ಕೊರೊನಾ ಕಾರಣದಿಂದ ಶಾಲೆಗಳು ಆರಂಭವಾಗದಿರುವುದರಿಂದ, ಶಾಲೆಗಳು ತಂತ್ರಜ್ಞಾನ ಆಧಾರಿತ ಬೋಧನೆ ನಡೆಸುತ್ತಿವೆ. ಆದರೆ, ಈ ಶೈಕ್ಷಣಿಕ ವರ್ಷ ಪೂರ್ಣಪ್ರಮಾಣದಲ್ಲಿ ಲಭ್ಯವಾಗುತ್ತಿಲ್ಲದ ಕಾರಣ, ಶಿಕ್ಷಣ ಇಲಾಖೆಯು ಪಠ್ಯಕ್ರಮವನ್ನು ಕಡಿತಗೊಳಿಸುವುದಾಗಿ ತಿಳಿಸಿದೆ. ಅದು ಅನಿವಾರ್ಯ ಕೂಡ. ಆದರೆ, ಕಡಿತಗೊಂಡ ಪಠ್ಯಕ್ರಮದ ಪಟ್ಟಿ ಶಿಕ್ಷಕರಿಗೆ ಇನ್ನೂ ಅಧಿಕೃತವಾಗಿ ತಲುಪಿಲ್ಲ. ಇದರಿಂದ ಈಗ ಮಾಡುತ್ತಿರುವ ಪಾಠಗಳು ಕಡಿತಗೊಂಡರೆ, ಮಕ್ಕಳ ಓದು ಮತ್ತು ಬರವಣಿಗೆಯ ಸಮಯವು ಅಪವ್ಯಯವಾದಂತಾಗುತ್ತದೆ.