<p>ಬೆಕ್ಕಣ್ಣ ಸುದ್ದಿ ಓದುತ್ತ ಮುಸಿಮುಸಿ ನಗುತ್ತಿತ್ತು.</p><p>‘ನೀ ಹಿಂಗೆ ನಗೋ ಅಂಥದ್ದು ಏನೈತಲೇ ಅದ್ರಾಗೆ?’ ಎಂದೆ ಕುತೂಹಲದಿಂದ.</p><p>‘ಒಂದಲ್ಲ, ಎರಡು ಸುದ್ದಿ ಅದಾವು. ಮೊದಲ್ನೇದ್ದು… ಯಾರೋ ಡಾಕ್ಟರು ನಾಲ್ಕು ವರ್ಷದ ಮಗುವಿನ ಕೈ ಆಪರೇಷನ್ ಮಾಡೋದ್ರ ಬದಲಿಗೆ ನಾಲಿಗೆ ಆಪರೇಷನ್ ಮಾಡಿದ್ರಂತೆ’ ಬೆಕ್ಕಣ್ಣ ನಗುತ್ತಲೇ ಹೇಳಿತು.</p><p>‘ಕೈ ಬದಲಿಗೆ ನಾಲಿಗಿ ಆಪರೇಷನ್ ಮಾಡ್ತಾರ<br>ಅಂದ್ರೆ ಎಷ್ಟ್ ಗಂಭೀರ ವಿಷಯ… ನಗೂದು ಬಿಡಲೇ. ಆ ಡಾಕ್ಟ್ರು ಎಲ್ಲ ಸರಿಯಾಗಿದ್ದ ನಾಲಿಗೆಗೆ<br>ಅದೇನು ಆಪರೇಷನ್ ಮಾಡಿದ್ರು ಅಂತ! ಆಪ<br>ರೇಷನ್ ಮಾಡೂಮುಂದ ಎದಕ್ಕ ಮಾಡಾಕ<br>ಹತ್ತೀನಿ ಅಂತ ಜರಾ ಗ್ಯಾನ ಬ್ಯಾಡೇನು?’</p><p>‘ಅದೇ ನನಗೂ ವಿಚಿತ್ರ ಎನ್ನಿಸತೈತಿ. ಖರೇ<br>ಅಂದ್ರೆ ನಾಲಿಗೆ ಆಪರೇಷನ್ ಮಾಡಬೇಕಾಗಿದ್ದುದು ಆ ಮಗುವಿಗಲ್ಲ… ನಮ್ಮ ರಾಜಕೀಯ ನಾಯಕರಿಗೆ! ಮಗುವಿನ ನಾಲಿಗೆ ಆಪರೇಷನ್ ಮಾಡಿ ಅನುಭವ ತಗಂಡ್ಯಲ್ಲ, ಈಗ<br>ರಾಜಕಾರಣಿಗಳ ನಾಲಿಗೆ ಆಪರೇಷನ್ ಮಾಡಪಾ ಅಂತ ಡಾಕ್ಟರಿಗೆ ಹೇಳಬಕು’ ಬೆಕ್ಕಣ್ಣ ಮತ್ತೆ ಮುಸಿಮುಸಿ ನಕ್ಕಿತು.</p><p>‘ಜೋರಾಗಿ ಹೇಳಬ್ಯಾಡಲೇ. ಮತ್ತ ನಿನ್ನ, ನನ್ನ ಕೂಡೇ ಜೈಲಿಗೆ ಹಾಕತಾರೆ. ರಾಜಕಾರಣಿಗಳಿಗೆ ನಾಲಿಗೆಯೇ ಅಸ್ತ್ರ, ನಾಲಿಗೆಯೇ ಶಸ್ತ್ರ… ಮನಸ್ಸಿಗೆ ಬಂದಂಗೆ ಝಳಪಿಸೂದು ಅವರ ಹಕ್ಕು ಅಂದ್ಕೊಂಡಾರೆ. ಸರಿ, ಇನ್ನೊಂದು ಸುದ್ದಿ ಏನು’ ಕೇಳಿದೆ.