ವಿವಿಧ ರಾಜ್ಯ ಸರ್ಕಾರಗಳು ವಲಸೆ ಕಾರ್ಮಿಕರು ಮುಂತಾದವರಿಗೆ ಊಟದ ವ್ಯವಸ್ಥೆ ಮಾಡುತ್ತಿವೆಯಷ್ಟೆ. ಅದಕ್ಕಾಗಿ ಅವು ಪ್ರಾಯಶಃ ದೊಡ್ಡದೊಡ್ಡ ಅಡುಗೆ ಮನೆಗಳನ್ನು ಹುಟ್ಟುಹಾಕಬೇಕು; ಗುತ್ತಿಗೆದಾರರನ್ನು ಗೊತ್ತು ಮಾಡಿಕೊಳ್ಳಬೇಕು. ಅದಕ್ಕೆ ಬದಲಾಗಿ, ಈಗ ಸದ್ಯ ಲಾಕ್‍ಡೌನ್ ಆಣತಿಯಿಂದಾಗಿ ಮುಚ್ಚಿರುವ ಹೋಟೆಲುಗಳ ಪೈಕಿ ಆಯ್ದ ಕೆಲವು ಹೋಟೆಲುಗಳ ಮಾಲೀಕರ ಜೊತೆ ಮಾತನಾಡಿ, ಅಲ್ಲಿ ಈಗಾಗಲೇ ಇರುವ ಅಡುಗೆಮನೆ ಸೌಕರ್ಯ ಹಾಗೂ ಸಿಬ್ಬಂದಿಯ ಸೇವೆಯನ್ನು ಬಳಸಿಕೊಂಡು ಅಡುಗೆಯ ವ್ಯವಸ್ಥೆ ಮಾಡಬಹುದಲ್ಲವೇ?
