<p>ಪ್ರಧಾನಿಗೆ ಗದರಿದ ಪರಿಚಾರಿಕೆ! (ಪ್ರವಾ. ಜುಲೈ 5) ವರದಿಯಲ್ಲಿರುವ ಪ್ರಸಂಗ ನಮ್ಮಲ್ಲಿ ಘಟಿಸಿದ್ದರೆ ಏನಾಗುತ್ತಿತ್ತು ಎಂದು ವಿವೇಚಿಸಬಹುದಲ್ಲವೇ? ನಮ್ಮಲ್ಲಿ ಇಂತಹ ಸಂದರ್ಭ ಎದುರಾಗಿದ್ದರೆ ಸಾಮಾನ್ಯ ಮಂತ್ರಿಯೊಬ್ಬರು ಇಲ್ಲದ ಗಲಾಟೆ ಎಬ್ಬಿಸಿ ಚಹಾ ಅಂಗಡಿ ಎತ್ತಂಗಡಿಯಾಗುವವರೆಗೂ ವಿಶ್ರಮಿಸುತ್ತಿರಲಿಲ್ಲ ಎನ್ನಬಹುದೆ! <br /> <br /> ಹಿಂದೊಮ್ಮೆ ರಾಜ್ಯದ ಸಚಿವರೊಬ್ಬರು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಾಗ ಅವರ ಕಾರನ್ನು ಹಿಂದಕ್ಕೆ ಹಾಕಿ ತನ್ನ ಕಾರನ್ನು ಓಡಿಸಿದನೆಂಬ ಕಾರಣಕ್ಕೆ ನಮ್ಮ ಸಚಿವರು ಕ್ರೋಧಗೊಂಡು ಆ ಕಾರಿನ ಒಡೆಯನಿಗೆ ಮೈಚಳಿ ಬಿಡಿಸಿದ ಸಂಗತಿ ವರದಿಯಾಗಿತ್ತು. ಬ್ರಿಟನ್ನಿನಲ್ಲೂ ಪ್ರಜಾಪ್ರಭುತ್ವವಿದೆ; ನಮ್ಮಲ್ಲೂ ಇದೆ.<br /> <br /> ನಮ್ಮ ಸಂವಿಧಾನ ಅನೇಕ ವಿಷಯಗಳಲ್ಲಿ ಬ್ರಿಟಿಷ್ ಸಂಪ್ರದಾಯಾನುವರ್ತಿ ಎಂದು ಹೇಳುತ್ತಾರೆ ಬಲ್ಲವರು. ಎರಡೂ ದೇಶಗಳಲ್ಲಿ ಸಂವೈಧಾನಿಕ ನೆಲೆಯಲ್ಲಿ ಪ್ರಜೆಯೇ ಪ್ರಭು, ಆದರೆ ನಮ್ಮಲ್ಲಿ ಪ್ರಜೆಗೆ ಪ್ರಭುತ್ವ ಲಭಿಸುವುದು ಸಾಮಾನ್ಯವಾಗಿ ಐದು ವರ್ಷಗಳಿಗೊಮ್ಮೆ; ಅಥವಾ, ಚುನಾವಣೆಗಳು ಬಂದಾಗ ಮಾತ್ರ. ಆಮೇಲೆ ಆಯ್ಕೆಗೊಂಡವರೇ ಸವಾರಿ ಮಾಡುವರು. <br /> <br /> ಹೌದು, ಬ್ರಿಟನ್ನ ಪ್ರಧಾನಿ ಕಾಫಿ ಶಾಪ್ ಹೊರಗಿದ್ದ ಇನ್ನೊಂದು ಬೇಕರಿಯಲ್ಲಿ ಜ್ಯಾಮ್ ಲೇಪಿತ ಸಿಹಿ ವಡೆ ತಿಂದು ಚಹಾ ಕುಡಿದರು. ಆ ಪರಿಚಾರಿಕೆ ವಿಷಾದ ವ್ಯಕ್ತಪಡಿಸಿದಳು ತಾನು ಗದರಿದ್ದು ಯಾರನ್ನು ಎಂದು ತಿಳಿದು. <br /> <br /> ಆಕೆ ಬೇರೆಯವರಿಗೆ ಕಾಫಿ ವಿತರಿಸುವಲ್ಲಿ ಕಾರ್ಯಮಗ್ನಳಾಗಿದ್ದುದು ಬ್ರಿಟನ್ ಪ್ರಧಾನಿಗೆ ತಿಳಿಯದೆ ಹೋಗಲಿಲ್ಲ. ನಂತರ ಪರಿಚಾರಿಕೆ ಏನು ಹೇಳಿದಳು ಗೊತ್ತೆ? ಅವರು (ಪ್ರಧಾನಿ) ನಂತರ ಒಳಗೆ ಬಂದರು... ಕೈ ಕುಲುಕಿದರು, ತುಂಬ ಸ್ನೇಹಪರರಾಗಿದ್ದರು ಎಂದಿದ್ದಾಳೆ.ಯಾಕೆ ಹೋಲಿಕೆ ಎನ್ನುವಿರೇನೊ....!