</p><p>‘ನಮ್ ನಂದಿನಿಯವರು ಟಿ-20ಗೆ ಸ್ಕಾಟ್ಲೆಂಡ್, ಐರ್ಲೆಂಡ್ ತಂಡಕ್ಕೆ ಪ್ರಾಯೋಜಕತ್ವ ವಹಿಸ್ಯಾರೆ’.</p><p>‘ಇದು ಖುಷಿ ಸುದ್ದಿ ಕಣಲೇ! ನಂದಿನಿ ಲೋಗೊ ಇರೋ ಜೆರ್ಸಿ ಹಾಕ್ಕಂಡು ಆ ತಂಡಗಳು ಆಡತಾವೆ, ನಮ್ ನಂದಿನಿ ಬ್ರ್ಯಾಂಡ್ ಇಡೀ ವಿಶ್ವಕ್ಕೆ ತಿಳಿತೈತಿ’.</p><p>‘ಮದ್ಲು ನಮ್ಮ ಹೈನುಗಾರರಿಗೆ ಛಲೋ ಸವಲತ್ತು ಕೊಟ್ಟಮೇಲೆ ಇವೆಲ್ಲ ಮಾಡಬೇಕಪ್ಪ. ಸ್ಪಾನ್ಸರ್ ಮಾಡೋದೇ ಇದ್ರೆ ನಮ್ ದೇಶದ ಆಟಗಾರರಿಗೆ ಕೊಡಬೌದಿತ್ತು… ಮನೆ ಬೆಕ್ಕಿಗೆ ಹಾಲು ಹಾಕಕ್ಕೆ ಅಳತೀರಿ, ವಿದೇಶಿ ಬೆಕ್ಕುಗಳಿಗೆ ಬೆಣ್ಣೆಯನ್ನೇ ತಿನ್ನಿಸ್ತೀರಿ’ ಎಂದು ಬೆಕ್ಕಣ್ಣ ನನ್ನ ಮೂತಿಗೆ ತಿವಿಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ಸುದ್ದಿ ಓದುತ್ತ ಮುಸಿಮುಸಿ ನಗುತ್ತಿತ್ತು.</p><p>‘ನೀ ಹಿಂಗೆ ನಗೋ ಅಂಥದ್ದು ಏನೈತಲೇ ಅದ್ರಾಗೆ?’ ಎಂದೆ ಕುತೂಹಲದಿಂದ.</p><p>‘ಒಂದಲ್ಲ, ಎರಡು ಸುದ್ದಿ ಅದಾವು. ಮೊದಲ್ನೇದ್ದು… ಯಾರೋ ಡಾಕ್ಟರು ನಾಲ್ಕು ವರ್ಷದ ಮಗುವಿನ ಕೈ ಆಪರೇಷನ್ ಮಾಡೋದ್ರ ಬದಲಿಗೆ ನಾಲಿಗೆ ಆಪರೇಷನ್ ಮಾಡಿದ್ರಂತೆ’ ಬೆಕ್ಕಣ್ಣ ನಗುತ್ತಲೇ ಹೇಳಿತು.</p><p>‘ಕೈ ಬದಲಿಗೆ ನಾಲಿಗಿ ಆಪರೇಷನ್ ಮಾಡ್ತಾರ<br>ಅಂದ್ರೆ ಎಷ್ಟ್ ಗಂಭೀರ ವಿಷಯ… ನಗೂದು ಬಿಡಲೇ. ಆ ಡಾಕ್ಟ್ರು ಎಲ್ಲ ಸರಿಯಾಗಿದ್ದ ನಾಲಿಗೆಗೆ<br>ಅದೇನು ಆಪರೇಷನ್ ಮಾಡಿದ್ರು ಅಂತ! ಆಪ<br>ರೇಷನ್ ಮಾಡೂಮುಂದ ಎದಕ್ಕ ಮಾಡಾಕ<br>ಹತ್ತೀನಿ ಅಂತ ಜರಾ ಗ್ಯಾನ ಬ್ಯಾಡೇನು?’