<p>‘ಮೇಲ್ಮನೆ ಅಷ್ಟೊಂದು ಎತ್ತರ ಇರುತ್ತೇನ್ರೀ, ಹಳ್ಳಿ ಹಕ್ಕಿ ವಿಶ್ವಣ್ಣ ಹತ್ತಲಾಗದಷ್ಟು?’ ಸುಮಿ ಕೇಳಿದಳು.</p>.<p>‘ಏನಿಲ್ಲ, ಹತ್ತಲು ಏಣಿ, ಮೆಟ್ಟಿಲು ಇರುತ್ತವೆ. ವಿಶ್ವಣ್ಣ ಹತ್ತುವಾಗ ವಿರೋಧ ಪಕ್ಷದ ನಾಯಕರು ಅವರ ಕಾಲು ಎಳೆದರಂತೆ’ ಅಂದ ಶಂಕ್ರಿ.</p>.<p>‘ವಿಪಕ್ಷದವರು ಇರೋದೇ ಕಾಲು ಎಳೆಯಲು ಅಂತ ವಿಶ್ವಣ್ಣನಿಗೆ ಗೊತ್ತಿರಲಿಲ್ಲವಂತಾ?’</p>.<p>‘ಗೊತ್ತಿತ್ತಂತೆ, ವಿಪಕ್ಷದವರು ಕಾಲು ಎಳೆದರೂ ಸ್ವಪಕ್ಷದವರು ಕೈ ಹಿಡಿದು ಎತ್ತುತ್ತಾರೆ ಅಂತ ನಂಬಿಕೊಂಡಿದ್ದರು, ಯಾರೂ ಕೈ ಹಿಡಿಯಲಿಲ್ಲವಂತೆ’.</p>.<p>‘ಪಾಪ! ಅವರಿಗೆ ಮನೆ ಇಲ್ಲದಂತಾಯ್ತಲ್ಲ... ಮೇಲ್ಮನೆ ಅಲ್ಲದಿದ್ದರೂ ಕೆಳಮನೆ, ನಡುಮನೆಯ ವ್ಯವಸ್ಥೆನಾದ್ರೂ ಮಾಡಬೇಕೂರೀ’ ಸುಮಿಗೆ ಸಂಕಟವಾಯ್ತು.</p>.<p>‘ಮಾಡ್ತೀವಿ ಅಂತ ಮಾತು ಕೊಟ್ಟಿದ್ದಾರಂತೆ, ಕೊಟ್ಟ ಮಾತನ್ನು ಸಿಎಂ ತಪ್ಪುವುದಿಲ್ಲವಂತೆ’ ಅಂದ ಶಂಕ್ರಿ.</p>.<p>‘ಮಹಿಳೆಯರಿಗೆ ಸ್ಥಾನಮಾನ ಕೊಡ್ತೀವಿ ಅಂತ ಭಾಷಣ ಮಾಡುವ ನಾಯಕರು, ಅಧಿಕಾರ ಕೊಡುವ ವಿಷಯದಲ್ಲಿ ಮಹಿಳೆಯರನ್ನು ಕಡೆಗಣಿಸುವುದೂ ಮಾತಿಗೆ ತಪ್ಪಿದಂತೆ ಅಲ್ಲವೇನ್ರೀ?’</p>.<p>‘ಹೌದೌದು, ಮಾತಿಗೆ ತಪ್ಪುವುದು ದೊಡ್ಡ ತಪ್ಪು’.</p>.<p>‘ಈ ಸಾರಿ ಎಲ್ಲ ಪಕ್ಷಗಳೂ ಮೇಲ್ಮನೆ ಹತ್ತಲು ಮೇಲ್ಗಳನ್ನೇ ಆಯ್ಕೆ ಮಾಡಿ ಫೀಮೇಲ್ಗಳನ್ನು ಕೈಬಿಟ್ಟಿದ್ದಾರೆ’ ಸುಮಿಗೆ ಬೇಸರ.</p>.<p>‘ಮೇಲ್ಮನೆಗೆ ಅನುಭವಿಗಳು ಬೇಕು ಅಂತ ಮೇಲ್ಗಳನ್ನು ಆಯ್ಕೆ ಮಾಡಿದ್ದಾರಂತೆ’.</p>.<p>‘ಫೀಮೇಲ್ಗಳಿಗೆ ಅನುಭವ ಇಲ್ಲ ಅಂತನಾ?’ ಸುಮಿಗೆ ಸಿಟ್ಟು ಬಂತು.</p>.<p>‘ನನಗೇನೋ ಹಾಗೇ ಅನಿಸುತ್ತದೆ. ಸರ್ಕಾರ ಕೆಡವಿದ ಅನುಭವ, ಪ್ರಭಾವ ಫೀಮೇಲ್ಗಳಿಗೆ ಇದ್ದಂತಿಲ್ಲ...’</p>.<p>‘ಅಂದ್ರೆ, ಸರ್ಕಾರವನ್ನು ಬುಡಮೇಲು ಮಾಡುವಷ್ಟು ಸಾಮರ್ಥ್ಯ ಬೆಳೆಸಿಕೊಂಡರೆ ಫೀಮೇಲ್ಗಳಿಗೂ ಅಧಿಕಾರ ಸಿಗುತ್ತೆ ಅಂತನೇನ್ರೀ...?!’ ಟಿ.ವಿ ಆಫ್ ಮಾಡಿ ರಿಮೋಟ್ ಎಸೆದುಹೋದಳು ಸುಮಿ.