ವಾಚಕರ ವಾಣಿ| ಗದ್ದಲವಿಲ್ಲದೆ ಉತ್ಸಾಹ ಹುಟ್ಟದು

ಚಪ್ಪಾಳೆ, ಪ್ರೋತ್ಸಾಹಕರ ಕೂಗು, ಉತ್ಸಾಹದ ಗದ್ದಲ ಇಲ್ಲದೇ ಆಡುವ ಆಟ ಒಂದು ಆಟವೇ? ಕ್ರೀಡೆ ಇರುವುದೇ ಮೈ ಮನಗಳ ಚುರುಕಿಗೆ, ಪ್ರೋತ್ಸಾಹದ ಚಿಲುಮೆ ಉಕ್ಕಿಸುವುದಕ್ಕೆ. ಅದು ಬಿಟ್ಟು, ಖಾಲಿ ಕ್ರೀಡಾಂಗಣಗಳಲ್ಲಿ ಕ್ರೀಡೆಯನ್ನು ಆಯೋಜಿಸಿದರೆ ಆಟಗಾರರು ಜೀವಚ್ಛವದಂತೆ ಕಾಣುತ್ತಾರೆ. ಪ್ರೇಕ್ಷಕರು ಇಲ್ಲದೆ ಬಿಕೋ ಎನ್ನುವ ಕ್ರೀಡಾಂಗಣದಲ್ಲಿ ಸೆಂಚುರಿ ಬಾರಿಸಿದರೂ ಒಂದೇ, ಒಂದೇ ರನ್‌ಗೆ ಔಟ್ ಆದರೂ ಒಂದೇ. ಪ್ರೋತ್ಸಾಹ ಇಲ್ಲದಿದ್ದರೆ ಗೆಲುವು ಎಂಬುದು ಆಟಗಾರರಿಗೆ ಒತ್ತಡದ ಟಾಸ್ಕ್ ಅನಿಸುತ್ತದೆ. ಖಾಲಿ ಕ್ರೀಡಾಂಗಣ ಅವರಲ್ಲಿ ಬೇಸರ, ಜುಗುಪ್ಸೆಯನ್ನು ಮೂಡಿಸಬಹುದು.

-ಮಂಜುನಾಥ್ ಜಿ., ಹಗರಿಬೊಮ್ಮನಹಳ್ಳಿ, ಬಳ್ಳಾರಿ