ಅತ್ಯಾಚಾರ ಮಾಡಿ ಜೈಲು ಶಿಕ್ಷೆ ಅನುಭವಿಸುತ್ತಿರುವವರನ್ನು ನಾನೊಮ್ಮೆ ನೋಡಬೇಕಿದೆ. ಗಲ್ಲುಶಿಕ್ಷೆಯ ಭಯದಲ್ಲೇ ಜೈಲಿನಲ್ಲಿ ರಾಗಿ ಬೀಸುತ್ತಿರುವ ಅಪರಾಧಿಗಳ ವಿಡಿಯೊ ನನಗೆ ಬೇಕಾಗಿದೆ. ಅಸಾರಾಂ ಬಾಪೂ, ಡೇರಾ ಸಚ್ಚಾ ಸೌದಾದ ರಾಮ್ ರಹೀಮ್ ಮುಂತಾದ ಕುಖ್ಯಾತರು ಈಗ ಯಾವ ಡ್ರೆಸ್ ಧರಿಸಿದ್ದಾರೆ, ಏನು ಮಾಡುತ್ತಿದ್ದಾರೆ ಎಂಬುದನ್ನು ನಾನು ಈಗಿನ ಪಡ್ಡೆ ಯುವಕರಿಗೆ ತೋರಿಸಬೇಕಾಗಿದೆ. ನಿರ್ಭಯಾಳ ಕಗ್ಗೊಲೆ ಮಾಡಿದವರ ಸ್ಥಿತಿಗತಿಯ ಸಾಕ್ಷ್ಯಚಿತ್ರದ ತುಣುಕು ನನಗೆ ಬೇಕಾಗಿದೆ. ಅದು ವೈರಲ್ ಆಗಬೇಕಿದೆ. ಯಾಕೆ ಈ ಯಾವುದನ್ನೂ ದೃಶ್ಯ ಮಾಧ್ಯಮಗಳು ವರ್ಷಕ್ಕೊಮ್ಮೆಯೂ ನಮಗೆ ತೋರಿಸುತ್ತಿಲ್ಲ? ಯಾಕೆ ಕಿರು ಚಡ್ಡಿ ತೊಟ್ಟು ಕುಣಿಯುವ ಹುಡುಗಿಯರನ್ನು, ಮದ್ಯದ ಗ್ಲಾಸಿನ ಮಧ್ಯೆ ಅವಳ ಕ್ಲೀವೇಜಿನ ಆಳಗಲವನ್ನು ದಿನವೂ ಎಂಬಂತೆ ಇವು ತೋರಿಸುತ್ತಿವೆ?