ಪತ್ರ ಉಲ್ಲೇಖ: ಭಾರತದ ಪ್ರಧಾನಿಯಾಗಬೇಕು ಎಂದು ಬಯಸಿರುವ ಹುಡುಗಿಯೊಬ್ಬಳು ಬರೆದಿರುವ ಪತ್ರವನ್ನು ಮಲಾಲ ಉಲ್ಲೇಖಿಸಿದರು. ‘ಮುಂದೊಂದು ದಿನ ನಾವಿಬ್ಬರೂ ಪ್ರಧಾನಮಂತ್ರಿಗಳಾಗಬೇಕು. ಇಬ್ಬರೂ ಸೇರಿ ಉಭಯ ರಾಷ್ಟ್ರಗಳಲ್ಲಿ ಶಾಂತಿ ನೆಲೆಸುವಂತೆ ಮಾಡೋಣ ಎಂದು ಬರೆದಿದ್ದಳು. ಅದು ನನ್ನ ಹೃದಯವನ್ನು ತಟ್ಟಿತು. ಮುಂದಿನ ಜನಾಂಗ ಶಿಕ್ಷಣದ ಬಗ್ಗೆ ಮಾತ್ರ ಯೋಚಿಸುತ್ತಿಲ್ಲ. ಅದರಲ್ಲೂ ಹೆಣ್ಣುಮಕ್ಕಳು ನಾಯಕರಾಗಲು ಬಯಸುತ್ತಿದ್ದಾರೆ. ದೇಶದ ಪ್ರಧಾನಮಂತ್ರಿ, ಅಧ್ಯಕ್ಷರಾಗಲು ಬಯಸುತ್ತಿದ್ದಾರೆ. ಭವಿಷ್ಯದ ಬಗ್ಗೆ ಭರವಸೆ ಮೂಡಿಸುತ್ತಿದ್ದಾರೆ’ ಎಂದು ಆಶಾವಾದ ವ್ಯಕ್ತಪಡಿಸಿದ್ದಾರೆ.