ರಶೀದ್‌ ಖಾನ್‌ ಮೋಡಿ: ಬಾಂಗ್ಲಾದೇಶದ ವಿರುದ್ಧ ಅಫ್ಗಾನಿಸ್ತಾನಕ್ಕೆ ಜಯ

ಅವರ ಅಪೂರ್ವ ಸಾಮರ್ಥ್ಯದ ಬಲದಿಂದ ಅಫ್ಗಾನಿಸ್ತಾನ ತಂಡ ಬಾಂಗ್ಲಾದೇಶ ಎದುರಿನ ಏಷ್ಯಾಕಪ್‌ ಏಕದಿನ ಕ್ರಿಕೆಟ್‌ ಟೂರ್ನಿಯ ಪಂದ್ಯದಲ್ಲಿ 136ರನ್‌ಗಳಿಂದ ಜಯಭೇರಿ ಮೊಳಗಿಸಿತು.

ಮೊದಲು ಬ್ಯಾಟ್‌ ಮಾಡಿದ ಅಸ್ಗರ್‌ ಅಫ್ಗನ್‌ ಬಳಗ 50 ಓವರ್‌ಗಳಲ್ಲಿ 7 ವಿಕೆಟ್‌ಗೆ 255ರನ್‌ ದಾಖಲಿಸಿತು.

ಸವಾಲಿನ ಗುರಿ ಬೆನ್ನಟ್ಟಿದ ಬಾಂಗ್ಲಾ ತಂಡ 42.1 ಓವರ್‌ಗಳಲ್ಲಿ 119ರನ್‌ಗಳಿಗೆ ಆಲೌಟ್‌ ಆಯಿತು. ಶಕೀಬ್‌ ಅಲ್‌ ಹಸನ್‌ (32; 55ಎ), ಮಹಮದುಲ್ಲಾ (27; 54ಎ, 2ಬೌಂ) ಮತ್ತು ಮೊಸಾದೆಕ್‌ ಹೊಸೇನ್‌ (ಔಟಾಗದೆ 26; 60ಎ, 3ಬೌಂ) ಅವರು ತಾಳ್ಮೆಯ ಆಟ ಆಡಿದರು. ಆದರೆ ಇತರ ಬ್ಯಾಟ್ಸ್‌ಮನ್‌ಗಳು ಪೆವಿಲಿಯನ್‌ ಪರೇಡ್‌ ನಡೆಸಿದರು. ಹೀಗಾಗಿ ತಂಡದ ಗೆಲುವಿನ ಕನಸು ಕಮರಿತು.

ಸಂಕ್ಷಿಪ್ತ ಸ್ಕೋರ್‌

ಅಫ್ಗಾನಿಸ್ತಾನ: 50 ಓವರ್‌ಗಳಲ್ಲಿ 7 ವಿಕೆಟ್‌ಗೆ 255 (ಮೊಹಮ್ಮದ್‌ ಶಹಜಾದ್‌ 37, ರಹಮತ್‌ ಶಾ 10, ಹಸಮತುಲ್ಲಾ ಶಾಹಿದಿ 58, ಸಮಿವುಲ್ಲಾ ಶೆನ್ವಾರಿ 18, ಮೊಹಮ್ಮದ್‌ ನಬಿ 10, ಗುಲ್ಬದಿನ್‌ ನೈಬ್‌ ಔಟಾಗದೆ 42, ರಶೀದ್‌ ಖಾನ್‌ ಔಟಾಗದೆ 57; ರುಬೆಲ್‌ ಹೊಸೇನ್‌ 32ಕ್ಕೆ1, ಅಬು ಹೈದರ್‌ ರೋನಿ 50ಕ್ಕೆ2, ಶಕೀಬ್‌ ಅಲ್‌ ಹಸನ್‌ 42ಕ್ಕೆ4).

ಬಾಂಗ್ಲಾದೇಶ: 42.1 ಓವರ್‌ಗಳಲ್ಲಿ 119 (ಲಿಟನ್‌ ದಾಸ್‌ 6, ಶಕೀಬ್‌ ಅಲ್‌ ಹಸನ್‌ 32, ಮಹಮದುಲ್ಲಾ 27, ಮೊಸಾದೆಕ್‌ ಹೊಸೇನ್‌ ಔಟಾಗದೆ 26; ಅಫ್ತಾಬ್‌ ಆಲಂ 11ಕ್ಕೆ1, ಮುಜೀಬ್‌ ಉರ್‌ ರಹಮಾನ್‌ 22ಕ್ಕೆ2, ಗುಲ್ಬದಿನ್‌ ನೈಬ್‌ 30ಕ್ಕೆ2, ಮೊಹಮ್ಮದ್‌ ನಬಿ 24ಕ್ಕೆ1, ರಶೀದ್‌ ಖಾನ್‌ 13ಕ್ಕೆ2, ರಹಮತ್‌ ಶಾ 7ಕ್ಕೆ1).

ಫಲಿತಾಂಶ: ಅಫ್ಗಾನಿಸ್ತಾನ ತಂಡಕ್ಕೆ 136ರನ್‌ ಗೆಲುವು.

ಪಂದ್ಯಶ್ರೇಷ್ಠ: ರಶೀದ್‌ ಖಾನ್‌.