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>‘ಮೇಲ್ಮನೆ ಅಷ್ಟೊಂದು ಎತ್ತರ ಇರುತ್ತೇನ್ರೀ, ಹಳ್ಳಿ ಹಕ್ಕಿ ವಿಶ್ವಣ್ಣ ಹತ್ತಲಾಗದಷ್ಟು?’ ಸುಮಿ ಕೇಳಿದಳು.</p>.<p>‘ಏನಿಲ್ಲ, ಹತ್ತಲು ಏಣಿ, ಮೆಟ್ಟಿಲು ಇರುತ್ತವೆ. ವಿಶ್ವಣ್ಣ ಹತ್ತುವಾಗ ವಿರೋಧ ಪಕ್ಷದ ನಾಯಕರು ಅವರ ಕಾಲು ಎಳೆದರಂತೆ’ ಅಂದ ಶಂಕ್ರಿ.</p>.<p>‘ವಿಪಕ್ಷದವರು ಇರೋದೇ ಕಾಲು ಎಳೆಯಲು ಅಂತ ವಿಶ್ವಣ್ಣನಿಗೆ ಗೊತ್ತಿರಲಿಲ್ಲವಂತಾ?’</p>.<p>‘ಗೊತ್ತಿತ್ತಂತೆ, ವಿಪಕ್ಷದವರು ಕಾಲು ಎಳೆದರೂ ಸ್ವಪಕ್ಷದವರು ಕೈ ಹಿಡಿದು ಎತ್ತುತ್ತಾರೆ ಅಂತ ನಂಬಿಕೊಂಡಿದ್ದರು, ಯಾರೂ ಕೈ ಹಿಡಿಯಲಿಲ್ಲವಂತೆ’.</p>.<p>‘ಪಾಪ! ಅವರಿಗೆ ಮನೆ ಇಲ್ಲದಂತಾಯ್ತಲ್ಲ... ಮೇಲ್ಮನೆ ಅಲ್ಲದಿದ್ದರೂ ಕೆಳಮನೆ, ನಡುಮನೆಯ ವ್ಯವಸ್ಥೆನಾದ್ರೂ ಮಾಡಬೇಕೂರೀ’ ಸುಮಿಗೆ ಸಂಕಟವಾಯ್ತು.</p>.<p>‘ಮಾಡ್ತೀವಿ ಅಂತ ಮಾತು ಕೊಟ್ಟಿದ್ದಾರಂತೆ, ಕೊಟ್ಟ ಮಾತನ್ನು ಸಿಎಂ ತಪ್ಪುವುದಿಲ್ಲವಂತೆ’ ಅಂದ ಶಂಕ್ರಿ.</p>.<p>‘ಮಹಿಳೆಯರಿಗೆ ಸ್ಥಾನಮಾನ ಕೊಡ್ತೀವಿ ಅಂತ ಭಾಷಣ ಮಾಡುವ ನಾಯಕರು, ಅಧಿಕಾರ ಕೊಡುವ ವಿಷಯದಲ್ಲಿ ಮಹಿಳೆಯರನ್ನು ಕಡೆಗಣಿಸುವುದೂ ಮಾತಿಗೆ ತಪ್ಪಿದಂತೆ ಅಲ್ಲವೇನ್ರೀ?’</p>.<p>‘ಹೌದೌದು, ಮಾತಿಗೆ ತಪ್ಪುವುದು ದೊಡ್ಡ ತಪ್ಪು’.</p>.<p>‘ಈ ಸಾರಿ ಎಲ್ಲ ಪಕ್ಷಗಳೂ ಮೇಲ್ಮನೆ ಹತ್ತಲು ಮೇಲ್ಗಳನ್ನೇ ಆಯ್ಕೆ ಮಾಡಿ ಫೀಮೇಲ್ಗಳನ್ನು ಕೈಬಿಟ್ಟಿದ್ದಾರೆ’ ಸುಮಿಗೆ ಬೇಸರ.</p>.<p>‘ಮೇಲ್ಮನೆಗೆ ಅನುಭವಿಗಳು ಬೇಕು ಅಂತ ಮೇಲ್ಗಳನ್ನು ಆಯ್ಕೆ ಮಾಡಿದ್ದಾರಂತೆ’.</p>.<p>‘ಫೀಮೇಲ್ಗಳಿಗೆ ಅನುಭವ ಇಲ್ಲ ಅಂತನಾ?’ ಸುಮಿಗೆ ಸಿಟ್ಟು ಬಂತು.</p>.<p>‘ನನಗೇನೋ ಹಾಗೇ ಅನಿಸುತ್ತದೆ. ಸರ್ಕಾರ ಕೆಡವಿದ ಅನುಭವ, ಪ್ರಭಾವ ಫೀಮೇಲ್ಗಳಿಗೆ ಇದ್ದಂತಿಲ್ಲ...’</p>.<p>‘ಅಂದ್ರೆ, ಸರ್ಕಾರವನ್ನು ಬುಡಮೇಲು ಮಾಡುವಷ್ಟು ಸಾಮರ್ಥ್ಯ ಬೆಳೆಸಿಕೊಂಡರೆ ಫೀಮೇಲ್ಗಳಿಗೂ ಅಧಿಕಾರ ಸಿಗುತ್ತೆ ಅಂತನೇನ್ರೀ...?!’ ಟಿ.ವಿ ಆಫ್ ಮಾಡಿ ರಿಮೋಟ್ ಎಸೆದುಹೋದಳು ಸುಮಿ.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>