ಮಂಗಳವಾರ, ಅಕ್ಟೋಬರ್ 27, 2020
24 °C

ವಾಚಕರ ವಾಣಿ: ಮತ್ತೆ ಪ್ರಕೃತಿಯ ಶೋಷಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೊರೊನಾ ಸೋಂಕು ತಡೆಗಟ್ಟುವ ಸಲುವಾಗಿ ಸರ್ಕಾರಿ ಕಚೇರಿಗಳಲ್ಲಿ ಪ್ಲಾಸ್ಟಿಕ್ ಬಳಸಿ ತಾತ್ಕಾಲಿಕ ಪಾರದರ್ಶಕ ಗೋಡೆಗಳನ್ನು ನಿರ್ಮಿಸಲಾಗುತ್ತಿದೆ. ಇದು ಪ್ರಕೃತಿಗೆ‌ ಮಾಡುವ ದೊಡ್ಡ ಗಾಯ. ಇಷ್ಟು ದಿನ ಪ್ರಕೃತಿ‌ಗೆ ನಾವು ಮಾಡಿದ್ದ ಅನ್ಯಾಯದಿಂದ ಈಗ ಈ ಸ್ಥಿತಿ ಅನುಭವಿಸುತ್ತಿದ್ದೇವೆ. ಈಗ ಮತ್ತೊಂದು ರೀತಿಯ ಗಾಯವನ್ನು ಮಾಡಲು ಹೊರಟಿರುವುದು ಆಘಾತಕಾರಿ ಬೆಳವಣಿಗೆ.

ಪ್ಲಾಸ್ಟಿಕ್ ಹಾಳೆಗಳು ಸೋಂಕಿನ‌ ಹನಿಗಳು‌ ತಾಕದಂತೆ ರಕ್ಷಣೆ ನೀಡುತ್ತವೆ ಎನ್ನಲಾಗುತ್ತದೆ. ಆದರೆ ಬಟ್ಟೆಯ ಮುಖಗವಸು ಸೋಂಕು ಹರಡುವಿಕೆಯನ್ನು ತಡೆಯಬಹುದಾದರೆ, ಬಟ್ಟೆಯ ಪರದೆಗಳನ್ನೇ ಬಳಸಬಹುದಲ್ಲವೇ? ಹಾಗೆಯೇ ನಾವು ವೈಯಕ್ತಿಕ‌ ಅಂತರವನ್ನು ಕಾಪಾಡಿಕೊಂಡರೆ ಅನವಶ್ಯಕವಾದ ಪ್ಲಾಸ್ಟಿಕ್ ಬಳಕೆಯನ್ನು ತಪ್ಪಿಸಬಹುದು ಮತ್ತು ತೆರಿಗೆ ಪಾವತಿದಾರರ ಹಣ ವೃಥಾ ವೆಚ್ಚವಾಗದಂತೆ ತಡೆಯಬಹುದು. ಆಸ್ಪತ್ರೆಗಳಲ್ಲಿ ಈಗಾಗಲೇ ರೋಗಿಗಳ ಚಿಕಿತ್ಸೆಗೆ, ಕೊರೊನಾ ವಾರಿಯರ್ಸ್ ರಕ್ಷಣೆಗೆಂದು ಟನ್‌ಗಟ್ಟಲೆ ಪ್ಲಾಸ್ಟಿಕ್ ಬಳಕೆ
ಯಾಗುತ್ತಿದೆ. ಅದನ್ನು ವಿಲೇ ಮಾಡುವುದೇ ದೊಡ್ಡ ಸವಾಲಾಗಿರುವಾಗ ಮತ್ತೆ ಅನವಶ್ಯಕವಾಗಿ ಪ್ಲಾಸ್ಟಿಕ್ ಬಳಕೆಗೆ ಮುಂದಾಗಿರುವುದು ದುರಂತ. ಪರಿಣತರು ಮತ್ತು ಸಂಬಂಧಪಟ್ಟವರು ಈ ಬಗ್ಗೆ ಯೋಚಿಸಿ, ಪ್ರಕೃತಿಯ ಮೇಲಿನ ಆಕ್ರಮಣವನ್ನು ತಡೆಯಬೇಕು.

–ಎಸ್.ರವಿ, ಮೈಸೂರು

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು