ರಾಜ್ಯದಲ್ಲಿ ಕೆಲವೆಡೆ ರೈತರು ಕಳೆ ಹಾಗೂ ಕೀಟನಾಶಕವಾಗಿ ಅತ್ಯಂತ ಅಪಾಯಕಾರಿ ಗ್ಲೈಕೊ ಫಾಸ್ಫೇಟ್ ಬಳಸುತ್ತಿ ರುವುದು ಆಘಾತಕಾರಿ. ಹೀಗೆ ತಿಳಿದೋ ತಿಳಿಯದೆಯೋ ಭೂಮಿಗೆ ವಿಷವುಣಿಸುತ್ತಿರುವ ಹಲವಾರು ರೈತರು ಈ ಮೂಲಕ ತಮ್ಮ ಮಕ್ಕಳಿಗೂ ತಾವು ನಿಧಾನವಾಗಿ ವಿಷ ಉಣಿಸುತ್ತಿದ್ದೇವೆ ಎಂಬುದನ್ನು ಅರಿಯಬೇಕಿದೆ. ಗೃಹ ಬಳಕೆ ವಸ್ತುಗಳನ್ನು ಖರೀದಿಸುವಾಗ ಹತ್ತಾರು ಬಾರಿ ಯೋಚಿಸಿ, ವಿಚಾರಿಸಿ, ಆ ವಸ್ತುಗಳು ದೀರ್ಘಾವಧಿ ಬಾಳಿಕೆ ಬರುತ್ತವೆ ಎಂಬುದನ್ನು ಖಾತರಿಪಡಿಸಿಕೊಂಡ ಮೇಲೆಯೇ ಖರೀದಿಸುವ ನಾವು, ನಮ್ಮ ಜೀವನಪೂರ್ತಿ ಬದುಕಲು ಆಸರೆ ಯಾದ ನಮ್ಮ ನೆಲ, ಜಲವನ್ನು ಈ ರೀತಿ ಹಾನಿಕಾರಕ ರಾಸಾಯನಿಕಗಳನ್ನು ಬಳಸಿ ಹಾಳು ಮಾಡುತ್ತಿರುವುದು ನಿಲ್ಲ ಬೇಕು. ಹಾನಿಕಾರಕ ರಾಸಾಯನಿಕ ಬಳಕೆಯ ನಿರ್ಬಂಧಕ್ಕೆ ಸರ್ಕಾರ ಕಠಿಣ ಕ್ರಮ ಕೈಗೊಳ್ಳಬೇಕು.
