ಇದನ್ನು ಬೆಂಬಲಿಸುತ್ತಿರುವವರು ಅದಕ್ಕೆ ನೀಡುವ ಪ್ರಮುಖ ಕಾರಣ, ನ್ಯಾಯ ನೀಡುವಿಕೆಯಲ್ಲಿ ಆಗುತ್ತಿರುವ ವಿಳಂಬ ಹಾಗೂ ಬಲಿಷ್ಠರು ಕೆಲವೊಮ್ಮೆ ಶಿಕ್ಷೆಯಿಂದ ಪಾರಾಗುತ್ತಿರುವುದು. ಇವೇನೂ ತಪ್ಪು ಗ್ರಹಿಕೆಗಳಲ್ಲ. ಆದರೆ, ಇದಕ್ಕೆ ಪೊಲೀಸ್ ವ್ಯವಸ್ಥೆಯ ಕೊಡುಗೆ ಅಪಾರ. ಕಾಲಕ್ಕೆ ತಕ್ಕಂತೆ ಬದಲಾಗದ ತನಿಖಾ ವಿಧಾನ, ಆರೋಪಪಟ್ಟಿ ಸಲ್ಲಿಸುವಾಗಿನ ವೃತ್ತಿಪರತೆಯ ಕೊರತೆ, ಸಾಕ್ಷಿಗಳಿಗೆ ಸರಿಯಾದ ಭದ್ರತೆ ಒದಗಿಸದಿರುವುದು... ಹೀಗೆ ವ್ಯವಸ್ಥೆ ಜಡ್ಡುಗಟ್ಟುವುದಕ್ಕೆ ಹಲವು ಕಾರಣಗಳಿವೆ.