ಭಿನ್ನ ಬೆಲೆಯ ಲಸಿಕೆಗಳು

ಕೊರೊನಾ ತಡೆಗಟ್ಟುವ ಎರಡು ಲಸಿಕೆಗಳನ್ನು ಅಭಿವೃದ್ಧಿಪಡಿಸಿದ ಹೆಮ್ಮೆ ಭಾರತಕ್ಕಿದೆ. ಆದರೆ ಎರಡೂ ಲಸಿಕೆಗಳ ಬೆಲೆಯಲ್ಲಿ ಅಪಾರ ಅಂತರವಿದೆ. ಹಾಗೆಯೇ ಅವುಗಳ ಗುಣಮಟ್ಟದಲ್ಲೂ ಅಂತರ ಇದೆಯೇ ಎಂಬ ಭಾವನೆ ಜನರಲ್ಲಿ ಮೂಡುತ್ತಿದೆ.

ಕೋವಿಶೀಲ್ಡ್‌ ಎಂಬ ಲಸಿಕೆಯ ಬೆಲೆ ₹ 200 ಆದರೆ, ಅದೇ ಕೆಲಸ ಮಾಡುವ ಕೊವ್ಯಾಕ್ಸಿನ್ ಬೆಲೆ ₹ 295 ಇದೆ. ಬೆಂಗಳೂರಿಗೆ ಹೆಚ್ಚು ಬೆಲೆಯ ಕೊವ್ಯಾಕ್ಸಿನ್ ಹಾಗೂ ಬೆಳಗಾವಿಗೆ ಕಡಿಮೆ ಬೆಲೆಯ ಕೋವಿಶೀಲ್ಡ್‌ ಸರಬರಾಜು ಆಗುತ್ತಿದೆ. ಹೀಗೇಕೆ ಎಂಬುದನ್ನು ಸಂಬಂಧಪಟ್ಟವರು ದೃಢಪಡಿಸಬೇಕು. ಬೆಲೆಯಂತೆ ಗುಣಮಟ್ಟದಲ್ಲೂ ಹೆಚ್ಚು-ಕಡಿಮೆ ಇದೆಯೇ ಎಂಬುದನ್ನು ತಿಳಿಸಬೇಕು. ಎಲ್ಲವೂ ಸ್ಪಷ್ಟವಾಗಿದ್ದರೆ ಮಹಾಸಾಂಕ್ರಾಮಿಕವನ್ನು ತಡೆಗಟ್ಟಲು ಸುಲಭವಾಗುತ್ತದೆ.

- ಸುಭಾಸ ಯಾದವಾಡ, ವಿಜಯಪುರ