50 ವರ್ಷಗಳ ಹಿಂದೆ: ಶುಕ್ರವಾರ, ಮೇ 26, 1972

ಶರಾವತಿ ಬಳಿ ಅಣುವಿದ್ಯುತ್‌ಕೇಂದ್ರ ಸಂಭವ
ಬೆಂಗಳೂರು, ಮೇ 25– ಅಣುಶಕ್ತಿ ಆಯೋಗವು ರಾಜ್ಯದಲ್ಲಿ ಅಣು ವಿದ್ಯುತ್‌ ಉತ್ಪಾದನಾ ಘಟಕವೊಂದನ್ನು ಸ್ಥಾಪಿಸುವ ನಿರೀಕ್ಷೆ ಇದೆ ಎಂದು ಲೋಕೊಪಯೋಗಿ ಸಚಿವ ಶ್ರೀ ಎಚ್.ಎಂ. ಚೆನ್ನಬಸಪ್ಪ ಅವರು ಇಂದು ಪತ್ರಿಕಾ ಪ್ರತಿನಿಧಿಗೆ ತಿಳಿಸಿದರು.

ಘಟಕವನ್ನು ಸ್ಥಾಪಿಸಲು ಶರಾವತಿ ಪ್ರದೇಶ ಅತ್ಯುತ್ತಮವಾಗಿದೆ ಎಂದು ಸಚಿವರು ಹೇಳಿದರು.

ಆಯೋಗದ ಅಧಿಕಾರಿಗಳು ಅನೇಕ ಪ್ರದೇಶಗಳಿಗೆ ಭೇಟಿ ಇತ್ತಿದ್ದರೆಂದೂ, ಘಟಕವನ್ನು ಸ್ಥಾಪಿಸಲು ಬೇಕಾಗುವ ಎಲ್ಲ ಸೌಲಭ್ಯಗಳು ಶರಾವತಿಯಲ್ಲಿವೆ ಎಂದೂ ನುಡಿದರು.