</p><p>‘ಅದೇ ನನಗೂ ವಿಚಿತ್ರ ಎನ್ನಿಸತೈತಿ. ಖರೇ<br>ಅಂದ್ರೆ ನಾಲಿಗೆ ಆಪರೇಷನ್ ಮಾಡಬೇಕಾಗಿದ್ದುದು ಆ ಮಗುವಿಗಲ್ಲ… ನಮ್ಮ ರಾಜಕೀಯ ನಾಯಕರಿಗೆ! ಮಗುವಿನ ನಾಲಿಗೆ ಆಪರೇಷನ್ ಮಾಡಿ ಅನುಭವ ತಗಂಡ್ಯಲ್ಲ, ಈಗ<br>ರಾಜಕಾರಣಿಗಳ ನಾಲಿಗೆ ಆಪರೇಷನ್ ಮಾಡಪಾ ಅಂತ ಡಾಕ್ಟರಿಗೆ ಹೇಳಬಕು’ ಬೆಕ್ಕಣ್ಣ ಮತ್ತೆ ಮುಸಿಮುಸಿ ನಕ್ಕಿತು.</p><p>‘ಜೋರಾಗಿ ಹೇಳಬ್ಯಾಡಲೇ. ಮತ್ತ ನಿನ್ನ, ನನ್ನ ಕೂಡೇ ಜೈಲಿಗೆ ಹಾಕತಾರೆ. ರಾಜಕಾರಣಿಗಳಿಗೆ ನಾಲಿಗೆಯೇ ಅಸ್ತ್ರ, ನಾಲಿಗೆಯೇ ಶಸ್ತ್ರ… ಮನಸ್ಸಿಗೆ ಬಂದಂಗೆ ಝಳಪಿಸೂದು ಅವರ ಹಕ್ಕು ಅಂದ್ಕೊಂಡಾರೆ. ಸರಿ, ಇನ್ನೊಂದು ಸುದ್ದಿ ಏನು’ ಕೇಳಿದೆ.</p><p>‘ನಮ್ ನಂದಿನಿಯವರು ಟಿ-20ಗೆ ಸ್ಕಾಟ್ಲೆಂಡ್, ಐರ್ಲೆಂಡ್ ತಂಡಕ್ಕೆ ಪ್ರಾಯೋಜಕತ್ವ ವಹಿಸ್ಯಾರೆ’.</p><p>‘ಇದು ಖುಷಿ ಸುದ್ದಿ ಕಣಲೇ! ನಂದಿನಿ ಲೋಗೊ ಇರೋ ಜೆರ್ಸಿ ಹಾಕ್ಕಂಡು ಆ ತಂಡಗಳು ಆಡತಾವೆ, ನಮ್ ನಂದಿನಿ ಬ್ರ್ಯಾಂಡ್ ಇಡೀ ವಿಶ್ವಕ್ಕೆ ತಿಳಿತೈತಿ’.</p><p>‘ಮದ್ಲು ನಮ್ಮ ಹೈನುಗಾರರಿಗೆ ಛಲೋ ಸವಲತ್ತು ಕೊಟ್ಟಮೇಲೆ ಇವೆಲ್ಲ ಮಾಡಬೇಕಪ್ಪ. ಸ್ಪಾನ್ಸರ್ ಮಾಡೋದೇ ಇದ್ರೆ ನಮ್ ದೇಶದ ಆಟಗಾರರಿಗೆ ಕೊಡಬೌದಿತ್ತು… ಮನೆ ಬೆಕ್ಕಿಗೆ ಹಾಲು ಹಾಕಕ್ಕೆ ಅಳತೀರಿ, ವಿದೇಶಿ ಬೆಕ್ಕುಗಳಿಗೆ ಬೆಣ್ಣೆಯನ್ನೇ ತಿನ್ನಿಸ್ತೀರಿ’ ಎಂದು ಬೆಕ್ಕಣ್ಣ ನನ್ನ ಮೂತಿಗೆ ತಿವಿಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
