‘ಕಳಪೆ ಮೌಲ್ಯಮಾಪನ ಮಾಡಿದ ಶಿಕ್ಷಕರನ್ನು ಕಪ್ಪುಪಟ್ಟಿಗೆ ಸೇರಿಸಿ ಕೆಲವು ವರ್ಷಗಳವರೆಗೆ ಅವರಿಗೆ ಮೌಲ್ಯಮಾಪನಕ್ಕೆ ಅವಕಾಶ ನೀಡದಿರುವ ಆಲೋಚನೆಯೂ ಇದೆ’ ಎಂದು ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ ನಿರ್ದೇಶಕಿ ಹೇಳಿದ್ದಾರೆ (ಪ್ರ.ವಾ., ಜೂನ್ 9).
ಇದು ಶಿಕ್ಷೆಯೇ ಅಲ್ಲ. ‘ಮೌಲ್ಯ ಮಾಪನವೇ ಒಂದು ಶಿಕ್ಷೆ’ ಎನ್ನುವ ಅನೇಕ ಶಿಕ್ಷಕರಿದ್ದಾರೆ. ಅಂಥವರಿಗೆ ಇದು ವರವಾಗುತ್ತದೆ. ಆದ್ದರಿಂದ ವಿದ್ಯಾರ್ಥಿಗಳ ಭವಿಷ್ಯಕ್ಕೆ ಮಾರಕವಾಗಬಹುದಾದ ಇಂತಹ ಲೋಪಕ್ಕೆ ಇನ್ನೂ ಕಠಿಣ ಶಿಕ್ಷೆ ಆಗಬೇಕು.