‘ಕೇಂದ್ರದಿಂದ ಒಕ್ಕೂಟಕ್ಕೆ ಧಕ್ಕೆ’

ಅಖಿಲ ಭಾರತ ಕನ್ನಡ ಸಮ್ಮೇಳನದಲ್ಲಿ ಅವರು ಮಾತನಾಡಿದರು. ಬ್ಯಾಂಕ್, ರೈಲ್ವೆ, ಅಂಚೆ ಕಚೇರಿ ಮುಂತಾದೆಡೆ ನೇಮಕಾತಿ ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಇಂಗ್ಲಿಷ್‌ ಹಾಗೂ ಹಿಂದಿಯಲ್ಲಿ ಬರೆಯಲು ಮಾತ್ರ ಅವಕಾಶ ನೀಡಲಾಗುತ್ತಿದೆ. ಈ
ಮೂಲಕ ಹಿಂದಿ ಹೇರಿಕೆಯ ಅವೈಜ್ಞಾನಿಕ ನಡೆ ಕಂಡುಬರುತ್ತಿದೆ ಎಂದು ದೂರಿದರು.

ರಾಜ್ಯವು ಬ್ಯಾಂಕುಗಳ ತವರುಮನೆ. ಆದರೆ, 2015ರಲ್ಲಿ ರಾಜ್ಯದಲ್ಲಿ ನಡೆದ ನೇಮಕಾತಿಯಲ್ಲಿ 7,000 ಹುದ್ದೆಗಳಿಗೆ ಕೇವಲ 380 ಮಂದಿ ಕನ್ನಡಿಗರು ಆಯ್ಕೆಯಾಗಿದ್ದಾರೆ. 2017ರಲ್ಲಿ 9,000 ಹುದ್ದೆಗಳಲ್ಲಿ 440 ಮಂದಿಮಾತ್ರ ಆಯ್ಕೆಯಾಗಿದ್ದಾರೆ. ನಮ್ಮಲ್ಲಿನ ಬ್ಯಾಂಕುಗಳಲ್ಲಿ ಕೆಲಸ ಮಾಡುವ ಅವಕಾಶ ನಮ್ಮವರಿಗೇ ಸಿಗುತ್ತಿಲ್ಲ ಎಂದು ಅವರು ವಿಷಾದಿಸಿದರು.