ಆರೋಗ್ಯ ಇಲಾಖೆಯು ತಂಬಾಕು ಮತ್ತು ಅದರ ಉತ್ಪನ್ನಗಳ ಸೇವನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ಸಾರ್ವಜನಿಕರಲ್ಲಿ ಆಂದೋಲನದ ರೀತಿ ಜಾಗೃತಿ ಮೂಡಿಸುತ್ತಿದೆ. ಹೀಗಿರುವಾಗ, ಚಲನಚಿತ್ರಗಳಲ್ಲಿ ಪುಂಖಾನುಪುಂಖವಾಗಿ ಸಿಗರೇಟು, ಚುಟ್ಟಾ ಎಳೆಯುತ್ತಾ ಹೊಗೆ ಬಿಡುವುದನ್ನು ನೋಡಿದರೆ, ಯುವಜನ ಹೆಚ್ಚಾಗಿ ಈ ವ್ಯಸನಗಳಿಗೆ ದಾಸರಾಗುತ್ತಿರುವುದರಲ್ಲಿ ಸಿನಿಮಾಗಳೂ ಪ್ರಮುಖ ಕಾರಣ ಎಂಬುದನ್ನು ಅಲ್ಲಗಳೆಯಲಾಗದು. ಸಿನಿಮಾ ನಿರ್ದೇಶಕರು ಮತ್ತು ಪಾತ್ರಧಾರಿಗಳು ಇನ್ನು ಮುಂದಾದರೂ ಕೇವಲ ಮನರಂಜನೆ ಹಾಗೂ ವಾಣಿಜ್ಯ ಲಾಭವನ್ನು ಮಾತ್ರ ನೋಡದೆ, ಧೂಮಪಾನವು ಯುವಜನರ ಮೇಲೆ ಬೀರಬಹುದಾದ ಪ್ರಭಾವದ ಬಗ್ಗೆಯೂ ಆಲೋಚಿಸಬೇಕು. ಚಲನಚಿತ್ರಗಳು ಸಹ್ಯವಾಗಿ ಮತ್ತು ಅರ್ಥಪೂರ್ಣವಾಗಿ ಇರುವಂತೆ ನೋಡಿಕೊಳ್ಳಬೇಕು.