ಸೋಮವಾರ, ಜೂಲೈ 6, 2020
22 °C

‘ಬಂಗಾರದ ಕಡಲೆ’ಯಾಯಿತೇ ಮರಳು?

ವಾಚಕರವಾಣಿ Updated:

ಅಕ್ಷರ ಗಾತ್ರ : | |

ಇನ್ನೇನು ಕೆಲವೇ ದಿನಗಳಲ್ಲಿ ಮಳೆಗಾಲ ಆರಂಭವಾಗಲಿದೆ. ಮಳೆಗಾಲದಲ್ಲಿ ಮರಳು ಗಣಿಗಾರಿಕೆ ನಿಷಿದ್ಧ. ಈ ಹಿಂದೆ ಉಡುಪಿಯ ಶಾಸಕರು ಮರಳಿಗಾಗಿ ಅಹೋರಾತ್ರಿ ಧರಣಿ ನಡೆಸಿ ‘ಸ್ಯಾಂಡ್ ಆ್ಯಪ್’ ಮೂಲಕ ಅಲ್ಪ ಪ್ರಮಾಣದ ಮರಳನ್ನಾದರೂ ಜಿಲ್ಲೆಯ ಜನರಿಗೆ ಒದಗಿಸುವಲ್ಲಿ ಯಶಸ್ವಿಯಾದರು. ಆದರೆ ಜನ ಗೊಂದಲಕ್ಕೀಡಾದರೇ ವಿನಾ ಮರಳಿನ ಅಭಾವ ಕಡಿಮೆಯಾಗಲಿಲ್ಲ. ಅದೆಷ್ಟೋ ಮನೆ, ಕಟ್ಟಡಗಳ ಕಾಮಗಾರಿಗಳು ಅರ್ಧದಲ್ಲೇ ನಿಂತಿವೆ.

ಇದು ವರ್ಷದ ಮಧ್ಯಂತರ. ಈಗಾಗಲೇ ಎರಡು ತಿಂಗಳು ಕೊರೊನಾ ಪಾಲಾಗಿವೆ. ಮುಂದಿನ ಮೂರ್ನಾಲ್ಕು ತಿಂಗಳು ಮಳೆಯಾಗುವ ಕಾರಣ ಮರಳು ಗಣಿಗಾರಿಕೆಗೆ ಅವಕಾಶ ಇರುವುದಿಲ್ಲ. ಉಳಿದ 3 ತಿಂಗಳು ಜಿಲ್ಲೆಯಲ್ಲಿ ಮರಳಿದ್ದರೂ ಸಾಗಾಟಕ್ಕೆ, ಗಣಿಗಾರಿಕೆಗೆ ಪರವಾನಗಿ ಇರದು. ಒಟ್ಟಾರೆ ‘ಬಂಗಾರದ ಕಡಲೆ’ಯಂತೆ ಮರೀಚಿಕೆ ಆಗಿರುವ ಮರಳು ಜನಸಾಮಾನ್ಯರಿಗೆ ನ್ಯಾಯವಾದ ಬೆಲೆಯಲ್ಲಿ ದೊರಕುವಂತಾಗಲಿ.

ರೂಪೇಶ್ ಜೆ.ಕೆ., ಉಡುಪಿ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು