ಜಾತಿ ಆಧಾರದ ಮೇಲೆ ವಿಧಾನಪರಿಷತ್ಗೆ ಸದಸ್ಯರ ನಾಮಕರಣದ ವಿವರಗಳು (ಪ್ರ.ವಾ. ಜೂ.1) ಜಾತ್ಯತೀತ ವ್ಯವಸ್ಥೆಯೇ ನಾಚುವಂಥದ್ದು.
ಒಂದು ಕಡೆ ಜಾತಿ ನಾಶವಾಗಬೇಕೆಂಬ ಕೂಗು, ಇನ್ನೊಂದು ಕಡೆ ಇಂಥಿಂಥ ಜಾತಿಯವರೇ ಬೇಕು ಎನ್ನುವ ಧೋರಣೆ ವಿಡಂಬನಕಾರಿಯಾಗಿದೆ. ತಮ್ಮ ಜಾತಿಗಳ ಪ್ರತಿನಿಧಿಗಳೇ ಇಲ್ಲದ ಎಷ್ಟೊಂದು ಜಾತಿಗಳಿವೆ. ಹಾಗಾದರೆ ಅಂಥವರ ಉದ್ದಾರ ಆಗುತ್ತಿಲ್ಲವೇ? ಇಲ್ಲವೆಂದಾದರೆ ಅವರುಗಳ ಗತಿ ಏನು? ಎಂಬಂತೆಲ್ಲ ಪ್ರಶ್ನೆಗಳು ಶಾಶ್ವತವಾಗೇ ಉಳಿಯುತ್ತದೆ.
ಸ್ವಜಾತಿ ಪಕ್ಷಪಾತ ಬೇಡ ಎನ್ನುವುದಾದರೆ, ಜಾತಿ ಆಧಾರದ ಮೇಲೆ ಬಂದ ಶಾಸಕರು ತಮ್ಮ ಜಾತಿಯಿಂದ ವಿಮುಖರಾದರೆ ನ್ಯಾಯವಾದೀತೆ? ಆಯಾ ಜನ ಅವರನ್ನು ಸುಮ್ಮನೆ ಬಿಡುವುದಿಲ್ಲ ಇಂಥ ಮೂರ್ಖ ಪದ್ಧತಿಗೆ ವಿದಾಯ ಹೇಳಬೇಕಷ್ಟೆ.