ಲಾಕ್ಡೌನ್ ಹಿನ್ನೆಲೆಯಲ್ಲಿ ಆಟೊ ಮತ್ತು ಟ್ಯಾಕ್ಸಿ ಚಾಲಕರಿಗೆ ಸರ್ಕಾರ ನೀಡಲಿರುವ ₹ 5,000 ಪರಿಹಾರಧನ ಪಡೆಯಲು ಕೇವಲ ಸ್ವಂತ ಆಟೊ ಮತ್ತು ಟ್ಯಾಕ್ಸಿ ಹೊಂದಿದವರಿಗೆ ಮಾತ್ರ ಅವಕಾಶವಿದೆ. ಬಾಡಿಗೆ ಆಧಾರದ ಮೇಲೆ ಈ ವಾಹನಗಳನ್ನು ಓಡಿಸುವ ಚಾಲಕರಿಗೆ ಅರ್ಜಿ ಸಲ್ಲಿಸಲು ಯಾವುದೇ ರೀತಿಯ ರಿಯಾಯಿತಿ ಮತ್ತು ಅವಕಾಶಗಳನ್ನು ನೀಡಿಲ್ಲ. ಎರಡು ತಿಂಗಳಿನಿಂದ ಉದ್ಯೋಗವಿಲ್ಲದೆ ಕಂಗೆಟ್ಟಿರುವ ಚಾಲಕರು ಕೈಯಲ್ಲಿ ಕಾಸಿಲ್ಲದೆ ತುತ್ತು ಅನ್ನಕ್ಕೂ ಪರದಾಡುವಂತಹ ಸ್ಥಿತಿ ನಿರ್ಮಾಣವಾಗಿದೆ.
