ಸಂವಿಧಾನದ ಶ್ರೇಷ್ಠತೆ ಹಾಗೂ ಶೋಷಣೆ

ಭರವಸೆ ಯಾಕೆಂದರೆ, ಅವರ ಮೇಲಿನ ಆರೋಪಗಳು ಸಾಬೀತಾದರೆ ಇಬ್ಬರಿಗೂ ಜೀವಾವಧಿ ಶಿಕ್ಷೆ ವಿಧಿಸಲು ಅವಕಾಶವಿದೆ ಎನ್ನುವ ಕಾರಣಕ್ಕೆ. ಭಯ ಮತ್ತು ಆತಂಕಏಕೆಂದರೆ, ನಮ್ಮ ಶ್ರೇಷ್ಠ ಸಂವಿಧಾನದ ಶೋಷಣೆಯು ನಿರಂತರವಾಗಿ ನಡೆಯುತ್ತಲೇ ಬಂದಿದೆ. ಈ ಪ್ರಕರಣದಲ್ಲೂಹಾಗೆಯೇ ಆಗಬಹುದೇ ಎಂಬ ಕಾರಣಕ್ಕೆ.

ದೇಶದಲ್ಲಿ ಅನೇಕ ರಾಜಕಾರಣಿಗಳ ವಿರುದ್ಧ ಗುರುತರವಾದ ಆರೋಪಗಳಿದ್ದರೂ ಅವರೆಲ್ಲರೂ ಯಾವ ಅಳಕು, ಅಂಜಿಕೆಗಳಿಲ್ಲದೆ ರಾಜಾರೋಷವಾಗಿ ಓಡಾಡುತ್ತಿದ್ದಾರೆ. ತೀರ್ಪುಗಳು ಬೇಗ ಪ್ರಕಟವಾಗಿ, ಭ್ರಷ್ಟ ರಾಜಕಾರಣಿಗಳಲ್ಲಿ ಅರ್ಧದಷ್ಟು ಜನರಿಗಾದರೂ ಶಿಕ್ಷೆ ಆಗಿದ್ದಿದ್ದರೆ ನಮ್ಮ ರಾಜಕೀಯ ಸ್ಥಿತಿ ಈ ಮಟ್ಟಕ್ಕೆ ಕುಸಿಯುತ್ತಿರಲಿಲ್ಲ. ಆರೋಪಿ ರಾಜಕಾರಣಿಗಳೆಲ್ಲರೂ ಸಂವಿಧಾನದತ್ತವಾದ ಅಧಿಕಾರವನ್ನು ತಮ್ಮ ಸ್ವಾರ್ಥಕ್ಕೆ ಉಪಯೋಗಿಸಿಕೊಳ್ಳುತ್ತಿದ್ದಾರೆ ಎಂಬುದು ದುರದೃಷ್ಟಕರ ಸಂಗತಿ.

–ಸಿದ್ರಾಮಪ್ಪ ದಿನ್ನಿ, ಬೆಂಗಳೂರು