‘ಲೇ ಅದು ಪಿಕಿಪೀಡಿಯ ಅಲ್ಲ, ವಿಕಿಪೀಡಿಯ...’ ದುಬ್ಬೀರ ತಿದ್ದಿದ.
‘ಎಂಥದೋ ಒಂದು ಪೀಡಿಯ. ಹೋಗ್ಲಿ, ತೆಪರ ಅಂದ್ರೆ ಪರ್ಷಿಯನ್ ಭಾಷೇಲಿ ಏನರ್ಥ ಹೇಳಲೆ’ ಗುಡ್ಡೆ ಪಟ್ಟು ಬಿಡಲಿಲ್ಲ.
‘ತೆಪರ ಅಂದ್ರೆ ಕನ್ನಡದಲ್ಲಿ ದಡ್ಡ ಅಂತ ಅರ್ಥ. ಈ ಪರ್ಷಿಯನ್ನು, ರಷಿಯನ್ನು ನಮಗೇನ್ ಗೊತ್ತಲೆ?’ ಕೊಟ್ರೇಶಿ ಆಕ್ಷೇಪಿಸಿದ.
‘ಲೇ ಗುಡ್ಡೆ, ಎಲ್ಲದಕ್ಕೂ ಅರ್ಥ ಹುಡುಕಬಾರ್ದು. ಈಗ ಫಾರಿನ್ನಲ್ಲಿ ಬಟ್ಲರು ಹಿಟ್ಲರು, ಟೇಲರು ಮಿಲ್ಲರು, ನಟ್ಟು ಬೋಲ್ಟು ಅಂತೆಲ್ಲ ಹೆಸರಿಟ್ಕಂಡಿರ್ತಾರಪ, ಅದಕ್ಕೆಲ್ಲ ಏನರ್ಥ? ಅರ್ಥ ಮುಖ್ಯ ಅಲ್ಲಲೆ, ಆಕೃತಿ ಮುಖ್ಯ’ ದುಬ್ಬೀರ ಸಮಾಧಾನ ಮಾಡಿದ.