ಶಾಲೆಗಳ ಬೆದರಿಕೆ ಸಲ್ಲ

ಆನ್‌ಲೈನ್ ಶಿಕ್ಷಣದಿಂದಾಗಿ ಶಾಲೆಗಳಿಗೆ ಶಾಲಾ ವಾಹನ, ಡ್ರೈವರ್ ಹಾಗೂ ಆಳುಕಾಳುಗಳ ನಿರ್ವಹಣಾ ಖರ್ಚು ಉಳಿತಾಯವಾಗಿದೆ. ಕೆಲವೇ ಶಿಕ್ಷಕರ ಸಹಯೋಗದಲ್ಲಿ ಅವರವರ ಮನೆಗಳಿಂದಲೇ ಪಾಠ ಮಾಡಿಸಲಾಗುತ್ತಿದೆ. ಅಷ್ಟಕ್ಕೂ ಆಯಾ ತಿಂಗಳ ಶುಲ್ಕ ವಸೂಲಿಯಿಂದಲೇ ಆಯಾ ತಿಂಗಳ ವೆಚ್ಚವನ್ನು ಭರಿಸುವಂತಹ ಪರಿಸ್ಥಿತಿ ಖಾಸಗಿ ಶಾಲೆಗಳಿಗಿಲ್ಲ. ಶಾಲಾ ಸಾಮಾಜಿಕ ಹೊಣೆಗಾರಿಕೆ ನಿಧಿಯ ಖಾತೆಯಲ್ಲಿನ ಧನವನ್ನು ಈಗ ವ್ಯಯಿಸಿ, ಮುಂದೆ ವಸೂಲು ಮಾಡಿಕೊಳ್ಳಬಹುದಲ್ಲವೇ? ಶುಲ್ಕ ಸಂಗ್ರಹದಲ್ಲಿ ಔದಾರ್ಯ ತೋರಿ, ಹೆಚ್ಚಿನ ಕಂತುಗಳಲ್ಲಿ ಪಡೆಯಬಾರದೇಕೆ?
-ಕೆ.ಶ್ರೀನಿವಾಸ ರಾವ್, ಹರಪನಹಳ್ಳಿ