ಸಮಾಜ ಹಿತಕಾರಿ ನಡೆ ಶ್ಲಾಘನೀಯ

ಇಷ್ಟು ಬೃಹತ್ ಪ್ರಮಾಣದ ‘ಜನತಾ ನ್ಯಾಯಾಲಯ’ ಪ್ರಕ್ರಿಯೆ, ಅದೂ ಏಕಕಾಲದಲ್ಲಿ ನಡೆಯುತ್ತಿರುವುದು ರಾಜ್ಯದ ನ್ಯಾಯಾಂಗ ಇತಿಹಾಸದಲ್ಲಿ ಇದೇ ಮೊದಲು. ಸಮಾಜದ ಸ್ವಾಸ್ಥ್ಯ, ನೆಮ್ಮದಿಗಾಗಿ ಅಗತ್ಯವಿರುವ ಶೀಘ್ರ ಮತ್ತು ವ್ಯಾಪಕ ನ್ಯಾಯದಾನವು ಜಾಗತಿಕ ಸ್ವಾಸ್ಥ್ಯ ಹಾನಿಯ ಈ ಸಂದರ್ಭದಲ್ಲಿ ಹಿಂದೆಂದಿಗಿಂತಲೂ ಹೆಚ್ಚುಉಪಯುಕ್ತ.

‘ಒಳಿತೊಂದೆ ಶಾಶ್ವತವೊ ಉಳಿದೆಲ್ಲವಳಿಯುವುದೊ’ ಎಂಬ ಡಿ.ವಿ.ಜಿ.ಯವರ ನುಡಿಯಂತೆ, ಕರ್ನಾಟಕ ನ್ಯಾಯಾಂಗದ ಈ ಸಮಾಜಹಿತಕಾರಿ ನಡೆಯು ಜನಮನದಲ್ಲಿ ಶಾಶ್ವತವಾಗಿ ಉಳಿಯುತ್ತದೆ. ಮಾತ್ರವಲ್ಲ, ನ್ಯಾಯಾಂಗದ ಮೇಲಿನ ಗೌರವವನ್ನು ಇಮ್ಮಡಿಗೊಳಿಸಿದೆ.

ಎಚ್.ಆನಂದರಾಮ ಶಾಸ್ತ್ರೀ, ಬೆಂಗಳೂರು