ಉಡುಗೆಯಿಂದ ಸಂಸ್ಕೃತಿಯ ಉಳಿವೇ?

ಕೊಡವ ಯುವಕನೊಬ್ಬ ಕೊಡವ ಸಾಂಪ್ರದಾಯಿಕ ಉಡುಗೆ ಧರಿಸಿ ಅಮೆರಿಕದಲ್ಲಿ ಸಲಿಂಗ ವಿವಾಹವಾಗಿದ್ದಕ್ಕೆ ಕೊಡವ ಸಮುದಾಯದಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿರುವುದನ್ನು ತಿಳಿದು (ಪ್ರ.ವಾ., ಅ. 9) ಬೇಸರವಾಯಿತು. ಇಲ್ಲಿ ಆಕ್ಷೇಪವಿರುವುದು ಸಲಿಂಗಿಗಳು ಅದನ್ನು ಧರಿಸಿದರೆಂಬ ಕಾರಣಕ್ಕೆ. ಅಂದರೆ ಅದು ಸಲಿಂಗಪ್ರೇಮ ಹಾಗೂ ಸಲಿಂಗಿಗಳ ವಿವಾಹಕ್ಕೆ ವ್ಯಕ್ತವಾದ ಆಕ್ಷೇಪವೇ ಆಗಿದೆ. ಸಾಮಾಜಿಕ ಜಾಲತಾಣಗಳಲ್ಲಂತೂ ಈ ಕುರಿತು ವಿರೋಧ, ವ್ಯಂಗ್ಯ, ಕುಹಕದ ಟೀಕೆಗಳನ್ನು ನೋಡುತ್ತಿದ್ದರೆ, ಎಂತಹ ಸಮಾಜದಲ್ಲಿ ನಾವಿದ್ದೇವೆ ಎನಿಸುತ್ತದೆ.