50 ವರ್ಷಗಳ ಹಿಂದೆ: ಭಾನುವಾರ, ಜನವರಿ 14, 1973

ಮೈಸೂರು ವಿಶ್ವವಿದ್ಯಾನಿಲಯದ ಐವತ್ತನೇ ಪದವೀದಾನ ಸಮಾರಂಭದಲ್ಲಿ ದೀಕ್ಷಾಂತ ಭಾಷಣ ಮಾಡಿದ ಹಸನ್‌ ಅವರು, ನಿಜವಾದ ಉನ್ನತ ಶಿಕ್ಷಣ ಎಲ್ಲ ರೀತಿಯ ಸಂಕುಚಿತಗಳನ್ನು ಬಹಿಷ್ಕರಿಸಿ ಉದಾತ್ತ ಬೌದ್ಧಿಕ ಬೆಳವಣಿಗೆಗೆ ಸಹಕಾರಿಯಾಗುವುದೇ ಅಲ್ಲದೆ ನಮ್ಮ ರಾಷ್ಟ್ರೀಯ ಉದ್ದೇಶವಾದ ಜಾತ್ಯಾತೀತತೆ, ಪ್ರಜಾಸತ್ತೆ ಮತ್ತು ಸಮಾಜವಾದಿ ಸಮಾಜ ರಚನೆಗೆ ನೆರವಾಗುವುದೆಂದು ಆಶಿಸಿದರು.

ರಾಜಕಾರಣಿಗಳಿಗೂ ಆಡಳಿತ ಬಗ್ಗೆ ತರಪೇತಿ ಅಗತ್ಯ
ಮೈಸೂರು, ಜ. 13– ಆಡಳಿತ ನಿರ್ವಹಣೆಯಲ್ಲಿ ಅಧಿಕಾರಿಗಳಂತೆ ಸಮಪಾಲುದಾರರಾದ ರಾಜಕಾರಣಿಗಳಿಗೂ ಆಡಳಿತದ ಬಗ್ಗೆ ತರಪೇತಿ ನೀಡಬೇಕೆಂದು ಮುಖ್ಯಮಂತ್ರಿ ಡಿ. ದೇವರಾಜ ಅರಸು ಅವರು ಇಂದು ಇಲ್ಲಿ ಅಪೇಕ್ಷಿಸಿದರು.