ಎರಡನೆಯದಾಗಿ, ಕೇಂದ್ರದ ಸಾರ್ವಜನಿಕ ವೆಚ್ಚವು 2020-21ರಲ್ಲಿ ₹ 34.50 ಲಕ್ಷ ಕೋಟಿಯಿದ್ದುದು, 2021-22ರಲ್ಲಿ ₹ 34.83 ಲಕ್ಷ ಕೋಟಿಗೇರಿದೆ. ಇಲ್ಲಿನ ಏರಿಕೆ ಕೇವಲ ಶೇ 0.94. ಮೂರನೆಯದಾಗಿ, ತೆರಿಗೆ ಸಂಗ್ರಹವು 2020-21ರ ಬಜೆಟ್ ಅಂದಾಜು ₹ 16.35 ಲಕ್ಷ ಕೋಟಿಯಿತ್ತು. ಆದರೆ ವಾಸ್ತವವಾಗಿ ಸಂಗ್ರಹವಾಗಿರುವುದು ₹ 13.44 ಲಕ್ಷ ಕೋಟಿ. ಇಲ್ಲಿನ ಕುಸಿತ (-)ಶೇ 17.79. ಯಾವುದೇ ಆರ್ಥಿಕತೆಯಿರಲಿ ಸಂಪನ್ಮೂಲಕ್ಕೆ ಪ್ರಧಾನ ಮೂಲವೆಂದರೆ ತೆರಿಗೆ. ಆದರೆ 2021-22ರ ಬಜೆಟ್ಟಿನಲ್ಲಿ ಸಂಪನ್ಮೂಲಕ್ಕೆ ಅವಲಂಬಿಸಿರುವ ಎರಡು ಮೂಲಗಳೆಂದರೆ ಸಾಲ ಎತ್ತುವುದು ಮತ್ತು ಸಮಾಜದ ಆಸ್ತಿ ಸಂಪತ್ತನ್ನು ಮಾರಾಟ ಮಾಡುವುದು. ಇದು ಸಾರ್ವಜನಿಕ ಹಣಕಾಸು ನಿರ್ವಹಣೆ ಯಲ್ಲಿ ಅಶಿಸ್ತಿನ ಪರಾಕಾಷ್ಠೆ ಎಂದು ಹೇಳದೆ ವಿಧಿಯಿಲ್ಲ. ಈ ಹಿನ್ನೆಲೆಯಲ್ಲಿ 2021-22ರಲ್ಲಿ ಆರ್ಥಿಕ ಬೆಳವಣಿಗೆ
ಶೇ 11ರ ಗುರಿಯನ್ನು ಸಾಧಿಸಿಕೊಳ್ಳುವುದು ಸಾಧ್ಯವಿಲ್ಲ.