಾಗಿಲಿಗೆ ತರಕಾರಿ ಸೇವೆ ಕೊಡ್ತಿದ್ದೀನಿ. ನಂಗೂ ಮೂರು ಕಾಸು ಬೇಡ್ವಾ ಅಕ್ಕಾ?...’ ತಾಯಮ್ಮನಿಗೆ ಹುಸಿ ಸಿಟ್ಟು.</p>.<p>‘ಕೇಜಿಗೆ ನೂರು ರೂಪಾಯಿ ಹೇಳ್ತೀಯಾ, ಪೆಟ್ರೋಲ್ಗಿಂತ ನಿನ್ನ ತರಕಾರಿ ರೇಟೇ ಜಾಸ್ತಿ...’ ಎನ್ನುತ್ತಾ ಸುಮಿ ತರಕಾರಿ ಆರಿಸಿಕೊಂಡಳು.</p>.<p>‘ಹಿಂಗೇ ಇನ್ನಷ್ಟು ದಿನ ಮಳೆ ಹುಯ್ತಿದ್ರೆ ಇದೂ ಸಿಗಲ್ಲ, ಬೆಳೆದದ್ದೆಲ್ಲಾ ಕೊಚ್ಚಿಕೊಂಡು ಹೋಗ್ತದೆ’.</p>.<p>‘ಈ ಮಳೆ ಯಾವತ್ತಿಗೆ ನಿಲ್ಲುತ್ತೋ?’</p>.<p>‘ಕೊಡ, ಕೊಡೆ ಹಿಡಿದು ಮಳೆಯನ್ನ ತಡೆಯಲಾಗುತ್ತಾ? ಆನೆ ನಡೆದಿದ್ದೇ ದಾರಿ ಅನ್ನುವಂತೆ ನೀರು ಹರಿದಿದ್ದೇ ಮೋರಿ. ಮಳೆ ನೀರಿಗೆ ದಾರಿ ಬಿಟ್ಟುಕೊಟ್ಟು ನಾವು<br />ಸುಮ್ಮನಿರಬೇಕಷ್ಟೇ’.</p>.<p>‘ತರಕಾರಿ ಬೆಲೆ ಹೀಗೆ ಹೆಚ್ಚಾಗುತ್ತಿದ್ರೆ ನಮ್ಮಂಥವರು ಏನನ್ನು ತಿಂದು ಬದುಕೋದು?’</p>.<p>‘ಅಡುಗೆ-ತಿಂಡಿ ಒಂದು ದಿನದ ವ್ಯವಹಾರ ಅಲ್ಲ. ಕೈಗೆ ಎಟಕುವುದಕ್ಕೆ ಉಪ್ಪು-ಖಾರ, ಒಗ್ಗರಣೆ ಸೇರಿಸಿ ತಿಂದು ನಾಲಿಗೆ ರುಚಿ ತೀರಿಸಿಕೊಳ್ಳಬೇಕು. ನಾವು ಏನನ್ನು ತಿಂದ್ವಿ ಅಂತ ಜನ ಹೊಟ್ಟೆ ಬಗೆದು ನೋಡ್ತಾರಾ? ಆಹಾರ ಅನ್ನೋದು ಅವರವರ ಹೊಟ್ಟೆಪಾಡು, ಕಟ್ಟುಪಾಡು...’</p>.<p>‘ಬೇರೆಯವರ ಆಹಾರ ಪದ್ಧತಿಯನ್ನ ಆಡಿಕೊಳ್ಳೋದು ಕೆಲವರಿಗೆ ನಾಲಿಗೆ ಚಟವಾಗಿದೆ’ ಸುಮಿಗೆ ಬೇಸರ.</p>.<p>‘ಹೌದಕ್ಕಾ, ಸಾಮಾಜಿಕ ಜಾಲತಾಣದ ಜನ ಅಂತಹವರ ಜನ್ಮ ಜಾಲಾಡಿಸಿ ಮಾನ<br />ಕಳೆಯುತ್ತಿರೋದ್ನ ನಾನೂ ನೋಡಿದ್ದೀನಿ’ ನಕ್ಕಳು ತಾಯಮ್ಮ.</p>.<p>‘ನಾವು ಸಮಾಜಕ್ಕೆ ಅಂಜಿದರೆ ಸಾಲದು, ಸಾಮಾಜಿಕ ಜಾಲತಾಣಕ್ಕೆ ಸಿಗದಂತೆ ನಾಲಿಗೆಯನ್ನ ನಿಯಂತ್ರಿಸಿಕೊಂಡು ಮರ್ಯಾದೆಯಿಂದ ಬಾಳೋದನ್ನು ಕಲೀಬೇಕು...’ ಎಂದು ಸುಮಿ ತರಕಾರಿ ದುಡ್ಡು ಕೊಟ್ಟು ತಾಯಮ್ಮನಿಗೆ ಮಂಕರಿ ಹೊರಿಸಿದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
