ತಮ್ಮ ತಂಡ ಅಥವಾ ಆಟಗಾರರು ಸೋತಾಗ, ಅಭಿಮಾನಿಗಳಲ್ಲಿ ನಿರಾಶೆ, ಹತಾಶೆಗಳು ಸಹಜವಾಗಿಯೇ ಕಂಡುಬರುತ್ತವೆ. ಆದರೆ ಅದು ಅತಿಯಾಗಿ ದುರ್ವರ್ತನೆಗೆ ಕಾರಣವಾಗಬಾರದು. ಮುಖ್ಯವಾಗಿ ದೃಶ್ಯ ಮಾಧ್ಯಮಗಳು ಆಟವನ್ನು ಯುದ್ಧದಂತೆ ವೈಭವೀಕರಿಸುವುದನ್ನು ನಿಲ್ಲಿಸಬೇಕಾಗಿದೆ. ಗೆದ್ದಾಗ ಅಥವಾ ಸೋತಾಗ ಆಟಗಾರರು ಕ್ರೀಡಾಸ್ಫೂರ್ತಿಯನ್ನು ಮೆರೆದರೆ, ಕ್ರೀಡಾಸಕ್ತರ ಮೆಚ್ಚುಗೆಗೆ ಪಾತ್ರರಾಗುತ್ತಾರೆ ಮತ್ತು ಆಟದ ಘನತೆ, ಗೌರವವನ್ನು ಹೆಚ್ಚಿಸಿದಂತಾಗುತ್ತದೆ.