ಇಂದು ಆಡಂಬರದ ಜೀವನಶೈಲಿ ಅಳವಡಿಸಿಕೊಂಡಿರುವವರೇ ಹೆಚ್ಚಾಗಿದ್ದಾರೆ. ಅದರಲ್ಲೂ ಸೆಲೆಬ್ರಿಟಿ ಗಳೆಂದರೆ ಹೇಳತೀರದು; ಎಲ್ಲದರಲ್ಲೂ ವೈಭವ, ದುಂದುವೆಚ್ಚ. ಇವರ ನಡುವೆ ನಟ ಚೇತನ್ ಸರಳವಾಗಿ, ಉಪ ನೋಂದಣಾಧಿಕಾರಿ ಕಚೇರಿಯಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿರುವುದು ಆದರ್ಶ ಮತ್ತು ಅನುಕರಣೀಯ ನಡೆ.
ಒಬ್ಬ ನಟನಾಗಿ ಸಾರ್ವಜನಿಕ ಜೀವನದಲ್ಲಿ ಮಾತ್ರವಲ್ಲದೆ ವೈಯಕ್ತಿಕ ಬದುಕಿನಲ್ಲೂ ತಾವು ನಂಬಿದ ಸಿದ್ಧಾಂತಕ್ಕೆ ಅವರು ಬದ್ಧರಾಗಿರುವುದು ಅಭಿನಂದನೀಯ ಮತ್ತು ಅನುಕರಣೀಯ. ಸಂವಿಧಾನದ ಹೊತ್ತಗೆಯನ್ನು ಸಾಕ್ಷಿಯಾಗಿಟ್ಟು ದಾಂಪತ್ಯಕ್ಕೆ ಕಾಲಿರಿಸಿದ ಚೇತನ್, ಯುವಜನರಿಗೆ ಮಾದರಿ.