ಈ ಪ್ರವೇಶ ಪರೀಕ್ಷೆಗಳನ್ನು ನಡೆಸುವ ಮೊದಲು ಆಯಾ ಕಾಲೇಜುಗಳೇ ತಿಂಗಳುಗಟ್ಟಲೆ ತರಬೇತಿ ನೀಡುತ್ತವೆ. ತರಬೇತಿಯನ್ನು ಬ್ರಿಜ್ ಕೋರ್ಸ್ ಹೆಸರಿನಲ್ಲಿ ನಡೆಸಿ ಸಾವಿರಗಟ್ಟಲೆ ಶುಲ್ಕ ವಸೂಲಿ ಮಾಡಿಯೂ ಅದೇ ಕಾಲೇಜಿನಲ್ಲಿ ಸೀಟು ಸಿಗುವ ಭರವಸೆ ಇರುವುದಿಲ್ಲ. ಈ ಎಲ್ಲ ಕಾರಣಗಳಿಂದ, ಪಿಯುಸಿ ಪ್ರಥಮ ವರ್ಷದ ಕೋಚಿಂಗ್ ಮತ್ತು ಪ್ರವೇಶ ಪರೀಕ್ಷೆ ನಡೆಸುವ ಪದವಿ ಪೂರ್ವ ಕಾಲೇಜುಗಳ ಕ್ರಮವನ್ನು ಸರ್ಕಾರವು ಶಿಕ್ಷಣ ಕಾಯ್ದೆಯ ಅನುಸಾರ ನಿಯಂತ್ರಿಸಬೇಕಾದ ತುರ್ತು ಅನಿವಾರ್ಯ ಇದೆ.
