ಮಾರುಹೋಗದಿರಿ ಯುವಕರೇ...

ಇತ್ತೀಚಿನ ದಿನಗಳಲ್ಲಿ ರಾಜಕೀಯ ವಿಷಯಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚಿಸುವುದು ಅಪಾಯಕಾರಿ ಮಟ್ಟ ತಲುಪುತ್ತಿದೆ. ಇಲ್ಲಿ ಹರಿಬಿಡುವ ವಿಪರೀತವೆನ್ನುವಷ್ಟು ರಾಜಕೀಯಪ್ರೇರಿತ ಸುದ್ದಿಗಳು ಜನರಲ್ಲಿ ವೈಷಮ್ಯ ಸೃಷ್ಟಿಸುವ ರಾಜಕಾರಣಕ್ಕೆ ಕಾರಣವಾಗಿವೆ. ಇದನ್ನೆಲ್ಲ ಪಕ್ಷಾತೀತವಾಗಿ ನೋಡಬೇಕಾದ ಮತ್ತು ಅದರ ಹಿನ್ನೆಲೆ, ಇತಿಹಾಸ ಅರಿತು ಸ್ವತಂತ್ರವಾಗಿ ಆಲೋಚಿಸಿ ಒಂದು ನಿರ್ಧಾರಕ್ಕೆ ಬರಬೇಕಾದ ಪ್ರಜ್ಞಾವಂತ ಯುವಕರೂ ಇದಕ್ಕೆ ಮಾರುಹೋಗುತ್ತಿರುವುದು ವಿಪರ್ಯಾಸ.