ಕ್ರಿಕೆಟ್ ಈಗ ಅಭಿಮಾನದ ಕ್ರೀಡೆಯೂ ಅಲ್ಲ, ಸಭ್ಯ ಕ್ರೀಡೆಯೂ ಅಲ್ಲ. ಪಟ್ಟಭದ್ರ ಹಿತಾಸಕ್ತಿಗಳಿಂದಾಗಿ ಮೋಜು, ಜೂಜು, ಹಗರಣ, ಗೊಂದಲಗಳ ಕ್ರೀಡೆಯಾಗಿ ಬೆಳೆಯುತ್ತಿದೆ. ಆದರೂ ಅದಕ್ಕೆ ಎಲ್ಲರೂ ಎಲ್ಲಿಲ್ಲದ ಪ್ರಾಮುಖ್ಯ ನೀಡುತ್ತಿರುವುದು ಸರಿಯಲ್ಲ.
ಸೋಲು ಗೆಲುವು ಕ್ರೀಡೆಗಳಲ್ಲಿ ಇದ್ದದ್ದೇ. ಎಲ್ಲಿಯವರೆಗೆ ರಾಜಕಾರಣಿಗಳು, ಉದ್ಯಮಿಗಳ ಹಿಡಿತದಲ್ಲಿ ಕ್ರೀಡೆಗಳು ಇರುತ್ತವೋ ಅಲ್ಲಿಯವರೆಗೂ ಆ ಕ್ರೀಡೆಗಳು ತಮ್ಮತನವನ್ನು ಕಳೆದುಕೊಂಡು ಕೇವಲ ಮೋಜಿನ ಆಟಗಳಾಗಿಬಿಡುತ್ತವೆ. ಅಲ್ಲದೆ ಆಟಗಾರರು ಅಂತಹವರ ಕೈಯಲ್ಲಿ ದಾಳಗಳಾಗಿ ತಾವೂ ಮೋಜು ಜೂಜುಗಳ ದಾಸರಾಗುತ್ತಾರೆ. ಇದಕ್ಕೆ ಕ್ರಿಕೆಟ್ನ ಇಂದಿನ ಸ್ಥಿತಿ ಒಂದು ದೃಷ್ಟಾಂತ.