ನರಸಿಂಹರಾಜ ಕಾಲೊನಿಯಲ್ಲಿರುವ ಶ್ಯಾಮಣ್ಣ ಪಾರ್ಕ್ನಲ್ಲಿ ಆಟೋಪಕರಣಗಳು ಯಥೇಚ್ಛವಾಗಿದ್ದು ಮಕ್ಕಳಿಗೆ ಉತ್ತಮ ಮನರಂಜನಾ ಕೇಂದ್ರವಾಗಿತ್ತು. ಆದರೆ ಈಗ ಅದು ಬಹುತೇಕ ನಿಷ್ಪ್ರಯೋಜಕವಾಗಿದೆ.
ಮೊದಲನೆಯದಾಗಿ ಗೋಳಾಕಾರದ ತಿರುಗುಬಂಡಿ ಮೂಲೆ ಸೇರಿದೆ. ಉಯ್ಯಾಲೆಗಳ ಪೈಕಿ ಒಂದರ ಸರಪಳಿ ಕಿತ್ತು ಹೋಗಿದ್ದರೆ ಮತ್ತೊಂದರ ಸರಪಳಿ ಸಹಿತ ಮೇಲಕ್ಕೆ ಇಟ್ಟಿದ್ದಾರೆ. ಮತ್ತೊಂದು ದೊಡ್ಡದಾದ ಗೋಳಾಕಾರದ ತಿರುಗುಬಂಡಿಯ ಜಂತಿ ತುಕ್ಕುಹಿಡಿದಿದೆ. ಜಾರುಬಂಡೆಯ ಮೆಟ್ಟಿಲು ಏರಲು ಮಕ್ಕಳು ಬಹಳ ಸಾಹಸಪಡಬೇಕಾಗಿದೆ. ಜನರಿಗೆ ಕುಳಿತುಕೊಳ್ಳಲು ಹಾಕಿದ್ದ ಆಸನಗಳು ಮುರಿದುಬಿದ್ದಿವೆ. ಫೈಬರ್ ಜಾರುಬಂಡೆಯ ಮೇಲ್ಭಾಗದಲ್ಲಿ ರಂಧ್ರವಾಗಿದ್ದು ಬಳಸಲು ಸಮರ್ಪಕವಾಗಿಲ್ಲ.
ಇವೆಲ್ಲವುಗಳನ್ನು ಸರಿಪಡಿಸಿ ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಡಬೇಕೆಂದು ವಿನಂತಿ.