ಮಲೆನಾಡಿನ ಅಪ್ಪೆಮಿಡಿ ಮಾವಿನಕಾಯಿಗೆ ಅಂಚೆ ಇಲಾಖೆ ಮಾನ್ಯತೆ ಸಿಕ್ಕಿದೆ (ಪ್ರ.ವಾ., ಸೆ. 1). ದೇಶದಾದ್ಯಂತ ಜನರಿಗೆ ಪರಿಚಯಿಸಲು ಅಪ್ಪೆಮಿಡಿಯ ವಿಶೇಷ ಲಕೋಟೆ ಬಿಡುಗಡೆ ಮಾಡಿದ್ದು ಶ್ಲಾಘನೀಯ ಹಾಗೂ ಇದರ ಉತ್ಪನ್ನಗಳನ್ನು ಗ್ರಾಹಕರಿಗೆ ನೇರವಾಗಿ ತಲುಪಿಸಲು ಇಲಾಖೆಯು ವಿಶೇಷ ನೆರವು ಕೂಡ ಕೊಡಲು ಮುಂದೆ ಬಂದಿರುವುದು ಸಂತಸದ ವಿಷಯ. ಇದರಿಂದ ಮುಖ್ಯವಾಗಿ ಗ್ರಾಮೀಣ ಗೃಹ ಕೈಗಾರಿಕೆಗೆ ಉತ್ತೇಜನ ನೀಡಿದಂತೆ ಆಗುತ್ತದೆ. ಹಿಂದೆ ಮಲೆನಾಡಿನ ಕಪ್ಪೆಗಳು ಸುದ್ದಿ ಮಾಡಿದ್ದವು, ಈಗ ಅಪ್ಪೆ! (ಮಿಡಿ).
