ಇಂದು ನಮ್ಮ ಯುವಜನರ ಪರಿಸ್ಥಿತಿಯೂ ಹೀಗೆಯೇ ಇದೆ. ಚಲನಚಿತ್ರ ಒಳಗೊಂಡಂತೆ ಬೇರೆ ಬೇರೆ ಪ್ರಭಾವ ಗಳಿಂದಾಗಿ ಅವರಿಗೆ ಹಿರಿಯರನ್ನು ಹೇಗೆ ಮಾತನಾಡಿಸಬೇಕು, ಹೇಗೆ ಗೌರವಿಸಬೇಕು ಎಂಬ ಪರಿಜ್ಞಾನವೇ ಇಲ್ಲದಂತಾಗಿದೆ. ಚಿಕ್ಕ ಹುಡುಗರು ಸಹ 60-80ರ ವಯಸ್ಸಿನ ಹಿರಿಯರನ್ನು ಏನಣ್ಣಾ, ಬಾರೋ, ಹೋಗೋ, ಕೂತ್ಕೊಳ್ಳೋ, ಸರಿಯೋ ಎಂದೆಲ್ಲ ಮಾತನಾಡುತ್ತಾರೆ. ಪೊಲೀಸ್ ಠಾಣೆಗಳಲ್ಲಿ ರಾಜಕಾರಣಿಗಳು ಮತ್ತು ಪ್ರಭಾವಿಗಳನ್ನು ಬಿಟ್ಟರೆ ಪೊಲೀಸರು ಸಾಮಾನ್ಯವಾಗಿ ಎಲ್ಲರನ್ನೂ ಏಕವಚನದಲ್ಲೇ ಮಾತನಾಡಿಸುತ್ತಾರೆ. ಎಲ್ಲರಿಗೂ ಎಲ್ಲರ ಪರವಾಗಿ ಕೇಳುವುದು ಒಂದೇ, ಭಾಷೆಯನ್ನು ಸುಧಾರಿಸಿಕೊಳ್ಳಿ, ಘನತೆಯನ್ನು ಕಾಯ್ದುಕೊಳ್ಳಿ.