ಬುಧವಾರ, ಅಕ್ಟೋಬರ್ 21, 2020
21 °C

ಉಡುಗೆಯಿಂದ ಸಂಸ್ಕೃತಿಯ ಉಳಿವೇ?

ವಾಚಕರ ವಾಣಿ Updated:

ಅಕ್ಷರ ಗಾತ್ರ : | |

ಕೊಡವ ಯುವಕನೊಬ್ಬ ಕೊಡವ ಸಾಂಪ್ರದಾಯಿಕ ಉಡುಗೆ ಧರಿಸಿ ಅಮೆರಿಕದಲ್ಲಿ ಸಲಿಂಗ ವಿವಾಹವಾಗಿದ್ದಕ್ಕೆ ಕೊಡವ ಸಮುದಾಯದಿಂದ ತೀವ್ರ ಆಕ್ಷೇಪ ವ್ಯಕ್ತವಾಗಿರುವುದನ್ನು ತಿಳಿದು (ಪ್ರ.ವಾ., ಅ. 9) ಬೇಸರವಾಯಿತು. ಇಲ್ಲಿ ಆಕ್ಷೇಪವಿರುವುದು ಸಲಿಂಗಿಗಳು ಅದನ್ನು ಧರಿಸಿದರೆಂಬ ಕಾರಣಕ್ಕೆ. ಅಂದರೆ ಅದು ಸಲಿಂಗಪ್ರೇಮ ಹಾಗೂ ಸಲಿಂಗಿಗಳ ವಿವಾಹಕ್ಕೆ ವ್ಯಕ್ತವಾದ ಆಕ್ಷೇಪವೇ ಆಗಿದೆ. ಸಾಮಾಜಿಕ ಜಾಲತಾಣಗಳಲ್ಲಂತೂ ಈ ಕುರಿತು ವಿರೋಧ, ವ್ಯಂಗ್ಯ, ಕುಹಕದ ಟೀಕೆಗಳನ್ನು ನೋಡುತ್ತಿದ್ದರೆ, ಎಂತಹ ಸಮಾಜದಲ್ಲಿ ನಾವಿದ್ದೇವೆ ಎನಿಸುತ್ತದೆ.

ಯಾರು, ಯಾವ ಬಟ್ಟೆ ಧರಿಸುತ್ತಾರೆ ಎಂಬುದರ ಮೇಲೆ ಸಂಸ್ಕೃತಿಯ ಅಳಿವು, ಉಳಿವು ನಿರ್ಧಾರವಾಗುವುದೇ? ಅಷ್ಟಕ್ಕೂ ತಾವು ಏನನ್ನು ಧರಿಸಬೇಕು, ಯಾರನ್ನು ಪ್ರೀತಿಸಬೇಕು, ಮದುವೆಯಾಗಬೇಕು ಎಂಬುದನ್ನೆಲ್ಲ ಸ್ವತಃ ನಿರ್ಧರಿಸುವ ಹಕ್ಕು ಪ್ರತಿಯೊಬ್ಬರಿಗೂ ಇರುತ್ತದೆ. ಪ್ರೇಮಿಸುವುದು, ತನಗಿಷ್ಟವಾಗಿದ್ದನ್ನು ಧರಿಸುವುದನ್ನು ಅಕ್ಷಮ್ಯ ಎಂದು ಬಿಂಬಿಸಿ, ಅಂತಹವರನ್ನು ಯಾರೂ ಕ್ಷಮಿಸಬಾರದು ಎಂಬಂತಹ ಮಾತುಗಳನ್ನಾಡುವುದು ಸರಿಯಲ್ಲ.

– ಪ್ರದೀಪ ಟಿ.ಕೆ., ತಿಮ್ಮೇಗೌಡನದೊಡ್ಡಿ, ಕನಕಪುರ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು