<p>ನಮಗೆಲ್ಲರಿಗೂ ಹುಟ್ಟಿನಿಂದ ಸಾವಿನ ತನಕ ವೈದ್ಯರು ಒಂದಲ್ಲಾ ಒಂದು ಕಾರಣಕ್ಕೆ ಬೇಕೇಬೇಕು; ಮತ್ತು ಎಲ್ಲರ ಅನುಭವಕ್ಕೂ ಬಂದಿರುವಂತೆ ಖಾಸಗಿ ಆಸ್ಪತ್ರೆಗಳಲ್ಲಿ ಕೆಲಸ ಮಾಡುವವರೂ ಸೇರಿದಂತೆ ಹೆಚ್ಚಿನ ವೈದ್ಯರು ತಮ್ಮ ಕಾರ್ಯವನ್ನು ವೃತ್ತಿಯಂತೆ ಬಗೆಯದೆ ಅದೊಂದು ಸಮಾಜ ಸೇವೆಯಂತೆ ಮಾಡುತ್ತಾರೆ. ರೋಗಗಳನ್ನು ಗುಣಪಡಿಸುತ್ತಾರೆ, ರೋಗಿಗಳಿಗೆ ಜೀವ ಕೊಡುತ್ತಾರೆ.</p>.<p>ಆದರೆ, ಈ ಹಿಂದೆ ನಡೆದ ಮತ್ತು ಇಂದು ನಡೆಯುತ್ತಿರುವ ಖಾಸಗಿ ಆಸ್ಪತ್ರೆಗಳ ವೈದ್ಯರ ಮುಷ್ಕರವನ್ನು ನೋಡಿದರೆ, ತಮ್ಮ ವೃತ್ತಿಯನ್ನು ಒಂದು ದಂಧೆಯಂತೆ ನೋಡುವವರೇ ಹೆಚ್ಚಾಗುತ್ತಿದ್ದಾರೋ ಎಂಬ ಅನುಮಾನ ಬರುತ್ತಿದೆ. ಸರ್ಕಾರಿ ಆಸ್ಪತ್ರೆಗಳಲ್ಲಿ ಸೂಕ್ತ ಯಂತ್ರೋಪಕರಣಗಳಿಲ್ಲ, ಅವಶ್ಯಕ ಔಷಧಗಳಿಲ್ಲ– ಇದೆಲ್ಲಾ ನಿಜ; ಹಾಗೆಯೇ ತನ್ನ ಪ್ರತಿಷ್ಠೆಯನ್ನು ಮರೆತು, ಈ ಮುಷ್ಕರದಿಂದ ಬಡ ರೋಗಿಗಳಿಗೆ ಅನ್ಯಾಯವಾಗದಂತೆ ನೋಡಿಕೊಳ್ಳಬೇಕಾದುದು ಸರ್ಕಾರದ ಕರ್ತವ್ಯ ಎಂಬುದೂ ನಿಜ.</p>.<p>ಆದರೆ ಎಲ್ಲಾ ಖಾಸಗಿ ಆಸ್ಪತ್ರೆಗಳ ವೈದ್ಯರೂ ತಾಂತ್ರಿಕನಿಪುಣರೂ ಸೇವಾ ಮನೋಭಾವದಿಂದಲೇ ಕೆಲಸಮಾಡುತ್ತಾರೆಯೇ? ಹಾಗಿದ್ದರೆ, ಲಕ್ಷಾಂತರ ರೂಪಾಯಿಗಳನ್ನು ಕೊಟ್ಟು ಮೆಡಿಕಲ್ ಕಾಲೇಜುಗಳಲ್ಲಿ ಯಾರೂ ಪ್ರವೇಶ ಪಡೆಯುತ್ತಿರಲಿಲ್ಲ; ಒಂದಾದ ನಂತರ ಒಂದರಂತೆ ‘ಹೈಟೆಕ್ ಖಾಸಗಿ ಆಸ್ಪತ್ರೆಗಳು’ ಬೆಳೆಯುತ್ತಿರಲಿಲ್ಲ. ಒಂದೇ ಬಗೆಯ ಮೈನರ್ ಆಪರೇಷನ್ಗೆ (ಅಪೆಂಡಿಕ್ಸ್ ಅನ್ನೋಣ) ₹ 20 ಸಾವಿರದಿಂದ ₹ 50 ಸಾವಿರದವರೆಗೆ ವ್ಯತ್ಯಾಸವಿರುತ್ತಿರಲಿಲ್ಲ; ಮೃತದೇಹವನ್ನಿಟ್ಟುಕೊಂಡು, ಬಿಲ್ ಕೊಡದ ಹೊರತು ದೇಹವನ್ನು ಕೊಡುವುದಿಲ್ಲ ಎಂದು ಚೌಕಾಸಿ ಮಾಡುತ್ತಿರಲಿಲ್ಲ; ಜನೌಷಧದ (ಜೆನೆರಿಕ್) ಬದಲು ದುಬಾರಿ ಬ್ರ್ಯಾಂಡ್ ಔಷಧಗಳನ್ನು ಬರೆದು ಕೊಡುತ್ತಿರಲಿಲ್ಲ.</p>.<p>ಇವೆಲ್ಲವನ್ನೂ ಮರೆತು (ಅಥವಾ ನಿರ್ಲಕ್ಷಿಸಿ), ಈಗ ನಡೆಯುತ್ತಿರುವ ಮುಷ್ಕರದ ನಾಯಕರಂತೆ ಕಾಣುವ ಐ.ಎಂ.ಎ. ಅಧ್ಯಕ್ಷರು, ‘ಸರ್ಕಾರ, ನಾವು ಬೇಡವೆಂದರೂ ಈ ತಿದ್ದುಪಡಿ ಮಸೂದೆಯನ್ನು ಸದನದಲ್ಲಿ ಮಂಡಿಸಲು ಮುಂದಾಗಿದೆ. ಇದೇನಾದರೂ ಜಾರಿಗೆ ಬಂದರೆ ನಾವು ಎಲ್ಲಾ ಖಾಸಗಿ ಆಸ್ಪತ್ರೆಗಳನ್ನು ಮುಚ್ಚುತ್ತೇವೆ; ಆಗೇನು ಮಾಡುತ್ತೀರಿ?’ ಎಂದು ಆರ್ಭಟಿಸುತ್ತಿರುವುದು ವಿಷಾದನೀಯ; ಇಂತಹ ಗರ್ವ ಯಾರಿಗೂ ಸಲ್ಲ. ‘ತಿಂಗಳಿಗೆ ಲಕ್ಷಗಟ್ಟಲೆ ಬರುವ ಆದಾಯವಿಲ್ಲದೇ ಹೋದರೆ ನೀವೇನು ಮಾಡುತ್ತೀರಿ’ ಎಂದು ಕೇಳಬೇಕೆನ್ನಿಸುತ್ತದೆ.</p>.<p>ಸರ್ಕಾರ ತನ್ನ ಹಟವನ್ನು ಹಾಗೂ ವೈದ್ಯರು ತಮ್ಮ ಅಹಂ ಅನ್ನು ಬಿಟ್ಟರೆ, ಮಾತುಕತೆಯ ಮೂಲಕ ಎಲ್ಲಾ ಪ್ರಶ್ನೆಗಳನ್ನೂ ಪರಿಹರಿಸಿಕೊಳ್ಳಬಹುದೆಂದು ತೋರುತ್ತದೆ. ಹಾಗಾಗುತ್ತದೆಯೇ? ಅಥವಾ ಈಗ ಸತ್ತಿರುವ 12 ಮಂದಿಯೊಡನೆ ಇನ್ನಷ್ಟು ಜನರು ಸಾಯಬೇಕೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಮಗೆಲ್ಲರಿಗೂ ಹುಟ್ಟಿನಿಂದ ಸಾವಿನ ತನಕ ವೈದ್ಯರು ಒಂದಲ್ಲಾ ಒಂದು ಕಾರಣಕ್ಕೆ ಬೇಕೇಬೇಕು; ಮತ್ತು ಎಲ್ಲರ ಅನುಭವಕ್ಕೂ ಬಂದಿರುವಂತೆ ಖಾಸಗಿ ಆಸ್ಪತ್ರೆಗಳಲ್ಲಿ ಕೆಲಸ ಮಾಡುವವರೂ ಸೇರಿದಂತೆ ಹೆಚ್ಚಿನ ವೈದ್ಯರು ತಮ್ಮ ಕಾರ್ಯವನ್ನು ವೃತ್ತಿಯಂತೆ ಬಗೆಯದೆ ಅದೊಂದು ಸಮಾಜ ಸೇವೆಯಂತೆ ಮಾಡುತ್ತಾರೆ. ರೋಗಗಳನ್ನು ಗುಣಪಡಿಸುತ್ತಾರೆ, ರೋಗಿಗಳಿಗೆ ಜೀವ ಕೊಡುತ್ತಾರೆ.</p>.<p>ಆದರೆ, ಈ ಹಿಂದೆ ನಡೆದ ಮತ್ತು ಇಂದು ನಡೆಯುತ್ತಿರುವ ಖಾಸಗಿ ಆಸ್ಪತ್ರೆಗಳ ವೈದ್ಯರ ಮುಷ್ಕರವನ್ನು ನೋಡಿದರೆ, ತಮ್ಮ ವೃತ್ತಿಯನ್ನು ಒಂದು ದಂಧೆಯಂತೆ ನೋಡುವವರೇ ಹೆಚ್ಚಾಗುತ್ತಿದ್ದಾರೋ ಎಂಬ ಅನುಮಾನ ಬರುತ್ತಿದೆ. ಸರ್ಕಾರಿ ಆಸ್ಪತ್ರೆಗಳಲ್ಲಿ ಸೂಕ್ತ ಯಂತ್ರೋಪಕರಣಗಳಿಲ್ಲ, ಅವಶ್ಯಕ ಔಷಧಗಳಿಲ್ಲ– ಇದೆಲ್ಲಾ ನಿಜ; ಹಾಗೆಯೇ ತನ್ನ ಪ್ರತಿಷ್ಠೆಯನ್ನು ಮರೆತು, ಈ ಮುಷ್ಕರದಿಂದ ಬಡ ರೋಗಿಗಳಿಗೆ ಅನ್ಯಾಯವಾಗದಂತೆ ನೋಡಿಕೊಳ್ಳಬೇಕಾದುದು ಸರ್ಕಾರದ ಕರ್ತವ್ಯ ಎಂಬುದೂ ನಿಜ.</p>.<p>ಆದರೆ ಎಲ್ಲಾ ಖಾಸಗಿ ಆಸ್ಪತ್ರೆಗಳ ವೈದ್ಯರೂ ತಾಂತ್ರಿಕನಿಪುಣರೂ ಸೇವಾ ಮನೋಭಾವದಿಂದಲೇ ಕೆಲಸಮಾಡುತ್ತಾರೆಯೇ? ಹಾಗಿದ್ದರೆ, ಲಕ್ಷಾಂತರ ರೂಪಾಯಿಗಳನ್ನು ಕೊಟ್ಟು ಮೆಡಿಕಲ್ ಕಾಲೇಜುಗಳಲ್ಲಿ ಯಾರೂ ಪ್ರವೇಶ ಪಡೆಯುತ್ತಿರಲಿಲ್ಲ; ಒಂದಾದ ನಂತರ ಒಂದರಂತೆ ‘ಹೈಟೆಕ್ ಖಾಸಗಿ ಆಸ್ಪತ್ರೆಗಳು’ ಬೆಳೆಯುತ್ತಿರಲಿಲ್ಲ. ಒಂದೇ ಬಗೆಯ ಮೈನರ್ ಆಪರೇಷನ್ಗೆ (ಅಪೆಂಡಿಕ್ಸ್ ಅನ್ನೋಣ) ₹ 20 ಸಾವಿರದಿಂದ ₹ 50 ಸಾವಿರದವರೆಗೆ ವ್ಯತ್ಯಾಸವಿರುತ್ತಿರಲಿಲ್ಲ; ಮೃತದೇಹವನ್ನಿಟ್ಟುಕೊಂಡು, ಬಿಲ್ ಕೊಡದ ಹೊರತು ದೇಹವನ್ನು ಕೊಡುವುದಿಲ್ಲ ಎಂದು ಚೌಕಾಸಿ ಮಾಡುತ್ತಿರಲಿಲ್ಲ; ಜನೌಷಧದ (ಜೆನೆರಿಕ್) ಬದಲು ದುಬಾರಿ ಬ್ರ್ಯಾಂಡ್ ಔಷಧಗಳನ್ನು ಬರೆದು ಕೊಡುತ್ತಿರಲಿಲ್ಲ.</p>.<p>ಇವೆಲ್ಲವನ್ನೂ ಮರೆತು (ಅಥವಾ ನಿರ್ಲಕ್ಷಿಸಿ), ಈಗ ನಡೆಯುತ್ತಿರುವ ಮುಷ್ಕರದ ನಾಯಕರಂತೆ ಕಾಣುವ ಐ.ಎಂ.ಎ. ಅಧ್ಯಕ್ಷರು, ‘ಸರ್ಕಾರ, ನಾವು ಬೇಡವೆಂದರೂ ಈ ತಿದ್ದುಪಡಿ ಮಸೂದೆಯನ್ನು ಸದನದಲ್ಲಿ ಮಂಡಿಸಲು ಮುಂದಾಗಿದೆ. ಇದೇನಾದರೂ ಜಾರಿಗೆ ಬಂದರೆ ನಾವು ಎಲ್ಲಾ ಖಾಸಗಿ ಆಸ್ಪತ್ರೆಗಳನ್ನು ಮುಚ್ಚುತ್ತೇವೆ; ಆಗೇನು ಮಾಡುತ್ತೀರಿ?’ ಎಂದು ಆರ್ಭಟಿಸುತ್ತಿರುವುದು ವಿಷಾದನೀಯ; ಇಂತಹ ಗರ್ವ ಯಾರಿಗೂ ಸಲ್ಲ. ‘ತಿಂಗಳಿಗೆ ಲಕ್ಷಗಟ್ಟಲೆ ಬರುವ ಆದಾಯವಿಲ್ಲದೇ ಹೋದರೆ ನೀವೇನು ಮಾಡುತ್ತೀರಿ’ ಎಂದು ಕೇಳಬೇಕೆನ್ನಿಸುತ್ತದೆ.</p>.<p>ಸರ್ಕಾರ ತನ್ನ ಹಟವನ್ನು ಹಾಗೂ ವೈದ್ಯರು ತಮ್ಮ ಅಹಂ ಅನ್ನು ಬಿಟ್ಟರೆ, ಮಾತುಕತೆಯ ಮೂಲಕ ಎಲ್ಲಾ ಪ್ರಶ್ನೆಗಳನ್ನೂ ಪರಿಹರಿಸಿಕೊಳ್ಳಬಹುದೆಂದು ತೋರುತ್ತದೆ. ಹಾಗಾಗುತ್ತದೆಯೇ? ಅಥವಾ ಈಗ ಸತ್ತಿರುವ 12 ಮಂದಿಯೊಡನೆ ಇನ್ನಷ್ಟು ಜನರು ಸಾಯಬೇಕೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
