ಐದು ದಶಕಗಳ ಹಿಂದೆ ಅಂದಿನ ಯುವಕರಿಗೆ, ನಾಗರಿಕರಿಗೆ ಸ್ವಾತಂತ್ರ್ಯ ಹೋರಾಟಗಾರರು, ಮಹಾನ್ ಇತಿಹಾಸ ಪುರುಷರು ಆದರ್ಶವಾಗಿದ್ದರು. ಕಾಲಕ್ರಮೇಣ ಯುವಕರಿಗೆ ಚಲನಚಿತ್ರ ನಟ–ನಟಿಯರೇ ಆದರ್ಶವಾದರು. ಅವರ ಹೆಸರಿನಲ್ಲಿ ಸಂಘಗಳನ್ನು ರಚಿಸಿಕೊಳ್ಳುತ್ತಾರೆ. ಇನ್ನೊಂದು ನೆಲೆಯಲ್ಲಿ, ಇತಿಹಾಸದ ಮಹಾನ್ ವ್ಯಕ್ತಿಗಳ ಹೆಸರು, ಭಾವಚಿತ್ರವನ್ನು ಜಾತಿ-ಸಮುದಾಯದ ಸಂಘಗಳಿಗೆ ಬಳಕೆ ಮಾಡಿಕೊಂಡು, ಆ ಮಹಾಪುರುಷರ ವ್ಯಕ್ತಿತ್ವವನ್ನು ಕುಗ್ಗಿಸುವ ಪ್ರಯತ್ನಗಳು ಆಗುತ್ತಿವೆ. ಇದು, ಜಾತ್ಯತೀತ ಎಂದು ಕರೆಸಿಕೊಳ್ಳುವ ರಾಷ್ಟ್ರದ ವಿಪರ್ಯಾಸ.