<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪ್ರಧಾನಿಗೆ ಗದರಿದ ಪರಿಚಾರಿಕೆ! (ಪ್ರವಾ. ಜುಲೈ 5) ವರದಿಯಲ್ಲಿರುವ ಪ್ರಸಂಗ ನಮ್ಮಲ್ಲಿ ಘಟಿಸಿದ್ದರೆ ಏನಾಗುತ್ತಿತ್ತು ಎಂದು ವಿವೇಚಿಸಬಹುದಲ್ಲವೇ? ನಮ್ಮಲ್ಲಿ ಇಂತಹ ಸಂದರ್ಭ ಎದುರಾಗಿದ್ದರೆ ಸಾಮಾನ್ಯ ಮಂತ್ರಿಯೊಬ್ಬರು ಇಲ್ಲದ ಗಲಾಟೆ ಎಬ್ಬಿಸಿ ಚಹಾ ಅಂಗಡಿ ಎತ್ತಂಗಡಿಯಾಗುವವರೆಗೂ ವಿಶ್ರಮಿಸುತ್ತಿರಲಿಲ್ಲ ಎನ್ನಬಹುದೆ! <br /> <br /> ಹಿಂದೊಮ್ಮೆ ರಾಜ್ಯದ ಸಚಿವರೊಬ್ಬರು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಾಗ ಅವರ ಕಾರನ್ನು ಹಿಂದಕ್ಕೆ ಹಾಕಿ ತನ್ನ ಕಾರನ್ನು ಓಡಿಸಿದನೆಂಬ ಕಾರಣಕ್ಕೆ ನಮ್ಮ ಸಚಿವರು ಕ್ರೋಧಗೊಂಡು ಆ ಕಾರಿನ ಒಡೆಯನಿಗೆ ಮೈಚಳಿ ಬಿಡಿಸಿದ ಸಂಗತಿ ವರದಿಯಾಗಿತ್ತು. ಬ್ರಿಟನ್ನಿನಲ್ಲೂ ಪ್ರಜಾಪ್ರಭುತ್ವವಿದೆ; ನಮ್ಮಲ್ಲೂ ಇದೆ.<br /> <br /> ನಮ್ಮ ಸಂವಿಧಾನ ಅನೇಕ ವಿಷಯಗಳಲ್ಲಿ ಬ್ರಿಟಿಷ್ ಸಂಪ್ರದಾಯಾನುವರ್ತಿ ಎಂದು ಹೇಳುತ್ತಾರೆ ಬಲ್ಲವರು. ಎರಡೂ ದೇಶಗಳಲ್ಲಿ ಸಂವೈಧಾನಿಕ ನೆಲೆಯಲ್ಲಿ ಪ್ರಜೆಯೇ ಪ್ರಭು, ಆದರೆ ನಮ್ಮಲ್ಲಿ ಪ್ರಜೆಗೆ ಪ್ರಭುತ್ವ ಲಭಿಸುವುದು ಸಾಮಾನ್ಯವಾಗಿ ಐದು ವರ್ಷಗಳಿಗೊಮ್ಮೆ; ಅಥವಾ, ಚುನಾವಣೆಗಳು ಬಂದಾಗ ಮಾತ್ರ. ಆಮೇಲೆ ಆಯ್ಕೆಗೊಂಡವರೇ ಸವಾರಿ ಮಾಡುವರು. <br /> <br /> ಹೌದು, ಬ್ರಿಟನ್ನ ಪ್ರಧಾನಿ ಕಾಫಿ ಶಾಪ್ ಹೊರಗಿದ್ದ ಇನ್ನೊಂದು ಬೇಕರಿಯಲ್ಲಿ ಜ್ಯಾಮ್ ಲೇಪಿತ ಸಿಹಿ ವಡೆ ತಿಂದು ಚಹಾ ಕುಡಿದರು. ಆ ಪರಿಚಾರಿಕೆ ವಿಷಾದ ವ್ಯಕ್ತಪಡಿಸಿದಳು ತಾನು ಗದರಿದ್ದು ಯಾರನ್ನು ಎಂದು ತಿಳಿದು. <br /> <br /> ಆಕೆ ಬೇರೆಯವರಿಗೆ ಕಾಫಿ ವಿತರಿಸುವಲ್ಲಿ ಕಾರ್ಯಮಗ್ನಳಾಗಿದ್ದುದು ಬ್ರಿಟನ್ ಪ್ರಧಾನಿಗೆ ತಿಳಿಯದೆ ಹೋಗಲಿಲ್ಲ. ನಂತರ ಪರಿಚಾರಿಕೆ ಏನು ಹೇಳಿದಳು ಗೊತ್ತೆ? ಅವರು (ಪ್ರಧಾನಿ) ನಂತರ ಒಳಗೆ ಬಂದರು... ಕೈ ಕುಲುಕಿದರು, ತುಂಬ ಸ್ನೇಹಪರರಾಗಿದ್ದರು ಎಂದಿದ್ದಾಳೆ.ಯಾಕೆ ಹೋಲಿಕೆ ಎನ್ನುವಿರೇನೊ....!<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
