ನೌಕರರಿಗಷ್ಟೇ ನಿಯಮ ಏಕೆ?

ಸರ್ಕಾರ ತನ್ನ ನೌಕರರಿಗೆ ಒಂದು ಸಂಪ್ರದಾಯದಂತೆ ಇದೀಗ ನಡತೆ ನಿಯಮದ ಕರಡನ್ನು ಬಿಡುಗಡೆ ಮಾಡಿದೆ. ಸಿನಿಮಾ, ಧಾರಾವಾಹಿಗಳಲ್ಲಿ ನಟಿಸಬಾರದು, ಅನುಮತಿ ಇಲ್ಲದೆ ಪತ್ರಿಕೆಗಳಿಗೆ ಲೇಖನ ಬರೆಯಬಾರದು, ರಾಜಕೀಯ ಪಕ್ಷದ ಪರ ಕೆಲಸ ಮಾಡಬಾರದು ಎಂಬಂತಹ ಸೂಚನೆಗಳು ಇದರಲ್ಲಿವೆ. ಇವೆಲ್ಲ ಈಗಾಗಲೇ ಎಷ್ಟರಮಟ್ಟಿಗೆ ಪಾಲನೆಯಾಗುತ್ತಿವೆ ಎಂಬುದು ಎಲ್ಲರಿಗೂ ತಿಳಿದಿರುವ ಸಂಗತಿಯೇ. ಶಿಕ್ಷಕರ ಕ್ಷೇತ್ರದ ಚುನಾವಣೆ ನಡೆಯುವುದೇ ಸರ್ಕಾರಿ ನೌಕರರ ನೇರವಾದ ರಾಜಕೀಯ ಪಕ್ಷ ಚಟುವಟಿಕೆಗಳಿಂದ. ಇವರನ್ನು ಯಾರಾದರೂ ನಿರ್ಬಂಧಿಸಲು ಸಾಧ್ಯವಾಯಿತೇ? ಕೆಲವು ಗಟ್ಟಿಗರು ರಾಷ್ಟ್ರೀಯ ಪಕ್ಷಗಳೊಂದಿಗೆ ನೇರ ಸಂಪರ್ಕವನ್ನೇ ಇರಿಸಿಕೊಂಡಿರುತ್ತಾರೆ.